“मला आई व्हायचंय”: आम्रपाली दुबेच्या या विधानाने कुटुंबाला धक्का; भोजपुरी चित्रपटसृष्टीत खळबळ.

या प्रोमोमध्ये आम्रपाली आपल्या आयुष्यातील अत्यंत महत्त्वाच्या निर्णयाबद्दल कुटुंबीयांसमोर खुलासा करताना दिसत आहे.

Amrapali Dubey’s statement shocked the family : भोजपुरी चित्रपटसृष्टीतील लोकप्रिय अभिनेत्री आम्रपाली दुबे पुन्हा एकदा चर्चेत आल्या आहेत. मात्र यावेळी त्या एखाद्या चित्रपटामुळे किंवा गाण्यामुळे नव्हे, तर त्यांच्या एका भावनिक वक्तव्यामुळे चर्चेचा विषय ठरत आहेत. जिओहॉटस्टारवरील आगामी रिअॅलिटी शो ‘भोजपुरी बवाल’ मधील नव्या प्रोमोने सोशल मीडियावर खळबळ उडवली आहे. या प्रोमोमध्ये आम्रपाली आपल्या आयुष्यातील अत्यंत महत्त्वाच्या निर्णयाबद्दल कुटुंबीयांसमोर खुलासा करताना दिसत आहेत.

व्हिडिओची सुरुवात मंदिरातील एका भावनिक प्रसंगाने होते. मंदिरात दर्शन आणि आशीर्वाद घेतल्यानंतर आम्रपाली आपल्या कुटुंबीयांसमोर उभ्या राहतात. वातावरण गंभीर असते आणि त्यांच्या चेहऱ्यावर एक वेगळाच आत्मविश्वास दिसून येतो. त्यानंतर त्या आपल्या मनातील भावना व्यक्त करत म्हणतात, “मी माझ्या संपूर्ण आयुष्यातील कदाचित सर्वात मोठा निर्णय घेणार आहे. या निर्णयाचा काय परिणाम होईल, माझं कुटुंब कसं प्रतिक्रिया देईल, माझे चाहते काय म्हणतील, हे मला माहीत नाही. पण मला हे करायचंच आहे. मला आई व्हायचं आहे.”

आम्रपाली यांच्या या वक्तव्याने उपस्थित सर्वजण काही क्षणांसाठी स्तब्ध होतात. त्यांच्या कुटुंबीयांच्या चेहऱ्यावर आश्चर्य, चिंता आणि भावनिक प्रतिक्रिया स्पष्टपणे दिसून येतात. त्यांच्या वडिलांना या विधानावर विश्वासच बसत नाही. ते आश्चर्यचकित होत विचारतात, “तू काय बोलते आहेस? ती नेमकं काय म्हणते आहे?” तर त्यांच्या बहिणीच्या चेहऱ्यावर काळजी दिसून येते. ती आम्रपालींना विचारते, “तुला याबद्दल पूर्ण खात्री आहे ना?” मात्र या सर्व प्रश्नांनंतरही आम्रपाली आपल्या निर्णयावर ठाम असल्याचे दिसते. त्या शांतपणे आणि आत्मविश्वासाने उत्तर देतात, “हो, याबद्दल मला पूर्ण खात्री आहे.”

महागाईवर मौन, पेपरफुटीवर फायदे; उद्धव ठाकरे यांचा निर्मला सीतारामन यांच्यावर हल्लाबोल

या एका संवादाने संपूर्ण प्रोमोला वेगळेच वळण मिळाले आहे. आम्रपालींचा हा निर्णय नेमका कोणत्या संदर्भात आहे, त्यामागची कहाणी काय आहे आणि कुटुंबीयांची पुढील प्रतिक्रिया कशी असेल, याबाबत प्रेक्षकांमध्ये प्रचंड उत्सुकता निर्माण झाली आहे. सोशल मीडियावरही या प्रोमोची जोरदार चर्चा सुरू असून चाहते विविध अंदाज व्यक्त करत आहेत.

‘भोजपुरी बवाल’ हा केवळ मनोरंजनाचा कार्यक्रम नसून त्यामध्ये सहभागी कलाकारांच्या वैयक्तिक आयुष्यातील अनेक भावनिक, संघर्षमय आणि अनपेक्षित पैलू उलगडताना दिसणार आहेत. नाती, भावना, कुटुंबीयांशी असलेले संबंध आणि आयुष्यातील महत्त्वाचे निर्णय यांवर आधारित अनेक प्रसंग या शोमध्ये पाहायला मिळणार असल्याचे संकेत या प्रोमोमधून मिळत आहेत.

आम्रपाली दुबे या भोजपुरी मनोरंजनविश्वातील सर्वाधिक लोकप्रिय अभिनेत्रींपैकी एक मानल्या जातात. त्यांच्या प्रत्येक प्रकल्पाला चाहत्यांचा मोठा प्रतिसाद मिळत असतो. त्यामुळे त्यांच्या या भावनिक खुलाशाकडे चाहत्यांचे विशेष लक्ष लागले आहे. हा निर्णय त्यांच्या वैयक्तिक आयुष्याशी संबंधित आहे की शोमधील एखाद्या विशेष टास्कचा भाग आहे, याबाबतची उत्सुकता देखील वाढली आहे.

भावनांचा उत्कर्ष, नात्यांची कसोटी, अनपेक्षित खुलासे आणि मनाला भिडणारे क्षण यांचा संगम असलेला ‘भोजपुरी बवाल’ हा कार्यक्रम प्रेक्षकांना एक वेगळाच अनुभव देण्यास सज्ज आहे. ‘भोजपुरी बवाल’चा संपूर्ण थरार 2 ऑगस्टपासून फक्त जिओहॉटस्टारवर पाहायला मिळणार आहे.

संबंधित बातम्या