भयंकर! तोंडात जिलेटीन रॉडचा स्फोट करत…प्रियकराने केली तरुणीची हत्या; कर्नाटकात प्रेमसंबंधाचा रक्तरंजित शेवट

Karnataka Crime Boyfriend Killed Girlfriend : प्रियकराने मैत्रिणीच्या तोंडात जिलेटिनचा स्फोट घडवून तिची हत्या केली आहे. हा धक्कादायक प्रकार नेमका कुठे घडला? तर कर्नाटकातील (Karnataka) मैसूर जिल्ह्यातील सालिग्राम तालुक्यातील भेर्या गावात ही घटना उघडकीस (Crime) आली आहे. तेथे 20 वर्षीय रक्षिता या विवाहित तरुणीची तिच्याच प्रियकराने (boyfriend Killed Girlfriend) अमानुष पद्धतीने हत्या केली.

जिलेटिन रॉडचा स्फोट करून खून

रक्षिता आपल्या प्रियकराला भेटण्यासाठी गेली असता, तिचा प्रियकर सिद्धाराजू (रा. बिलिकेरे) याने आधीच तिचा खून करण्याचा कट रचला होता. लॉजमध्ये थांबताना त्याने रक्षिताच्या तोंडात जिलेटिनची रॉड (Gelatin Rod) ठेवून स्फोट घडवून आणला. त्यामुळे रक्षिता गंभीर जखमी होऊन घटनास्थळीच मृत्यू पावली.

Video : शिवाजी महाराजांनी सण-उत्सवात खोडा घालणाऱ्यांना….; आक्रमक झालेल्या जरांगेंना फडणवीसांचं उत्तर

मोबाइल स्फोटाची खोटी कहाणी

हत्या केल्यानंतर सिद्धाराजूने आपला गुन्हा लपवण्यासाठी ‘मोबाइलचा स्फोट झाला’ अशी बनावट गोष्ट पसरवण्याचा प्रयत्न केला. मात्र, पोलिसांनी तपास सुरू केला असता सत्य बाहेर आले आणि सिद्धाराजूच्या भयानक कटाचा भंडाफोड झाला.

लग्नाआधीपासूनच प्रेमसंबंध

रक्षिता हुंसूर तालुक्यातील गेरासनहल्ली गावची रहिवासी होती. तिचे लग्न केरळमधील सुभाष नावाच्या तरुणाशी झाले होते. त्यांना दोन वर्षांचा मुलगाही आहे. तरीही रक्षिताचे तिच्या नातेवाइक असलेल्या सिद्धाराजूसोबत लग्नाआधीपासून प्रेमसंबंध सुरू होते. लग्नानंतरही हे संबंध सुरू राहिले. रक्षिता अन् सिद्धाराजू एकमेकांशी विवाह करण्याच्या विचारात होते, पण रक्षिताच्या घरच्यांनी तिचं लग्न केरळमधील तरुणाशी केलं होतं.

‘नूर बेगम’च्या गायनप्रवासाची सुरेल झलक, ‘सॉन्ग्स ऑफ पॅराडाईज’चा हृदयस्पर्शी ट्रेलर प्रदर्शित!

खोटे बोलून प्रियकराला भेटायला गेली

घटनेच्या दिवशी रक्षिता आपल्या माहेरी आली होती. तिने आपल्या कुटुंबीयांना खोटे सांगितले की, केरळमधील सासूबाईंची तब्येत बिघडली आहे. ती त्यांना भेटायला जातेय. जाताना ती मुलाला माहेरीच सोडून गेली. परंतु, प्रत्यक्षात रक्षिता आपल्या प्रियकर सिद्धाराजूसोबत के.आर. नगरातील मंदिरात गेली. त्यानंतर सालिग्रामच्या भेर्या गावातील एका लॉजमध्ये थांबली. तिथेच तिच्या खुनाचा कट रचून अमलात आणला गेला.

प्रियकर पोलिसांच्या ताब्यात

लॉजमधील कर्मचाऱ्यांनी घटनेची माहिती पोलिसांना दिली. तपासानंतर सत्य बाहेर आले. सिद्धाराजूला अटक करण्यात आली. सध्या पोलीस आरोपीची चौकशी करत आहेत. रक्षिताची हत्या करण्यामागचे नेमके कारण, हे आता चौकशीनंतर स्पष्ट होणार आहे.