AUS vs SA T20 WC Final : ऑस्ट्रेलियाच दक्षिण आफ्रिकेसमोर 157 धावाचं आव्हान
- Written By: prashant letsupp Published:
केपटाऊन : ऑस्ट्रेलिया आणि दक्षिण आफ्रिका (AUS v SA) यांच्यात केपटाऊनच्या न्यूलँड्स मैदानावर महिला T20 विश्वचषक (Womens T20 WC) 2023 स्पर्धेचा अंतिम सामना खेळवला जात आहे. या सामन्यात टॉस जिंकत ऑस्ट्रेलियन महिलांनी प्रथम फलंदाजी करण्याचा निर्णय घेतला. दक्षिण आफ्रिकेच्या संघाने चांगली गोलंदाजी करत ऑस्ट्रेलियाला 156 धावांवर रोखले.
(T20 World Cup Women Final) ऑस्ट्रेलियाच्या बेथ मूनी हिने एकहाती झुंज देत नाबाद 74 धावा करत संघाची धावसंख्या 156 धावांपर्यंत पोहोचवली. आता दक्षिण आफ्रिकेला विजयासाठी 120 चेंडूत 157 धावा करायच्या आहेत. तर आफ्रिकेच्या शबनम इस्माईल आणि मारिझने कॅप यांनी प्रत्येकी 2 बळी घेतले.
देवेंद्र फडणवीसांचा ठाकरेंवर निशाणा, ‘मूग गिळून बसता, तुमची मजबूरी तरी काय?’
प्रथम फलंदाजी करणाऱ्या ऑस्ट्रेलिया संघाची सुरूवात चांगली झाली होती. पॉवरप्लेच्या पाचव्या षटकात पहिलं यश मारिझने कॅपने मिळवून दिलं. दुसरीकडे बेथ मुनीने एक बाजू लावून धरली होती. मात्र इतर फलंदाज भागीदारी करण्यासाठी कमी पडताना दिसले.
अॅशले गार्डनरने दमदार सुरूवात केली होती. मोठी खेळी करण्यात तिला अपयश आलं. 29 धाव करून ती माघारी परतली, त्यानंतर आलेल्या ग्रेसलाही फार काही कमाल दाखवता आली नाही. कर्णधार मेग लॅनिंगही मारिझने कॅपची शिकार झाली 10 धावा करुन माघारी परतली.
शेवटच्या षटकामध्ये ऑस्ट्रेलियाच्या दोन विकेट्स गेल्या. चौथ्या आणि पाचव्या चेंडूवर गडी बाद झाले. बेथ मुनीने एकटीने खिंड लढवली आणि संघाला 150 टप्पा ओलांडून दिला. फायनलमध्ये बेथ मुनीने नाबाद 74 धावांची खेळी केली. यामध्ये 9 चौकार आणि 1 षटकाराचा समावेश होता. गार्डनर सोडता इतर कोणत्याही खेळाडूने मोठी खेळी केली नाही.
दक्षिण आफ्रिकेकडून शबनम इस्माईल आणि मारिझने कॅप यांनी दोन आणि नॉनकुलुलेको मलाबा आणि क्लो ट्रायऑनस यांनी प्रत्येकी 1 बळी मिळवला. आता यजमान आफ्रिकेचा संघ विजयापासून एक पाऊल दूर आहे. तर ऑस्ट्रेलिया वर्ल्ड कपची ट्रॉफीवर पुन्हा नाव कोरण्यासाठी तयार असतील. आफ्रिका संघ सामना जिंकतो काही याकडे अवघ्या क्रीडा विश्वाचं लक्षल लागलं आहे.
