live now

Vidhanparishad Live Blog : औरंगाबादमध्ये मविआचा ‘विक्रम’, नाशिकमध्ये ‘सत्यजीत’ आघाडीवर

औरंगाबादमध्ये महाविकास आघाडीचा 'विक्रम', विक्रम काळे यांच्या गळ्यात चौथ्यांदा विजयाची माळ

औरंगाबादमधील अंतिम निकाल जाहीर झाला आहे. महाविकास आघाडीचे उमेदवार विक्रम काळे (Vikram Kale) यांच्या विजयाची अधिकृत घोषणा झाली असून सकाळपासून मतमोजणीमध्ये तेच आघाडीवर होते.

विक्रम काळे यांनी भाजपचे उमेदवार किरण पाटील यांचा पराभव केला. विक्रम काळे यांनी चौख्यांदा विजयाची माळ आपल्या गळ्यात घातली आहे. विक्रम काळे यांच्या या विजयानंतर त्यांच्या कार्यकर्त्यांकडून जोरदार जल्लोष केला जातोय.

अंतिम निकाल आला तेव्हा विक्रम काळे यांना 20 हजार 195 मतं मिळाली. तर भाजपचे किरण पाटील यांना 13 हजार 570 मतं मिळाली.

अजित पवार म्हणतात, "सत्यजीत तांबेच निवडून येणार!"

नाशिकमध्ये सत्यजित तांबेच निवडून येतील. निवडून आल्यावर भाजपसोबत जायचे की अन्य कोणासोबत, याबाबत तांबे स्वतः योग्य निर्णय घेतील, अशी प्रतिक्रिया विरोधी पक्षनेते अजित पवार यांनी दिली आहे.

नाशिकमध्ये मतमोजणीची तिसरी फेरी सुरु

नाशिकमध्ये मतमोजणीची तिसरी फेरी सुरु झाली आहे. मतमोजणीची तिसरी फेरी सुरु आतापर्यंत सत्यजित तांबे आघाडीवर आहेत

नाशिक पदवीधर मतदारसंघ; दुसऱ्या फेरीतील एकूण मतदान

एकूण मतदान – 1 लाख 29 हजार 456

सत्यजित सुधीर तांबे : 31009

शुभांगी भास्कर पाटील : 16316

रतन कचरु बनसोडे : 1157

सुरेश भिमराव पवार : 360

अमोल मिटकरी म्हणतात "दया कुछ तो गडबड है"

देवेंद्रजी फडणवीस यांची जादू कोकणात चालली, महाराष्ट्रात चालली , जगभरात चालली मात्र नागपुर मध्ये का नाही चालली ? "दया कुछ तो गडबड है"

— आ. अमोल गोदावरी रामकृष्ण मिटकरी (@amolmitkari22) February 2, 2023

"गडकरी, फडणवीस यांचे अभिनंदन" अमोल मिटकरी यांची खोचक टीका

नागपुरात महाविकास आघाडीचा उमेदवार निवडून आल्यानंतर आमदार अमोल मिटकरी तो धागा पकडून भाजपवर खोचक टीका केली आहे. अमोल मिटकरी यांनी ट्विट करुन म्हटले आहे की, "नागपूर मध्ये महाविकास आघाडीचे उमेदवार निवडून आले त्यांचें व दुसरीकडे नागपूरचे वैभव रेशीमबागसंघ कार्यालय, प्रदेशाध्यक्ष चंद्रशेखरजी बावनकुळे, उपमुख्यमंत्री देवेंद्रजी फडणवीस आणि केंद्रीय मंत्री नितीनजी गडकरी यांचे मनःपूर्वक अभिनंदन"

नागपूर मध्ये महाविकास आघाडीचे उमेदवार निवडून आले त्यांचें व दुसरीकडे नागपूरचे वैभव रेशीमबागसंघ कार्यालय, प्रदेशाध्यक्ष चंद्रशेखरजी बावनकुळे, उपमुख्यमंत्री देवेंद्रजी फडणवीस आणि केंद्रीय मंत्री नितीनजी गडकरी यांचे मनःपूर्वक अभिनंदन

— आ. अमोल गोदावरी रामकृष्ण मिटकरी (@amolmitkari22) February 2, 2023

सत्यजीत तांबेचा निर्णय हायकमांड घेणार

सत्यजीत तांबे निवडून आले तर त्यांच्यासाठी परतीचे दरवाजे उघडायचे की नाही, यावर हायकमांड निर्णय घेईल. काँग्रेस प्रदेशाध्यक्ष नाना पटोले यांच वक्तव्य

फडणवीस, गडकरींना धक्का, महाविकास आघाडीचे सुधाकर अडबाले विजयी

महाविकास आघाडीचे नागपूरचे उमेदवार सुधाकर अडबाले यांचा विजय झाला आहे.

