गुलाबरावांनी गुलाबरावसारखे राहावे, जुलाबराव होऊ नये, अजितदादा नसते तर…; मिटकरींचा टोला

Amol Mitkari : विधानसभा निवडणुकीमध्ये महायुतीला (Mahayuti) मोठं यश मिळालं. मात्र, आता महायुतीतील घटकपक्षांमधील धुसफूस चव्हाट्यावर येऊ लागली. शिवसेनेचे शिंदे गटाचे आमदार गुलाबराव पाटील (Gulabrao Patil) यांनी अजितदादा आमच्यात आले नसते तर आम्ही 100 जागा जिंकल्या असत्या, असे वक्तव्य केलं होतं. त्यावर आता राष्ट्रवादीचे अजित पवार (Ajit Pawar) गटाचे आमदार अमोल मिटकरी (Amol Mitkari) यांनी जोरदार प्रत्युत्तर दिलं.

EVM हॅक करू, 54 कोटी लागतील, व्हायरल व्हिडिओवर EC कडून स्पष्टीकरण, गुन्हाही दाखल 

गुलाबरावांनी गुलाबराव सारखे राहावे, त्यांनी जुलाबराव होऊ नये, असा टोला मिटकरींनी लगावला.

अमोल मिटकरींनी आज माध्यमांशी संवाद साधला. यावेळी बोलताना त्यांनी अनेक विषयांवर भाष्य केल. गुलाबराव पाटील यांच्या वक्तव्याविषयी विचारले असता मिटकरी म्हणाले, गुलाबराव पाटलांचा गोड गैरसमज आहे. अजितदादा नसते तर शिंदे गटाचे काय झाले असते, हे उत्तर महाराष्ट्राला चांगल्याने माहीत आहे. गुलाबरावांनी गुलाबराव सारखे राहावे, त्यांनी जुलाबराव होऊ नये, अशी माझी विनंती आहे, असं मिटकरी म्हणाले.

पुढे बोलताना मिटकरी म्हणाले, एकनाथ शिंदे यांच्या शिवसेनेत बोलणारे फारसे नाहीत, आधी रामदास कदम बोलून गेले, आता आता गुलाबराव पाटील बोलून गेले. मला कळत नाही अचानक का उफाळून येतं? आपण एकत्र विधानसभा लढलो, जिंकलो, आता एकत्र आलं पाहिजे. शेवटी अजित पवार यांनी घेतलेली मेहनत आणि तिन्ही पक्षांनी घेतलेली मेहनत आम्ही नाकारत नाही, असं मिटकरी म्हणाले.

EVM हॅक करू, 54 कोटी लागतील, व्हायरल व्हिडिओवर EC कडून स्पष्टीकरण, गुन्हाही दाखल 

मिटकरी म्हणाले, तिघांनी मिळून राज्यात महायुतीची सत्ता आणल्यानंतर आता असे विधान करून रामदास कदम किंवा गुलाबराव पाटील हे अजितदादांना मुद्दाम टार्गेट करत आहेत. गुलाबराव पाटलांनी समजून घ्यावे. त्यांनी गुलाबासारखं राहावं, असं म्हणत आता तुमचा सुगंध जरा कमी झालेला दिसतोय. मंत्रिपद वर्णी लागते की नाही याबद्दल शंका आहे. पण, गुलाबराव गुलाबराव सारखे राहा, जुलाबराव होऊ नका, एवढचं आमचं म्हणणं आहे, असं मिटकरी म्हणाले.

गुलाबराव पाटील नेमकं काय म्हणाले होते?
गुलाबराव पाटील म्हणाले, आम्ही विधानसभेच्या केवळ 85 जागा लढवल्या. कदाचित अजितदादा आमच्यात आले नसते तर आम्हाला त्या जागा मिळाल्या असत्या. आम्हाला 90 ते 100 जागा मिळाल्या असत्या. अजित पवार यांना घेतल्यानंतर आमचे नेते एकनाथ शिंदे यांनी कधी म्हटले नाही की यांना का घेतलं, असा आमचा नेता आहे, असं गुलाबराव पाटील म्हणाले होते.

संबंधित बातम्या