2 बीएचके घर, 400 रुपयांत सिलिंडर, 5 लाखांचा विमा… जाहीरनाम्यात BRS चा आश्वासनांचा पाऊस
- Written By: prashant letsupp Published:
Telangana election 2023: तेलंगणातील विधानसभा निवडणुकीच्या (Telangana election 2023) तारखा जाहीर झाल्यानंतर सत्ताधारी पक्ष भारत राष्ट्र समिती (BRS) ने आज आपला निवडणूक जाहीरनामा प्रसिद्ध केला. बीआरएसच्या जाहीरनाम्यात जनतेला अनेक लोकप्रिय आश्वासने देण्यात आली आहेत.
जाहीरनाम्यात बीआरएसने सर्व पात्र कुटुंबांना 400 रुपयांमध्ये गॅस सिलिंडर देण्याचे आश्वासन दिले आहे. जाहीरनाम्यात म्हटले आहे की, पक्ष रयथू बंधू योजनेंतर्गत मिळणारी रक्कम हळूहळू 10,000 रुपयांवरून 16,000 रुपये प्रति वर्ष वाढवेल.
5 लाखांचा विमा
जाहीरनामा जारी करताना BRS प्रमुख के चंद्रशेखर राव (K Chandrasekhar Rao) म्हणाले की, अपंग लोकांसाठी सामाजिक सुरक्षा पेन्शन 6,000 रुपये करण्यात येईल. याशिवाय तेलंगणातील 93 लाख बीपीएल कुटुंबांना KCR विमा योजनेअंतर्गत 5 लाख रुपयांचा विमा मिळणार आहे.
बीआरएस प्रति कुटुंब 10 लाख रुपयांची ‘दलित बंधू’ योजना सुरू ठेवणार आहे. जाहीरनाम्यानुसार KCR आरोग्य रक्षा योजना आणि आरोग्यश्री भीम योजनेची व्याप्ती 15 लाख रुपयांपर्यंत वाढणार आहे.
93 लाख कुटुंबांना जीवन विमा देणार
याशिवाय रयथू बंधूमध्ये दरवर्षी 16,000 रुपये प्रति एकर वाढ केली जाईल. KCR भीम प्रथा इंतिकी धीमा योजनेअंतर्गत सर्व BPL कार्डधारकांसाठी 5 लाख विमा योजना, 100 टक्के प्रीमियम सरकार LIC मार्फत भरेल. 93 लाख कुटुंबांना समाविष्ट करण्यासाठी 3000 ते 4000 कोटी रुपये खर्च येणार आहेत.
Earthquake in Delhi-NCR : दिल्लीमध्ये पुन्हा भूकंपाचे धक्के !
हैदराबादमध्ये 1 लाख 2BHK घरे बांधली जातील
जाहीरनाम्यात म्हटले आहे की हैदराबादमध्ये 1 लाख 2BHK घरे बांधली जातील आणि ज्या लोकांकडे जमीन नाही त्यांची ओळख करून त्यांना गृहलक्ष्मी योजनेंतर्गत लाभ दिला जाईल. याशिवाय राज्यातील आर्थिकदृष्ट्या मागासलेल्या विद्यार्थ्यांसाठी 119 निवासी शाळा बांधण्याचे आश्वासनही पक्षाने दिले आहे.
कनिष्ठ महाविद्यालयांचे निवासी महाविद्यालयात रूपांतर करण्याचे आश्वासन
बीआरएसने आपल्या जाहीरनाम्यात अल्पसंख्याक कनिष्ठ महाविद्यालयांचे निवासी महाविद्यालयात रूपांतर करण्याचे आश्वासन दिले आहे. यासोबतच महिला स्वबळ गटांसाठी इमारत बांधली जाईल. जाहीरनामा प्रसिद्ध करताना, बीआरएस प्रमुख केसी और म्हणाले, “आम्ही सरकारी कर्मचाऱ्यांसाठी सीपीएस ते ओपीएस पेन्शनच्या संक्रमणाचा अभ्यास करू. आम्ही वरिष्ठ अधिकाऱ्यांची एक समिती स्थापन करू आणि त्यानुसार पावले उचलू.”
ईडीची मोठी कारवाई, राजमल लखीचंद ज्वेलर्सच्या राज्यातील 315 कोटींच्या 70 मालमत्ता जप्त
आसरा पेन्शनच्या रकमेत वाढ
चंद्रशेखर राव म्हणाले की, तेलंगणा अन्नपूर्णा योजना देखील प्रत्येक शिधापत्रिकाधारकाला तांदूळ पुरवत राहील. ते म्हणाले, गेल्या जाहीरनाम्यातील 99 टक्के आश्वासने आम्ही पूर्ण केली आहेत. आसरा पेन्शन 2000 रुपयांवरून 3000 रुपये करण्यात येणार आहे.
