बापूसाहेब पठारेचं विजयी होणार, सुप्रिया सुळेंना पूर्ण विश्वास; विद्यमान आमदारालाही ठणकावलं!

Supriya Sule Speech in Pune : वडगाव शेरी विधानसभा मतदारसंघाचे उमेदवार बापूसाहेब पठारे शंभर टक्के विजयी होतील. निष्क्रिय ठरलेल्या विद्यमान आमदारांना मतदार धडा शिकवतील, असा विश्वास खासदार सुप्रिया सुळे यांनी (Supriya Sule) जाहीर सभेत व्यक्त केला. शुक्रवारी सायंकाळी येरवडा येथे खासदार सुप्रिया सुळे यांची जाहीर सभा झाली. या सभेत त्यांनी राज्य सरकारवर घणाघाती टीका केली. राज्यातील सरकारने केलेली अनिर्बंध उधळपट्टी, भ्रष्टाचार, दिशाहीन कारभार, राज्याची झालेली पिछेहाट, वाचाळपणा, घसरलेली प्रचाराची पातळी आणि वडगाव शेरीचे आमदार सुनील टिंगरे यांच्यावर जोरदार आसूड ओढले. काँग्रेसचे आमदार बाळासाहेब थोरात, ठाकरे गटाच्या सुषमा अंधारे, महाविकास आघाडीचे उमेदवार बापूसाहेब पठारे उपस्थित होते.

खासदार सुप्रिया सुळे म्हणाल्या,”मी याला संधी दिली, मी त्याला संधी दिली’, असे काही जण म्हणत असतात. पक्षाने संधी दिली असे म्हणत नाहीत. आता तर अंडी पिल्ली बाहेर काढण्याची भाषा करताहेत. त्याच भाषेत बोलणे योग्य नाही. पण, तुम्ही मागचे काही काढणार असाल, तर आम्हालाही तुमची काही माहिती आहे.’तू तू , मैं मैं ‘ची लढाई करणार नाही पण ‘करारा’ जबाब देऊ असे सुप्रिया सुळे यांनी ठणकावून सांगितले.

शरद पवार ईडीच्या नोटीसला घाबरले नाही, ते तुझ्या नोटीसला काय घाबरणार ? सुप्रिया सुळेंनी घेतला टिंगरेंचा समाचार

विद्यमान आमदाराने पाच वर्षात काय केले हे बोलण्यात काही अर्थ नाही. आता शून्यातून पुन्हा सुरुवात करावी लागणार आहे. नवे विश्व उभारावे लागणार आहे. बापूसाहेब पठारे यांनी त्यांच्या परिसरात कोणताही अपघात झाला तर पोलीस स्टेशनला न जाता हॉस्पिटलला जावे, असा शब्द मला द्यावा असे सुळे म्हणाल्या.

आमदार बाळासाहेब थोरात म्हणाले,’ महाविकास आघाडी एकदिलाने निवडणूक लढत आहे. वडगाव शेरीत देखील ही एकी दिसत आहे, त्यातून बापूसाहेब पठारे मोठ्या मताधिक्याने विजयी होतील असा विश्वास वाटतो. अंधारे म्हणाल्या, वडगाव शेरीमध्ये बदमाशगिरी चालू आहे. विद्यमान आमदार राडारोडा टाकून पूर आणायचे काम करतात तर पठारे कुटुंबीय पुरग्रस्तांच्या मदतीला धावून जाण्याचे काम करत आहेत.

बापूसाहेब पठारे यांनी विजयाचा आत्मविश्वास व्यक्त केला. या मतदारसंघाचे आणि माझे भावनिक नाते असून मतदारांवर माझा पूर्ण विश्वास आहे. थिल्लरपणाला हे मतदार थारा देणार नाहीत. मतदारसंघाच्या विकासाची जबाबदारी महाविकास आघाडीच्या हाती देणार आहेत. नियोजनपूर्वक विकास करून सर्व पायाभूत सुविधा मार्गी लावून आधुनिक पुणे निर्माण करण्याचे वचन मी देत आहे. मतदारांना कायम उपलब्ध राहून उत्तरदायी राहीन याचा पुनरुच्चार बापूसाहेब पठारे यांनी या सभेत केला.

सरदेसाईंच्या पुस्तकात सुनेत्रा पवारांचंही नाव, सुप्रिया सुळे भडकल्या; फडणवीसांवर आगपाखड

संबंधित बातम्या