नागपूरमध्ये महाविकास आघाडीचे उमेदवार सुधाकर आडबोले हे सुरवातीपासून विजयाच्या दिशेने घोडदौड करत होते. आडबोले यांना 16 हजार 500 मते पडली आहेत. ते 10 हजार 134 मतांनी जिंकले आहेत.

तर भाजपच्या ना. गो. गाणार यांना 6 हजार 366 हजार मते मिळाली आहेत. गाणार यांचा मोठ्या संख्येने पराभव झाला आहे.

नाशिक पदवीधर मध्ये सत्यजीत तांबे ८,२६६ मतांनी आघाडीवर

विधान परिषदेच्या नाशिक पदवीधर मतदारसंघातील मतमोजणीची पहिल्या फेरी पूर्ण झाली आहे. पहिल्या फेरीनंतर अपक्ष उमेदवार सत्यजीत तांबे ८,२६६ मतांनी आघाडीवर असून तांबे यांना १५, ७७४ तर महाविकास आघाडीच्या उमेदवार शुभांगी पाटील यांना ७,७०८ मते

नागपूरमध्ये 22 पैकी 19 उमेदवारांचे डिपॉझिट जप्त

नागपूर मधील विधानपरिषद निवडणुकीच चित्र आता स्पष्ट झालं आहे. नागपुरात 22 पैकी 19 उमेदवारांचे डिपॉझिट जप्त झाले आहे. फक्त 3 उमेदवारांना 3408 पेक्षा जास्त मते असल्याची माहिती समोर येत आहे.

दरम्यान महाविकास आघाडीचे उमेदवार सुधाकर अडबाले विजयाच्या वाटेवर आहेत.

नाशिकमध्ये सत्यजीत तांबे आघाडीवर

नाशिक पदवीधर मतदार संघातला पाहिला कौल आला आहे. यामध्ये अपक्ष उमेदवार सत्यजीत तांबेयांनी आघाडी घेतली आहे. तर महाविकास आघाडीच्या शुभांगी पाटील पिछाडीवर आहे.

नाशिक मतदार संघात दोन्ही उमेदवारांमध्ये चांगलीच चुरस दिसत आहे.

नागपुरात भाजपला धक्का; मविआचे अडबाले सात हजार विजयी

पहिल्या फेरीच्या मतमोजणीत महाविकास आघाडीचे उमेदवार अडबाले यांना १४०७१ तर नागो गाणार यांना ६३०९ मते मिळाली.

अमरावतीत पहिल्या फेरीत रणजीत पाटील पिछाडीवर

नागपूरमध्ये महाविकास आघाडीची विजयाकडे वाटचाल

शुभांगी पाटील म्हणतात, "नाशिकमध्ये वेगळंच काहीतरी व्हायला लागलंय का?"

निकाल लागण्याआधी केलेल्या बॅनरबाजीवर कायद्यानं बघितलं पाहिजे, कारवाई व्हायला हवी होती. आचारसंहितेचा भंग करणं कितपत योग्य आहे हे बघायला हवं. नाशिक विभागात काहीतरी वेगळंच व्हायला लागलंय का? असा प्रश्न मला पडलाय. असं मत नाशिक मधील उमेदवार शुभांगी पाटील यांनी व्यक्त केले आहे.

औरंगाबाद मध्ये आतापर्यंत कोणाला किती मते ?

औरंगाबाद शिक्षक मतदारसंघात आतापर्यंत हाती आलेल्या माहितीनुसार राष्ट्रवादी काँग्रेसचे उमेदवार विक्रम काळे 19 हजार 768 मतांसह आघाडीवर आहेत. भाजपचे किरण पाटील 13, 247 मतांसह दुसऱ्या क्रमांकावर आहेत. तर मराठवाडा शिक्षक मतदारसंघाचे उमेदवार सुर्यकांत विश्वासराव यांना 13 हजार 247 मते मिळाली आहेत.

