अनोख्या संकल्पनेवर आधारलेल्या Hoy Maharaja चा टीझर प्रदर्शित; चित्रपटाने वेधलं नेटकऱ्यांचं वेधलं

Hoy Maharaja marathi films Teaser Release : एका अनोख्या संकल्पनेवर आधारलेल्या या चित्रपटात प्रेमकथेतील आजवर कधीही समोर न आलेले पैलू असलेला होय महाराजा ( Hoy Maharaja) हा चित्रपट प्रेक्षकांच्या भेटीला येणार आहे. नुकताच या चित्रपटाचा टीझर प्रदर्शित ( Teaser Release ) झाला आहे. ‘होय महाराजा’चा टीझर सोशल मीडियावर नेटकऱ्यांचं लक्ष वेधत आहे.

मतदानानंतर सुप्रिया सुळे अजितदादांच्या घरी; फडणवीस म्हणतात, ‘निवडणुकीत ‘इमोश्नल टॅक्टिक्स!’

नवनवीन प्रयोग, आशयघन कथानक आणि अनोख्या सादरीकरणाच्या बळावर मराठी चित्रपट प्रेक्षकांवर मोहिनी घालत तिकिटबारीवर चांगली कमाई करण्यात यशस्वी होत आहेत. याच वाटेने जाणारा आणखी एक प्रयोगशील सिनेमा 31 मे रोजी संपूर्ण महाराष्ट्रात प्रदर्शित होणार आहे.एलएमएस फिल्म्स प्रा. लि. या बॅनरखाली बनणाऱ्या ‘होय महाराजा’चं दिग्दर्शन शैलेश एल. एस. शेट्टी यांनी केलं आहे. ‘होय महाराजा’च्या रूपात प्रेक्षकांना कौटुंबिक मनोरंजन करणारा धम्माल विनोदी चित्रपट पाहायला मिळणार आहे.

हे माझ्या काकींचं घर; अजितदादांवर प्रश्न विचारताच सुळेंनी ठणकावून सांगितलं

या चित्रपटात प्रथमेश परब मुख्य भूमिकेत दिसणार असून, त्याच्या जोडीला मराठीतील आघाडीचे कलाकार आहेत. प्रथमेशची जोडी अभिनेत्री अंकिता ए. लांडे सोबत बनली आहे. याखेरीज अभिजीत चव्हाण, संदीप पाठक, वैभव मांगले, समीर चौघुले आदी कलाकारांचाही या चित्रपटात समावेश आहे. क्राईम-कॅामेडी असलेल्या ‘होय महाराजा’मध्ये नेमकं काय पाहायला मिळणार याची झलक टीझरमध्ये दिसते. तसेच एका रोमांचक प्रेम कहाणीला प्रासंगिक विनोद आणि सुरेल गीत-संगीताची सुरेख किनार जोडण्यात आली आहे.

संबंधित बातम्या