PM Modi : PM मोदींचा GTA ट्रेंडमध्ये ‘एंट्री’; 13 वर्षात भारतात किती बदल?
PM Modi : तब्बल 13 वर्षांनंतर रॉकस्टार गेम्सचा (Rockstar Games) 'ग्रँड थेफ्ट ऑटो 6' (Grand Theft Auto VI - GTA 6) प्रदर्शित करण्यात आले आहे.
PM Modi : तब्बल 13 वर्षांनंतर रॉकस्टार गेम्सचा (Rockstar Games) ‘ग्रँड थेफ्ट ऑटो 6’ (Grand Theft Auto VI – GTA 6) प्रदर्शित करण्यात आले आहे. याबाबत सोशल मीडियावर देखील मोठ्या प्रमाणात चर्चा सुरु आहे. सोशल मीडियावर ‘GTA 6’ बाबत अनेक मीम्स व्हायरल होताना दिसत आहे. याच ट्रेंडचा फायदा घेत पंतप्रधान मोदी यांनी देखील सोशल मीडियावर एक पोस्ट शेअर केली आहे. या पोस्टद्वारे त्यांनी ‘GTA 5’ ते ‘GTA 6’ च्या प्रवासादरम्यान भारताने केलेल्या प्रगतीवर माहिती दिली आहे.
पंतप्रधान मोदींचा ‘गेमिंग अवतार’ इन्स्टाग्रामवर चर्चेत
पंतप्रधान मोदी यांनी त्यांच्या इन्स्टाग्राम अकाउंटवर एक ‘कॅरोसेल’ पोस्ट शेअर केली, ज्याचे टायटल होते “GTA V ते GTA VI दरम्यान, भारताची प्रगती ” पोस्टच्या कॅप्शनमध्ये त्यांनी नमूद केले की, भारत आता एक पूर्णपणे नवीन खेळ खेळत आहे. पंतप्रधान मोदी यांच्या या पोस्टवर अनेक युजर्सनी मजेशीर प्रतिक्रिया दिली आहे.
13 वर्षांतील बदल: तेव्हा आणि आता
पंतप्रधान मोदींच्या पोस्टमधील स्लाइड्स ‘तेव्हा आणि आता’ (Then and Now) अशा स्वरूपात आहेत. यात ‘GTA V’ टॅग भूतकाळाचे प्रतिनिधित्व करतो, तर ‘GTA VI’ टॅग आजच्या भारताचे दर्शन घडवतो. या स्लाइड्समध्ये देशाच्या प्रगतीचे काही महत्त्वाचे आकडे मांडले आहेत:
भारतीय अर्थव्यवस्था
जी एकेकाळी ‘फ्रॅजाइल फाईव्ह’ (Fragile Five – पाच कमकुवत अर्थव्यवस्था) पैकी एक मानली जात होती. ती आता जगातील सर्वात वेगाने वाढणारी प्रमुख अर्थव्यवस्था बनली आहे.
देशातील अत्यंत गरिबीचे प्रमाण 27 टक्क्यांवरून 2.6 टक्क्यांपर्यंत खाली आले आहे. स्वच्छता सुविधांशी संबंधित आकडेवारी 39 टक्क्यांवरून 100 टक्क्यांपर्यंत पोहोचली आहे.
सौर ऊर्जेची क्षमता 2.82 गिगावॅटवरून 175 गिगावॅटपर्यंत वाढली आहे. देशातील अंतराळ क्षेत्रातील स्टार्टअप्सची संख्या केवळ एकावरून 440 वर पोहोचली आहे.
रेल्वे विद्युतीकरणाचे काम 20 टक्क्यांवरून 99.6 टक्क्यांपर्यंत पूर्ण झाले आहे.
मोबाईल डेटाचा खर्च प्रति जीबी 308 रुपयांवरून थेट 7.51 रुपयांवर खाली आला आहे.
भारत एकेकाळी संरक्षण साहित्याचा मोठा आयातदार (शस्त्रे खरेदी करणारा देश) होता, परंतु आता तो एक निर्यातदार बनला असून 80 हून अधिक देशांना शस्त्रास्त्रांचा पुरवठा करत आहे.
नक्षलग्रस्त जिल्ह्यांची संख्या 182 वरून शून्य झाली आहे.
View this post on Instagram
‘जीटीए’ (GTA) चा संदर्भ का निवडला गेला?
या पोस्टची वेळ अत्यंत महत्त्वाची आहे. रॉकस्टार गेम्सचा ‘ग्रँड थेफ्ट ऑटो ६’ (Grand Theft Auto VI) हा गेम 19 नोव्हेंबर 2026 रोजी प्लेस्टेशन 5 (PlayStation 5) आणि एक्सबॉक्स सीरिज एक्स/एस (Xbox Series X/S) वर प्रदर्शित होणार आहे. यापूर्वी हा गेम मे 2026 मध्ये प्रदर्शित होणार होता, परंतु तो पुढे ढकलण्यात आला होता.
टीसीएस धर्मांतर प्रकरणात इम्तियाज जलील यांना जामीन मंजूर
दुसरीकडे, याचा आधीचा भाग, ‘जीटीए 5’ (GTA V), सप्टेंबर 2013 मध्ये कन्सोलवर प्रदर्शित झाला होता. या दोन गेम्सच्या प्रदर्शनामध्ये 13 वर्षांहून अधिक काळाचे अंतर आहे. या 13 वर्षांच्या कालावधीला एक आधार मानून, सरकारने या दोन आवृत्त्यांच्या दरम्यान देशात झालेले मोठे आणि मूलभूत बदल अधोरेखित केले आहेत.