औरंगाबादमध्ये महाविकास आघाडी आघाडीवर

औरंगाबादमध्ये महाविकास आघाडीचे उमेदवार विक्रम काळे यांना आत्तापर्यंत १९ हजारांहून अधिक मतं मिळाली आहेत. भाजपाचे किरण पाटील हे पिछाडीवर आहेत. किरण पाटील यांना १३ हजारांहून जास्त मतं मिळाली आहेत. त्यामुळे सहा हजारांहून जास्त मतांनी विक्रम काळेंनी आघाडी घेतली आहेत.

कोकणच्या विजयावर अमोल मिटकरी यांची खोचक टीका

अमोल मिटकरी यांच खोचक ट्वीट!

कोकणच्या विजयावर राष्ट्रवादीचे आमदार अमोल मिटकरी यांनी खोचक टीका केली आहे.

कोकण पदवीधर मतदार संघात ज्ञानेश्वर म्हात्रे निवडून आले प्रथम त्यांचे अभिनंदन. EVM पेक्षा बॅलेट वर सुद्धा भाजप निवडणूक जिंकू शकते हे सिद्ध झाले. इथून पुढे येणाऱ्या प्रत्येक निवडणुका भाजपाने EVM ऐवजी बॅलेट वर घेण्याचे औदार्य दाखवावे.

— आ. अमोल गोदावरी रामकृष्ण मिटकरी (@amolmitkari22) February 2, 2023

त्यांनी एक ट्विट केले असून टाय ट्विटमध्ये त्यांनी लिहले आहे की "कोकण पदवीधर मतदार संघात ज्ञानेश्वर म्हात्रे निवडून आले प्रथम त्यांचे अभिनंदन. EVM पेक्षा बॅलेट वर सुद्धा भाजप निवडणूक जिंकू शकते हे सिद्ध झाले. इथून पुढे येणाऱ्या प्रत्येक निवडणुका भाजपाने EVM ऐवजी बॅलेट वर घेण्याचे औदार्य दाखवावे."

'कोकण.. शिंदे - फडणवीसांचेच" कोकणच्या विजयावर उदय सामंत याची प्रतिक्रिया

'कोकण.. शिंदे - फडणवीसांचेच" अशी प्रतिक्रिया कोकण शिक्षक मतदार संघाच्या विजयावर मंत्री उदय सामंत यांनी दिली आहे.

कोकण.. शिंदे - फडणवीसांचेच...
कोकण बाळासाहेबांची शिवसेना आणि भाजपचा बालेकिल्ला असल्याचे आजच्या निकालावरून स्पष्ट झाले आहे. हा विजय म्हणजे पुढच्या निवडणुकीची नांदी आहे.
जय महाराष्ट्र 🚩🚩🚩

— Uday Samant (@samant_uday) February 2, 2023

Legislative Council : ‘कोकण.. शिंदे – फडणवीसांचेच” विधानपरिषद निकालावर उदय सामंत यांची प्रतिक्रिया

नाशिक पदवीधर निवडणुकीच्या मतमोजणीला सुरुवात

नाशिक पदवीधर निवडणुकीच्या मतमोजणीला सुरुवात झाली असून लवकरच पहिल्या पसंतीचा कल येईल.

अमरावतीमध्ये भाजपचे रणजीत पाटील पिछाडीवर

अमरावतीत पहिल्या फेरीत महाविकास आघाडीचे उमेदवार धीरज लिंगाडे आघाडीवर असून विद्यमान आमदार आणि भाजप उमेदवार रणजीत पाटील पिछाडीवर

नागपुरात मविआचा विजय निश्चित, सुधाकर आडबाले आघाडीवर

नागपुरात मविआचे उमेदवार सुधाकर आडबाले भरभक्कम 7 हजार मतांनी आघाडीवर आहेत. सुधाकर आडबाले यांना 13 हजार मते मिळाली आहेत. भाजपचे ना. गो. गाणार यांच्याशी त्यांची लढत होत आहे. नागपुरात आडबाले विजयी होण्याची शक्यता आहे.

तांबे निवडून येतील, मला १०० टक्के खात्री - दिपक केसरकर

तांबे निवडून येतील अशी मला १०० टक्के खात्री आहे. अशी प्रतिक्रिया शिंदे गटाचे नेते दिपक केसरकर यांनी दिली आहे.

