अखेर भिसे मृत्यू प्रकरणी घैसास यांच्यावर गुन्हा दाखल; ससूनच्या दुसऱ्या अहवालानंतर मंगेशकर रूग्णालयाच्या अडचणी वाढल्या

Case registered against Dr. Sushrut Ghaisas in Dinanath Mangeshkar Hospital case: पुण्यातील दीनानाथ मंगेशकर रुग्णालयात (Deenanath Mangeshkar Hospital) वेळेत उपचार मिळाले नाहीत म्हणून तनिषा भिसे या (Tanisha Bhise) गर्भवती महिलेचा मृत्यू झाला होता. या घटनेची सध्या चौकशी सुरू आहे. त्यातच आता उपचाराअगोदर पैशांची मागणी करणारे डॉक्टर सुश्रुत दिलीप घैसास यांच्यावर गुन्हा नोंदविण्यात आला आहे. अलंकार पोलिस ठाण्यात गुन्हा दाखल करण्यात आला आहे. या प्रकरणी तनिषा भिसे यांच्या नणंद प्रियंका अक्षय पाटे यांनी फिर्याद दिली आहे. डॉ. घैसास यांच्याकडून असंवेदनशीलता व वैद्यकीय हलगर्जीपणा झाला आहे. त्यामुळे तिचा मृत्यू झाला असल्याचे फिर्यादीत म्हटले आहे.

चॅनलवर प्रस्ताव ठेवून युतीचे काम होत नाही; राज-उद्धव ठाकरेंच्या युतीवरून अंबादास दानवेंचा टोला

दरम्यान ससून रुग्णालयाच्या वैद्यकीय समितीने चौकशी अंती दोन दिवसांपूर्वी एक अहवाल दिला होता. ज्यामध्ये या सर्व प्रकरणात पैशांची मागणी करणाऱ्या डॉक्टर सुश्रुत घैसास यांच्यावर कोणताही ठपका ठेवलेला नव्हता. त्यामुळे या रुग्णालयाला या प्रकरणांमध्ये तात्पुरता दिलासा मिळाला असल्याचा बोलले जात होते. मात्र या डॉक्टरांवर कोणतेही आरोप करण्यात आले नसल्याने. हा त्यांना दिलासा आहे की, क्लीनचीट? अशी चर्चा सुरू झाली होती. मात्र आता या प्रकरणावर सुधारित असा दुसरा अहवाल आला आहे. त्यानुसार त्यांच्यावर गुन्हा दाखल झाला आहे.

आता टँकरची वाट पाहावी लागणार नाही…, पाणी पुरवठ्यासाठी स्वतंत्र ॲप; मंत्री विखेंची माहिती

तसेच या प्रकरणाची चौकशी करणाऱ्या समितीने रुग्णालयावर अनेक गंभीर आरोप केले आहेत. यापूर्वी मृताच्या कुटुंबीयांनीही रुग्णालयावर आरोप केले होते. कुटुंबातील सदस्यांच्या म्हणण्यानुसार, 10 लाख रुपये घेऊनही रुग्णालय प्रशासनाने महिलेला उपचारासाठी दाखल केले नाही आणि उपचारांना उशीर झाल्यामुळे तिचा मृत्यू झाला.याप्रकरणी राज्य सरकारच्या समितीच्या अहवालात असेही म्हटलंय की, रुग्णालयाने गर्भवती महिला साडेपाच तास तिथे राहिली परंतु ती कोणतीही माहिती न देता निघून गेली. समितीने म्हटलंय की, रुग्णालयाने रुग्णाला ‘गोल्डन अवर्स’ उपचार देण्याचा नियम पाळला नाही. या प्रकरणात पुढील कारवाईसाठी धर्मादाय आयुक्तांना शिफारस करण्यात आली आहे.

ससून रुग्णालयाच्या अहवालावर सुप्रिया सुळेंचा संताप

या अहवालावर शरद पवार गटाच्या खासदार सुप्रिया सुळे (Supriya Sule) चांगल्याच संतापल्या आहेत. हा अहवाल आम्हाला मान्य नाही तो जाळून टाका असा आक्रमक पवित्रा खासदार सुळे यांनी घेतला. ससून रुग्णालयाच्या समितीने दिलेला अहवाल आम्ही स्वीकारत नाही. हा अहवाल कचऱ्याच्या डब्यात टाकाअ असे मी म्हणणार नाही तर तो सरळ जाळूनच टाका असा संताप खासदार सुप्रिया सुळे यांनी व्यक्त केला. तनिषा भिसे मृत्यू प्रकरणी उच्च न्यायालयात याचिका दाखल करण्याचा निर्णय शरद पवार राष्ट्रवादीचे नेते प्रशांत जगताप यांनी घेतला आहे. या प्रकरणात आम्ही सर्व प्रशांत जगताप यांच्या पाठीशी आहोत असे सुप्रिया सुळे यांनी म्हटले आहे. प्रशांत जगताप 24 एप्रिल रोजी मंगेशकर रुग्णालयाच्या विरोधात उच्च न्यायालयात याचिका दाखल करणार आहेत.

संबंधित बातम्या