बिहारमध्ये मोठा रेल्वे अपघात, मालगाडीचे 3 डबे पुलावरुन नदीत कोसळले तर अनेक डबे रुळावरून घसरले

Bihar Railway Accident : बिहारमधून एक मोठी बातमी समोर येत आहे. या बातमीनुसार, बिहारमध्ये एक मोठा रेल्वे अपघात झाला आहे. जमूई जिल्ह्याजवळ

Bihar Railway Accident : बिहारमधून एक मोठी बातमी समोर येत आहे. या बातमीनुसार, बिहारमध्ये एक मोठा रेल्वे अपघात झाला आहे. जमूई जिल्ह्याजवळ झालेल्या या अपघातामुळे रेल्वे वाहतूक विस्कळीत झाली आहे. सध्या समोर आलेल्या माहितीनुसार,  पूर्व रेल्वेच्या आसनसोल विभागाच्या जसिडीह-झाझा मुख्य मार्गावर शनिवारी रात्री 12.00 वाजताच्या सुमारास सिमेंट वाहून नेणारी मालगाडी रुळावरून घसरली.

मालगाडीचे तीन डबे (Bihar Railway Accident) बथुआ नदीत पडले. जसिडीह-झाझा (Jasidih-Jhajha) मुख्य मार्गावरील तेलवा बाजार हॉल्टजवळ बथुआ नदीवर असलेल्या पुल क्रमांक 676 वर हा अपघात झाला. जसिडीहहून वरच्या मार्गावर जाणारी सिमेंटने भरलेली मालगाडी अचानक रेल्वेला धडकल्याचे वृत्त आहे. पुलावरून तीन डबे नदीत पडले, तर दोन डबे पुलावरच ट्रेनपासून वेगळे झाले. मालगाडीचे डझनभर डबे एकमेकांवर आदळले आणि जसिडीह-झाझा मुख्य मार्गाच्या डाउन ट्रॅकवर आले.

अपघाताचे कारण सध्या अस्पष्ट आहे. या घटनेची माहिती रेल्वेच्या वरिष्ठ अधिकाऱ्यांना मिळताच, रात्री उशिरा संबंधित अधिकाऱ्यांना घटनास्थळी पाठवण्यात आले. रात्रीच्या अंधारामुळे अद्याप नुकसानीचे आकलन झालेले नाही. मालगाडीच्या डबक्या डाउन ट्रॅकवर अडकल्यामुळे, मध्यरात्री 12.00  वाजल्यापासून या मार्गावरील रेल्वे वाहतूक विस्कळीत झाली आहे.

आज बदलणार ग्रहांची स्थिती अन् ‘या’ राशींच्या लोकांना होणार आर्थिक फायदा

मिळालेल्या माहितीनुसार, जमुई जिल्ह्यातील झाझा आणि जसिडीह स्थानकांवर अनेक गाड्या अडकल्या आहेत. आसनसोल विभागाच्या जनसंपर्क अधिकारी बिप्ला बोरी यांनी सांगितले की, अपघात झाला आहे आणि एक विशेष पथक घटनास्थळी पाठवण्यात येत आहे. अपघातात मालगाडीच्या एकूण 17  डबक्या रुळावरून घसरल्या. अपघातानंतर स्टेशन मॅनेजर अखिलेश कुमार, आरपीएफ ओपी प्रभारी रवी कुमार आणि पीडब्ल्यूआय रणधीर कुमार घटनास्थळी पोहोचल्याचे वृत्त आहे.

संबंधित बातम्या