त्यावेळी ते बोलताना म्हणाले की, "तांबे यांनी अपक्ष म्हणून अर्ज केला आहे ही वस्तुस्थिती आहे. जेव्हा तुम्ही विधानपरिषदेत अपक्ष म्हणून राहता, त्यानंतर तुम्ही कुठल्या पक्षात जाऊ शकत नाहीत."

नाशिकमध्ये अद्याप मतमोजणी सुरू नाही

नाशिकमध्ये अद्याप मतपत्रिकांचे गठ्ठे बनवण्याचे काम सुरू असल्याने दुपारी दोन नंतरच प्रत्यक्ष मोजणी सुरू होण्याची शक्यता वर्तवली जात आहे. त्यामुळे महाराष्ट्राचे लक्ष लागून राहिलेल्या नाशिकमध्ये अद्याप मतमोजणी सुरू नाही

"हा विजय माझ्या एकट्याचा नसून सर्व शिक्षकांचा" विजयानंतर ज्ञानेश्वर म्हात्रेंची प्रतिक्रिया

हा विजय माझ्या एकट्याचा नसून सर्व शिक्षकांचा आहे. गेल्या ६ वर्षांतल्या कामाची पोचपावती शिक्षकांनी दिली आहे. अशी प्रतिक्रिया कोकण शिक्षक मतदार संघाचे उमेदवार ज्ञानेश्वर म्हात्रे यांनी दिली आहे.

विजयानंतर माध्यमांशी बोलताना ते म्हणाले की, "मला ३३ संघटनांचा मला पाठिंबा होता. एकनाथ शिंदे, देवेंद्र फडणवीस, रामदास आठवले यांनी माझ्यावर दाखवलेला विश्वास आज सुफळ झालाय. त्यावरच आज हा विजय झाला आहे."

कोकणात भाजपच्या ज्ञानेश्वर म्हात्रे यांचा विजय

कोकणात भाजपच्या ज्ञानेश्वर म्हात्रे यांचा विजय निश्चित झाला आहे. म्हात्रे यांना पहिल्या फेरीत त्यांना तब्बल 22 हजार मते मिळाली आहेत. त्यामुळे त्यांचा विजय नक्की झाला आहे. शेकापच्या बाळाराम पाटील यांनी पराभव स्वीकारला आहे.  बाळाराम पाटील यांना फक्त ९ हजार ७०० मते मिळाली आहेत.

कोकणात शेकापच्या बाळाराम पाटलांचा पराभव

कोकणात शेकापला धक्का, भाजपच्या म्हात्रेंची विजयी आघाडी

शेकापचा गड असलेल्या कोकण मतदारसंघातून भाजपच्या ज्ञानेश्वर म्हात्रे यांना २० हजारांपेक्षा जास्त मते मिळाली आहेत. भाजपच्या म्हात्रे यांना एकूण मतांच्या ५० टक्क्यांपेक्षा जास्त मते मिळाली आहेत. त्यामुळे कोकणाचा निकाल भाजपच्या बाजूने येणार, असं चित्र दिसतं आहे.

कोकणातून ज्ञानेश्वर म्हात्रे पहिल्या फेरीत विजयी होण्याची शक्यता

ज्ञानेश्वर म्हात्रे यांना पहिल्या फेरीत 22 हजार मते मिळाली आहेत. जवळपास 6 हजार मतांची आघाडी घेतली आहे. त्यामुळे पहिल्या फेरीत ज्ञानेश्वर म्हात्रे यांचा विजय होण्याची शक्यता आहे.

निकालाआधी शुभांगी पाटील कुटुंबियांसोबत त्र्यंबकेश्वराच्या चरणी

आज होणाऱ्या निवडणुकात सर्वाधिक चर्चा नाशिक मतदारसंघाची आहे. नाशिकमधील उमेदवारशुभांगी पाटील यांनी निवडणूक निकालाच्या पार्श्वभूमीवर त्र्यंबकेश्वर येथे जाऊन त्रंबक राजाचे दर्शन घेतले. यावेळी शुभांगी पाटील यांच्या समवेत त्यांचे कुटुंबीय देखील उपस्थित होते. त्रंबकेश्वर येथे शुभांगी पाटील यांनी त्रंबक राजाचे मनोभावे दर्शन घेऊन आपलाच विजय होण्याची प्रार्थना केली.