Wayanad By-Election Result: वायनाडमधून प्रियंका गांधींची राजकीय इनिंग सुरु, 4 लाख मतांनी विजयी

Wayanad By-Election Result: संपूर्ण देशाचे लक्ष लागून असलेल्या वायनाड लोकसभा पोटनिवडणुकीत (Wayanad By-Election Result) काँग्रेसच्या (Congress) नेत्या प्रियांका गांधी वाड्रा (Priyanka Gandhi Vadra) यांनी तब्बल 4 लाख मतांनी विजय मिळवला आहे. वायनाड पोटनिवडणुकीत प्रियांका गांधी आणि त्यांचे प्रतिस्पर्धी यांच्यातील मतांचा सध्याचा फरक हा या वर्षी झालेल्या लोकसभा निवडणुकीत या जागेवरून लढलेले राहुल गांधी आणि त्यांचे प्रतिस्पर्धी यांच्यातील मतांच्या फरकापेक्षा जास्त आहे.

काँग्रेसच्या नेतृत्वाखालील युनायटेड डेमोक्रॅटिक फ्रंट (UDF) च्या उमेदवार प्रियंका गांधी यांनी वायनाड लोकसभा पोटनिवडणुकीत अनेक तासांच्या मतमोजणीनंतर 4.25 लाखांहून अधिक मतांनी विजय मिळवला, असे निवडणूक आयोगाने म्हटले आहे. विजयानंतर प्रियंका गांधी यांनी वायनाडच्या जनतेचे आभार मानले आहेत. त्यांनी सोशल मीडिया प्लॅटफॉर्मवर एका पोस्टमध्ये लिहिले की हा विजय तुमचा विजय आहे आणि तुम्ही ज्या व्यक्तीला तुमचे प्रतिनिधित्व करण्यासाठी निवडले आहे ती तुमच्या आशा आणि स्वप्ने समजून घेऊन संसदेत तुमचा आवाज बनण्यास उत्सुक आहे!

My dearest sisters and brothers of Wayanad,
I am overwhelmed with gratitude for the trust you have placed in me. I will make sure that over time, you truly feel this victory has been your victory and the person you chose to represent you understands your hopes and dreams and…

— Priyanka Gandhi Vadra (@priyankagandhi) November 23, 2024

पुढे त्यांनी आपल्या ट्विटमध्ये म्हटले आहे की, मला हा सन्मान दिल्याबद्दल आणि सर्वात महत्त्वाचे म्हणजे तुम्ही मला दिलेल्या अपार प्रेमाबद्दल तुमचे खूप खूप आभार. UDF मधील माझे सहकारी, नेते, कार्यकर्ते, केरळमधील स्वयंसेवक आणि माझ्या कार्यालयातील सहकाऱ्यांनी अविश्वसनीयपणे मेहनत केल्याबद्दल धन्यवाद.

निवडणूक आयोगाने दिलेल्या माहितीनुसार, प्रियांका गांधी 622338 मतांसह 410931 मतांनी आघाडीवर आहेत. डाव्या लोकशाही आघाडीचे (एलडीएफ) सत्यान मोकेरी 211407 मतांनी पिछाडीवर आहेत. नॅशनल डेमोक्रॅटिक अलायन्स (NDA) च्या नव्या हरिदास म्हणजेच भाजप 109939 मतांसह तिसऱ्या स्थानावर आहेत.

मोठी बातमी! मालेगांव मध्य AIMIM चे मुफ्ती इस्माइल फक्त 75 मतांनी विजयी

या वर्षीच्या लोकसभा निवडणुकीत, वायनाडमधून निवडणूक लढवलेल्या राहुल यांना 6,47,445 मते मिळाली आणि त्यांनी त्यांचे प्रतिस्पर्धी भारतीय कम्युनिस्ट पार्टी (CPI) च्या ॲनी राजा यांच्याकडून 3,64,422 मतांच्या फरकाने विजय मिळवला. 2019 मध्ये राहुल यांना 7,06,367 मते मिळाली आणि त्यांनी त्यांच्या प्रतिस्पर्ध्याकडून 4,31,770 मतांच्या फरकाने विजय मिळवला.

संबंधित बातम्या