हगवणे प्रकरणात मोठी अपडेट; महिला आयोगाचा धक्कादायक अहवाल समोर, ‘हा’ अधिकारी अडकणार

Vaishnavi Hagawane Murder case : पुण्यातील वैष्णवी हगवणे प्रकरणात आता (Case) मोठी अपडेट समोर आली आहे. या प्रकरणात महिला आयोगाने आपला अहवाल सादर केला आहे. यामध्ये पुण्यातील तत्कालीन पोलीस महानिरीक्षक जालिंदर सुपेकर यांच्यावर देखील कारवाईची मागणी केली गेली आहे. त्यामुळे आता जालिंदर सुपेकर यांच्या अडचणी वाढण्याची शक्यता आहे.

या प्रकरणात महिला आणि बालकल्याण समितीचा अहवाल समोर आला आहे. हुंड्यासाठीच वैष्णवी हगवण्याचा बळी गेल्याचं या अहवालात म्हटलं आहे. तत्कालीन पोलीस महानिरीक्षक जालिंदर सुपेकर यांच्या चौकशीचे आदेश देण्यात यावेत, अशी देखील शिफारस समितीने केली आहे. पोलिसांच्या तपासात अनेक त्रुटी असल्याचं देखील म्हटलं आहे.

पुण्यात वैष्णवी हगवणे प्रकरणाची पुनरावृत्ती; हुंड्यामुळं होणाऱ्या छळातून विवाहितेची आत्महत्या

मयुरी हगवणे प्रकरणाची जर दखल घेतली असती तर वैष्णवीची आत्महत्या टाळता आली असती, असं देखील अहवालात म्हटलं आहे. त्याचबरोबर, मयुरी हगवणेची तक्रार न घेणाऱ्या पोलीस अधिकाऱ्यांवर कारवाई करण्याची शिफारस देखील समितीने केली आहे.

महिला व बालकांचे हक्क आणि कल्याण समितीने पुणे येथील वैष्णवी हगवणे मृत्यू प्रकरणाच्या अनुषंगाने राज्यात महिलांवरील अत्याचार तसंच हुंडाबळी प्रकरणाबाबतचा पहिला अहवाल विधानसभेत शुक्रवारी सादर केला. आमदार मोनिका राजळे यांच्या अध्यक्षतेखाली या समितीने न्याय मिळावा, अशी मागणी लावून धरली आहे.

संबंधित बातम्या