live now

Election LIVE Update’s : शिंदेंच्या आदेशाने पुण्यात आलोय; युतीचा काडीमोड? सामंत काय म्हणाले?

पुणे आणि कुठेही महायुती तुटलेली नाही : उदय सामंत

पुणे आणि अन्य ठिकाणी भाजपसोबत शिंदेच्या शिवसेनेची युती तुटलेली नसल्याची माहिती मंत्री उदय सामंत यांनी दिली आहे. पुण्यात भाजप आणि शिवसेनेने काही ab फॉर्म दिले आहेत. मात्र माघार घ्यायला दोन तीन दिवस आहेत. शिंदेंच्या आदेशाने पुण्यात आलो असल्याचे सांगत मुंबईत महायुती झाली असून, तेथे भगवा फडकवणार असल्याचा दावाही सामंत यांनी केला आहे. ९० टक्के शिवसेना महायुती म्हणून लढणार असल्याचेही यावेळी त्यांनी सांगितले. तीन चार दिवस आम्हाला वेळ आहे. पुढचा निर्णय शिंदे-फडणवीस घेतील असे सांगत आम्ही जागा जिंकू शकतो अशा ठिकाणी ab फॉर्म दिल्याचे सामंत यांनी यावेळी सांगितले.

पुण्यात भाजपला जोरदार धक्का; उमेदवारी नाकरलेले बालवडकर हातात घड्याळ बांधणार

विधानसभेला देवेंद्र फडणवीस यांनी शब्द दिल्याने माघार घेतली एक लाखाच्या मताधिक्याने चंद्रकांत पाटलांना निवडून आणलं त्यानंतर भाजपाने माझ्यासोबत दगा फटका केला. मला दोन दिवस अगोदर जरी सांगितलं असतं तरी मी ऐकलं असतं मात्र ऐनवेळी मला उमेदवारी नाकारली त्यामुळे मी दादांच्या पक्षात जाण्याचा निर्णय घेतला आहे. मुख्यमंत्री देवेंद्र फडणवीस यांनी शब्द दिला होता तो शब्द पाळला गेला नाही. जे काही झालं यामध्ये भाजप पक्षाचे नुकसान आहे माझं नाही. मी विधानसभेला चंद्रकांत पाटलांच्या विरोधात काम केलं होतं. मी राष्ट्रवादीत गेल्याने माझ्यापेक्षा जास्त भाजपाला नुकसान होणार असून, याचा फटका भाजपा बसेल.

पुण्यात भाजपला जोरदार धक्का; उमेदवारी नाकरलेले बालवडकर हातात घड्याळ बांधाणार #PuneMunicipalElections #BJP @Dev_Fadnavis @AjitPawarSpeaks @BalwadkarAmol pic.twitter.com/YIYsMQshLH

— LetsUpp Marathi (@LetsUppMarathi) December 30, 2025

मुंबईसाठी पवारांनी आणखी चार उमेदवार घोषित, कुणाला मिळाली संधी?

पक्षाचे मुंबई विभागीय निवडणूक प्रभारी अध्यक्ष श्री. मिलिंद कांबळे तसेच सहअध्यक्ष श्री. सोहेल सुभेदार यांच्या मान्यतेने ‘बृहन्मुंबई महानगरपालिका सार्वत्रिक निवडणूक २०२६’ साठी पक्षाच्या अधिकृत उमेदवारांची दुसरी यादी जाहीर करण्यात येत आहे. सर्व उमेदवारांना पक्षातर्फे मनःपूर्वक शुभेच्छा!

पक्षाचे मुंबई विभागीय निवडणूक प्रभारी अध्यक्ष श्री. मिलिंद कांबळे तसेच सहअध्यक्ष श्री. सोहेल सुभेदार यांच्या मान्यतेने ‘बृहन्मुंबई महानगरपालिका सार्वत्रिक निवडणूक २०२६’ साठी पक्षाच्या अधिकृत उमेदवारांची दुसरी यादी जाहीर करण्यात येत आहे.
सर्व उमेदवारांना पक्षातर्फे मनःपूर्वक… pic.twitter.com/Co2JlYCJB0

— Nationalist Congress Party - Sharadchandra Pawar (@NCPspeaks) December 30, 2025

पुण्यात पुन्हा ट्विस्ट; भाजप-सेनेची युती तुटलेली नाही पण....

पुण्यामध्ये शिवसेना आणि भाजपमधील युती तुटल्याची घोषणा काहीवेळापूर्वी नाना भानगिरे यांनी केली होती. मात्र, आता यात मोठा ट्विस्ट आला असून, शिंदेंचे नेते विजय शिवतारे यांनी सेना आणि भाजपमधील युती तुटलेली नसल्याचे म्हटले आहे. तसेच मुख्यमंत्री आणि उपमुख्यमंत्र्यांकडून जे आदेश येतील त्याप्रमाणे त्या-त्या उमेदवारांनी अर्ज मागे घ्यायचे आहेत. वेळ कमी असल्याने सामंज्यसपणे मार्ग काढण्यासाठी हा पर्याय निवडल्याचे शिवतारे यांनी सांगितले आहे. अंतिम निर्णय फडणवीस, शिंदे आणि सामंत यांच्याकडून घेतला जाईल पण, युती तुटलेली नाही.

खासदार नरेश म्हस्के यांना झटका, मुलाला उमेदवारी नाकारली

खासदार नरेश म्हस्के यांना निवडणुकांच्या तोंडावर मोठा झटका बसला असून, म्हस्केंचा मुलगा आशुतोष म्हस्के याचे तिकीट कापण्यात आले आहे. मुलाला तिकिट मिळावे याकरता म्हस्केंनी टाईट फिल्डिंग लावली होती पण, अखेर म्हस्केंचे डाव अपयशी ठरल्याचे तिकीट नाकारल्यामुळे स्पष्ट झाले आहे.

