Bigg Boss Marathi निक्की-अरबाज पुन्हा एकत्र येणार; नवा गेम प्लॅन तर नाही ना?

Bigg Boss Marathi New Season Day 34: ‘बिग बॉस मराठी’चा नवा सीझन (Bigg Boss Marathi) विविध कारणांनी चर्चेत आहे. सध्या घरात टीम ए च्या (Bigg Boss Marathi New Season) सदस्यांमध्ये फूट पडलेली पाहायला मिळत आहे. याबरोबरच निक्की (Nikki) आणि अरबाज (Arbaaz) यांच्यामध्ये देखील दुरावा निर्माण झाल्याचे पाहायला मिळाले होते. दोघांमध्ये मोठी भांडणे झालेली गेल्या काही भागात दिसले होते. पण कालच्या भागात मात्र दोघांनी एकमेकांसोबत बोलून त्यांच्यातील दुरावा कमी केल्याचं पाहायला मिळालं.

 

View this post on Instagram

 

A post shared by Colors Marathi (@colorsmarathi)

‘बिग बॉस मराठी’चा नवा प्रोमो समोर आला आहे. (Bigg Boss Marathi New Promo) प्रोमोमध्ये अरबाजने काचेवर “I Miss You” लिहिलेलं दिसत आहे. त्यानंतर तो हार्टदेखील काढतो. निक्कीपासून दुरावणं अरबाजला सहन होत नसल्याचं प्रोमोवरून स्पष्ट होत आहे. तर अरबाजला आर्याचा मात्र चांगलाच पाठिंबा मिळत आहे. आता निक्की आणि अरबाज यांच्यातील नाते पूर्ववत होणार का, पुढच्या खेळात ते एकमेकांबरोबर कसे राहणार, हे पाहणे महत्वाचे ठरणार आहे. याबरोबरच टीम ए मधील जान्हवी आणि वैभव यांना हे मान्य असेल का? हे पाहणे उत्सुकतेचे ठरणार आहे.

‘बिग बॉस मराठी’च्या घरात तुटलेली मनं परत जुळणार

आजच्या भागात मात्र निक्की आणि अरबाज एकमेकांसोबत गप्पा मारताना दिसणार आहेत. समोर आलेल्या प्रोमोमध्ये निक्की अरबाजला म्हणतेय,”तुला जर कोणी व्यक्ती आवडत असेल तर त्याला रागाच्या भरात काहीही बोलू नकोस. शब्द जपून वापर. लोकांना सत्य दाखव”. त्यानंतर अरबाज निक्कीला मिठी मारताना दिसून येतो. त्यामुळे आता बिग बॉस मराठीच्या घरातील तुटलेली मनं पुन्हा जुळणार का याकडे सर्वांचं लक्ष लागलं आहे.

Bigg Boss Marathi: ‘बिग बॉस मराठी’च्या घरात तुटलेली मनं परत जुळणार, न सांगितलेल्या गोष्टी बाहेर येणार!

अभिजीत गुरुंनी सांगितलेली ‘बिग बॉस मराठी’ची व्याख्या

‘बिग बॉस मराठी’ या खेळाची व्याख्या करणं खूप कठीण आहे. या खेळातील प्रत्येक दिवस हा वेगळा असतो. आजच्या भागात अभिजीत निक्कीला सांगतोय,”बिग बॉस मोठा गेम आहे. संपूर्ण जगात एका माणसाचं पूर्ण जीवन, त्याची जगण्याची पद्धत या सगळ्या गोष्टींना तीन महिन्यांसाठी ब्रेक देण्याचं काम ‘बिग बॉस मराठी’ हा कार्यक्रम करतो. या तीन महिन्यात माणूस अडचणींमधून जातो. लोकांना फेस कसं करायचं हे बिग बॉस मराठीच्या माध्यमातून शिकता येतं. एखाद्या परिस्थितीतून कसं बाहेर पडायचं हे या खेळातून कळतं”. बिग बॉस मराठीचा सर्वत्र चांगलाच बोलबाला आहे.

संबंधित बातम्या