2024 T20 विश्वचषकात आयर्लंडने आपले स्थान केले निश्चित
- Written By: Rahul shelke Published:
आयर्लंड क्रिकेट संघ 2024 च्या ICC पुरुष T20 विश्वचषक स्पर्धेसाठी पात्र ठरला आहे. यासह, आता पुढील वर्षी होणाऱ्या या स्पर्धेत स्थान मिळवणारा युरोपियन पात्रता फेरीतील पहिला संघ ठरला आहे. हा संघ गुरुवारी जर्मनीविरुद्ध सामना खेळणार होता, मात्र पावसामुळे एकही चेंडू न टाकता सामना रद्द करण्यात आला. या स्पर्धेतील दोन संघ पुढील वर्षी अमेरिका आणि वेस्ट इंडिजमध्ये होणाऱ्या टी-20 विश्वचषकाचा भाग असतील. (Ireland seal their place in 2024 Men’s T20 World Cup)
आयर्लंडच्या संघाने संपूर्ण स्पर्धेत आतापर्यंत एकही सामना गमावलेला नाही. या संघाने यापूर्वी इटली, डेन्मार्क, ऑस्ट्रिया आणि जर्सीविरुद्ध विजय मिळवला होता. याचा अर्थ पाच सामन्यांनंतर आयर्लंडचे आता एकूण नऊ गुण झाले असून त्यांना स्कॉटलंडविरुद्ध अजून एक सामना खेळायचा आहे.
आयर्लंडचा संघ यावर्षी भारतात होणाऱ्या एकदिवसीय विश्वचषक 2023 साठी पात्रता ठरू शकला नाही, परंतु संघाने युरोपियन पात्रता फेरीत जोरदार पुनरागमन केले आणि पुढील वर्षीच्या T20 विश्वचषकात स्थान निश्चित केले.
IND vs WI: टीम इंडियाला मोठा धक्का, मोहम्मद सिराज एकदिवसीय मालिकेतून बाहेर
स्कॉटलंड हा दुसरा संघ असू शकतो:
या स्पर्धेतून आयसीसी विश्वचषकासाठी पात्र ठरणारा स्कॉटलंड हा दुसरा संघ ठरू शकतो. स्कॉटिश संघाने आतापर्यंत चार सामने खेळले असून एकाही सामन्यात हार पत्करलेली नाही. स्कॉटलंडच्या संघाचे आठ गुण आहेत, तर संघाला आणखी दोन सामने खेळायचे आहेत.
स्कॉटलंडचा रन रेट आयर्लंड आणि इतर संघांपेक्षा खूपच चांगला आहे. युरोपियन क्वालिफायरमधील आणखी एका संघाला T20 विश्वचषक 2024 साठी पात्र ठरायचे आहे आणि स्कॉटलंडला फक्त एका गुणाची आवश्यकता असल्याने ते ते करू शकतात.
