रसिकांसाठी मेजवाणी! प्रसिद्ध शास्त्रीय गायक राहुल देशपांडे यांचे ‘या’ महोत्सवात गायन

Rahul Deshpande Perform At Isha Yaksha Festival : राष्ट्रीय पुरस्कार विजेते शास्त्रीय गायक राहुल देशपांडे (Rahul Deshpande), कोइम्बतूर येथील ईशा योग केंद्रात संगीत, नृत्य आणि संस्कृतीने संपन्न अशा वार्षिक तीन दिवसीय यक्ष महोत्सवात गायन सादर (Isha Yaksha Festival) करतील. यंदा 23 ते 25 फेब्रुवारी 2025 दरम्यान नियोजित हा महोत्सव दरवर्षी प्रतिष्ठित ईशा महाशिवरात्री उत्सवापूर्वी आयोजित केला जातो. त्यात जगभरातील प्रेक्षकांना आकर्षित करणाऱ्या विश्वप्रसिद्ध कलाकारांचा समावेश असतो.

धक्कादायक घटना! अकरा तोळे सोन्यासाठी वृद्ध महिलेच्या तोंडात बोळा कोंबून केली हत्या

अलीकडेच संगीतातील योगदानासाठी लता मंगेशकर पुरस्कार प्राप्त झाल्यामुळे चर्चेत असलेले राहुल देशपांडे यक्षच्या दुसऱ्या दिवशी आपली कला सादर करतील. या उत्सवाबद्दल बोलताना सद्गुरू म्हणतात, यक्ष हा आध्यात्मिक प्रयत्नांसाठी अविभाज्य असलेली स्थिरता (Entertainment News) आणि हालचाल, ध्वनी आणि शांतता साजरी करणारा एक उत्सव आहे. या संस्कृतीत आणि या उत्सवात आम्ही यांचा उपयोग जाणीवपूर्वक विकसित होण्यासाठी आणि कल्याणासाठी करतो.

या वर्षी महोत्सवाची सुरुवात कर्नाटकातील आघाडीचे संगीतकार आणि कला प्रकारांचे युवा राजदूत सिक्किल गुरुचरण यांच्या सादरीकरणाने ( Classical Singer Rahul Deshpande) होत आहे. 51व्या ग्रॅमी पुरस्कारांमध्ये सर्वोत्कृष्ट समकालीन जॅझ अल्बमसाठी नामांकित त्यांचे सादरीकरण या सांस्कृतिक कार्यक्रमाद्वारे एक वेगळी छाप सोडेल. 25 फेब्रुवारी रोजी प्रसिद्ध नृत्यांगना मीनाक्षी श्रीनिवासन यांच्या भरतनाट्यम सादरीकरणाने या महोत्सवाचा समारोप होईल, ज्यामुळे रात्रभर चालणाऱ्या महाशिवरात्रीच्या उत्सवात एक उत्साहाचे वातावरण निर्माण होईल.

Horoscope Today : आजचे राशी भविष्य, नवीन आठवड्याचा पहिला दिवस, तुमचे तारे काय म्हणतात

गेल्या काही वर्षांत यक्षमध्ये पंडित जसराज, उस्ताद सईदुद्दीन डागर, परवीन सुलताना, कौशिकी चक्रवर्ती आणि संदीप नारायण यांसारख्या दिग्गज शास्त्रीय कलाकारांचा समावेश होता. गेल्या वर्षी, पंडित संजीव अभ्यंकर यांच्या हिंदुस्तानी शास्त्रीय गायनावरील प्रभुत्वाने प्रेक्षकांना मंत्रमुग्ध केले.

26 फेब्रुवारी रोजी, केंद्रीय गृहमंत्री माननीय श्री. अमित शहा ईशा येथे होणाऱ्या महाशिवरात्री उत्सवात प्रमुख पाहुणे म्हणून उपस्थित राहतील. सद्गुरूंच्या उपस्थितीत आयोजित रात्रभर सुरु असणाऱ्या या महोत्सवात जगभरातील लाखो लोक प्रत्यक्ष आणि ऑनलाइन दोन्ही प्रकारे सहभागी होतील. या उत्सवात सद्गुरूंचे प्रभावशाली ध्यान आणि प्रसिद्ध कलाकारांचे नेत्रदीपक संगीत सादरीकरण समाविष्ट असेल.

संबंधित बातम्या