पाच हजारांची मदत म्हणजे शेतकऱ्यांची थट्टा; हेक्टरी एक लाख रुपये द्या, खासदार निलेश लंके यांची मागणी
MP Nilesh Lanke; सरकारने पाच हजार रुपयांची मदत जाहीर करून शेतकऱ्यांची थट्टा केल्याचे लंके यांनी म्हटले आहे.
-
- Written By: Vishal Rohitkar Published:
MP Nilesh Lanke criticizes the 5,000 aid announced for farmers: राज्यात दुष्काळसदृश परिस्थिती (Maharashtra Drought) निर्माण झाल्याने शेतकरी आर्थिक संकटात सापडले आहेत. पावसाअभावी पिकांचे नुकसान झाल्याने शेतकऱ्यांना मोठ्या आर्थिक अडचणींचा सामना करावा लागत आहे. अशा परिस्थितीत राज्य सरकारने शेतकऱ्यांसाठी पाच हजार रुपयांची मदत जाहीर केली आहे. मात्र, ही मदत अत्यंत अपुरी असल्याची टीका खासदार निलेश लंके (Nilesh Lanke) यांनी केली आहे. सरकारने पाच हजार रुपयांची मदत जाहीर करून शेतकऱ्यांची थट्टा केल्याचे लंके यांनी म्हटले आहे.
प्रफुल्ल पटेलांनी शरद पवारांचे नगरसेवक आपल्याकडे वळवले; शरद पवारांची राष्ट्रवादी बॅकफुटवर!
अहिल्यानगर येथे शेतकऱ्यांच्या विविध मागण्यांसाठी शेतकरी जनआक्रोश मोर्चा काढण्यात आला होता. या मोर्चाच्या माध्यमातून शेतकऱ्यांना हेक्टरी एक लाख रुपये, तर शेतमजुरांना 25 हजार रुपये आर्थिक मदत देण्याची मागणी करण्यात आली होती. सध्याच्या परिस्थितीत शेतकऱ्यांना खऱ्या अर्थाने भरीव आर्थिक मदतीची गरज असल्याचे निलेश लंके यांनी सांगितले.
सरकारने जाहीर केलेली पाच हजार रुपयांची मदत शेतकऱ्यांच्या नुकसानीच्या तुलनेत पुरेशी नसल्याचे लंके यांनी म्हटले. दुष्काळाने शेतीत झालेल्या नुकसानीमुळे शेतकऱ्यांसमोर आर्थिक संकट उभे राहिले आहे. अशा वेळी सरकारने शेतकऱ्यांना दिलासा देण्यासाठी अधिक मदत जाहीर करणे आवश्यक असल्याची भूमिका त्यांनी मांडली.
दिवाळीसारखा सण जवळ आला असतानाही अनेक शेतकऱ्यांच्या हातात पैसा नसल्याने त्यांना सण साजरा करणे कठीण होणार असल्याचे लंके म्हणाले. शेतकऱ्यांना भरीव आर्थिक मदत मिळाली, तरच त्यांना सण-उत्सव साजरे करता येतील. त्यामुळे सरकारने केवळ पाच हजार रुपयांची मदत जाहीर न करता शेतकरी आणि शेतमजुरांना पुरेशी आर्थिक मदत द्यावी, अशी मागणी खासदार निलेश लंके यांनी केली.
संबंधित बातम्या
शिवाजीराव कर्डिले यांच्या प्रथम पुण्यस्मरणानिमित्त भक्तीचा जागर, प्रवचनकार जया किशोरी यांचा श्रीमद् भागवत कथेचा दिव्य सोहळा
