बाजीरावचं जम्मू-काश्मीरमध्ये खास मिशन; ‘सिंघम अगेन’ मधील अजय देवगणची पहिली झलक आली समोर
- Written By: Digambar Jadhav Published:
Ajay Devgn Pic As Bajirao Singam: आजकाल अजय देवगण (Ajay Devgn) त्याच्या आगामी ‘सिंघम अगेन’ (Singham Again) चित्रपटामुळे चर्चेत आहे. या चित्रपटाचे शूटिंग सुरू आहे आणि रोहित शेट्टी (Rohit Shetty) त्याच्या कॉप युनिव्हर्सबद्दल काही अपडेट्स शेअर करत आहे. दरम्यान, ‘सिंघम अगेन’मधील अजय देवगणचा फर्स्ट लूक समोर आला आहे. ज्यामध्ये तो त्याच्या जुन्या बाजीराव सिंघम (Bajirao Singam) अवतारात पाहायला मिळत आहे.
View this post on Instagram
कसा आहे अजय देवगणचा फर्स्ट लूक?
रोहित शेट्टीचा ‘सिंघम अगेन’ हा या वर्षातील सर्वाधिक चर्चेत असलेला चित्रपट आहे. अजय देवगण व्यतिरिक्त या चित्रपटात दीपिका पदुकोण, रणवीर सिंग, अक्षय कुमार, टायगर श्रॉफ, करीना कपूर आणि अर्जुन कपूर मुख्य भूमिकेत आहेत. या चित्रपटाचे शूटिंग लवकरात लवकर पूर्ण करण्यात अजय देवगण व्यस्त आहे. अजय देवगणच्या ताज्या पोस्टबद्दल बोलायचे तर, यात तो पोलिसांच्या गणवेशात उभा दिसत आहे. सिंघमचा तोच स्टेटस त्याच्या चेहऱ्यावर दिसत आहे.
फोटो शेअर केल्यानंतर रोहित शेट्टी काय म्हणाला?
अजय देवगणच्या आजूबाजूला आणखी काही लष्करी वाहनांमध्ये तैनात आहेत आणि त्यांच्या हातात बंदुका आहेत. आजूबाजूला बर्फाच्छादित पर्वत दिसत आहेत. ही पोस्ट शेअर करताना रोहित शेट्टीने लिहिले आहे, ‘बाजीराव सिंघम एसएसपी एसओजी स्पेशल ऑपरेशन ग्रुपसोबत. जम्मू आणि काश्मीर पोलीस…सिंघम पुन्हा…लवकरच येत आहे. सिंघम अगेनचे शूटिंग जम्मू-काश्मीरमध्ये अनेक दिवसांपासून सुरू आहे. नुकतेच एक फोटोही समोर आले होते, ज्यामध्ये रोहित शेट्टी आणि अजय देवगन त्यांच्यामध्ये लष्कराच्या जवानांसोबत बसलेले दिसत होते.
Govinda: अभिनेता गोविंदाने पंतप्रधान नरेंद्र मोदींना भेटून भारावला; म्हणाला, ‘सन्मानाची बाब…’
सिंघम अगेन कधी रिलीज होणार?
‘सिंघम अगेन’ हा सिंघम सीक्वेन्सचा तिसरा भाग आहे. रोहित शेट्टीचा कॉप युनिव्हर्सचा हा पाचवा चित्रपट आहे. सुरुवातीला सिंघम अगेनची रिलीज डेट 15 ऑगस्ट निश्चित करण्यात आली होती, मात्र आता ती पुढे ढकलण्यात आली आहे. सिंघम अगेनच्या नवीन रिलीजच्या तारखेबाबत निर्मात्यांनी कोणतेही माहिती दिली नाही.
‘या’ भूमिकेत अर्जुन कपूर दिसणार
या चित्रपटात अर्जुन कपूर खलनायकाच्या भूमिकेत दिसणार असून त्याने त्याच्या भागाचे शूटिंग पूर्ण केले आहे. अर्जुन कपूरने इन्स्टाग्रामवर ही माहिती दिली होती. या चित्रपटात रोहित शेट्टी त्याच्या कॉप युनिव्हर्समधील सर्व स्टार्सना एकत्र आणत आहे.
संबंधित बातम्या
AMKDT: अजय- तब्बूच्या रोमँटिक केमिस्ट्रीने वेड लावलं, ‘औरों में कहाँ दम था’ मधील पहिलं गाणं रिलीज