भाजपचा ‘डॅमेज’ कंट्रोलचा प्रयत्न; मुंबईसाठी ‘मराठी’ कार्ड खेळत दिली अनेकांना संधी

भाजपने 29 डिसेंबर रोजी 68 उमेदवारांची पहिली यादी प्रसिद्ध केली. यामध्ये 31 पुरूष उमेदवारांचा तर 37 महिला उमेदवारांचा समावेश आहे. यात लक्षवेधणारी गोष्ट म्हणजे तब्बल 46 मराठी उमेदवारांना भाजपनं संधी दिली आहे. त्यामुळे हिंदी भाषेच्या सक्तीवरून विरोधकांचा रोषाला सामोरे जावे लागलेल्या भाजपनं डॅमेज कंट्रोलसाठी BMC साठी मराठी कार्ड बाहेर काढल्याची चर्चा आता राजकीय वर्तुळात सुरू झाली आहे.

BMC Election : भाजपचा ‘डॅमेज’ कंट्रोलचा प्रयत्न; मुंबईसाठी ‘मराठी’ कार्ड खेळत दिली अनेकांना संधी

पुणे तिथे काय उणे! उमेदवाराने अर्ज शुल्क म्हणून भरली 5 हजार रुपयांची चिल्लर

महानगरपालिका निवडणुकांची घोषणा केल्यानंतर राज्यभरात राजकीय वातावरण तापलं आहे. उमेदवारांची धावपळ सुरू असून, इच्छुकांनी उमेदवारी अर्ज दाखल करण्यासाठी निवडणूक कार्यालयांकडे गर्दी केली आहे. अनेक पक्षांनी आपले अधिकृत उमेदवार जाहीर केले असून, काही अपक्ष उमेदवारही जोरदार तयारीत उतरले आहेत. मात्र या सगळ्या गडबडीत पुण्यातून(Pune) एक असा प्रकार समोर आला आहे, जो सध्या चांगलाच चर्चेचा विषय ठरतो आहे.

पुणे तिथे काय उणे! उमेदवाराने अर्ज शुल्क म्हणून भरली 5 हजार रुपयांची चिल्लर

दीपक मानकरांच्या दोन मुलांना उमेदवारी

राष्ट्रवादी काँग्रेस अजित पवारांच्या पक्षाचे नेते दीपक मानकर यांची दोन्ही मुलं निवडणुकीच्या रिंगणात उतरली आहेत. एकाला भाजपने तर दुसऱ्याला राष्ट्रवादीकडून उमेदवारी जाहीर झाली आहे. बापू मानकर भाजपकडून तर हर्षवर्धन मानकर राष्ट्रवादीकडून उमेदवारी मिळाली आहे. दोन्ही पक्षाकडून मुलांना उमेदवारी मिळाल्याने आता दीपक मानकर नेमका राष्ट्रवादीचा प्रचार करणार की भाजपचा अशी चर्चा राजकीय वर्तुळात रंगली आहे.

राजकीय पक्ष निवडणुकांमध्ये उमेदवारांना देतात तो एबी फॉर्म नेमका काय असतो? जाणून घ्या सविस्तर…

उमेदवारांना एबी फर्म वाटयला सुरूवात किंवा एखाद्या उमेदवाराला एबी फॉर्म नाकारल्याने त्याने बंडखोरी केली अशा बातम्या निवडणुका आल्या की वारंवार कानावर पडतात. मात्र हा एबी फॉर्म नेमका काय असतो? तो कसा असतो जाणून घेऊ सविस्तर…

राजकीय पक्ष निवडणुकांमध्ये उमेदवारांना देतात तो एबी फॉर्म नेमका काय असतो? जाणून घ्या सविस्तर…

कार्यकर्त्यांचा हा अपमान मी कदापि सहन करणार नाही - आठवले

महायुतीच्या स्थापनेपासून आम्ही अत्यंत प्रामाणिकपणे आणि खंबीरपणे सोबत राहिलो आहोत, मात्र आज जागावाटपाच्या बाबतीत जो प्रकार घडला आहे, तो निव्वळ विश्वासघात आहे. चर्चेसाठी काल दुपारी ४ वाजताची वेळ निश्चित करण्यात आली होती, मात्र मित्रपक्षांकडून त्याचेही पालन करण्यात आले नाही. हा प्रकार म्हणजे केवळ वेळेचा अपव्यय नसून आमच्या स्वाभिमानावर केलेला आघात आहे. मुंबई महानगरपालिकेची निवडणूक तोंडावर असताना कार्यकर्त्यांचा हा अपमान मी कदापि सहन करणार नाही. त्यामुळेच आज माझे कार्यकर्ते जो काही निर्णय घेतील, तो मला पूर्णपणे मान्य असेल.

महायुतीच्या स्थापनेपासून आम्ही अत्यंत प्रामाणिकपणे आणि खंबीरपणे सोबत राहिलो आहोत, मात्र आज जागावाटपाच्या बाबतीत जो प्रकार घडला आहे, तो निव्वळ विश्वासघात आहे. चर्चेसाठी काल दुपारी ४ वाजताची वेळ निश्चित करण्यात आली होती, मात्र मित्रपक्षांकडून त्याचेही पालन करण्यात आले नाही. हा…

— Ramdas Athawale (@RamdasAthawale) December 30, 2025