Prasad Khandekar: प्रसाद खांडेकरच्या आगामी सिनेमात स्वप्नीलसह अनेक कलाकारांचा कल्ला

Prasad Khandekar: नव्या वर्षासाठी प्रत्येकानेच काही ना काही संकल्प केलेला असतो. अभिनेता-दिग्दर्शक प्रसाद खांडेकर (Prasad Khandekar) यांनी ही मराठीतील (Marathi Movie) अनेक कलाकारांना एकत्र आणत नव्या वर्षात नव्या सिनेमाचा एक संकल्प केला आहे. त्यांचा हा संकल्प एका व्हिडिओच्या माध्यमातून अतिशय मजेशीररित्या त्यांनी चाहत्यांपर्यंत पोहचवला आहे.

‘या’ कलाकारांचा कल्ला: यामध्ये अभिनेता स्वप्नील जोशी,अभिनेत्री प्रार्थना बेहेरे, प्राजक्ता माळी यांच्यासह प्रसाद खांडेकर, नम्रता संभेराव, वनिता खरात, रोहित माने, ओंकार राऊत, प्रियदर्शनी इंदलकर, निखिल रत्नपारखी, सचिन गोस्वामी, चेतना भट, प्रभाकर मोरे, निखिल बने, श्याम राजपूत, श्लोक खांडेकर, प्रमोद बनसोडे, ऐश्वर्या बडदे हे कलाकार या व्हिडिओत दिसत आहेत. एकंदरीतच नव्या वर्षात चाहत्यांना मनोरंजनाची धमाल मेजवानी या सिनेमामुळे मिळणार आहे.

Prathamesh Parab: ‘डिलिव्हरी बॉय’ सिनेमात दगडू साकारणार अनोखी भूमिका

शूटिंगला लवकरच सुरुवात : ‘एकदा येऊन तर बघा’ (Ekda Yeun Tar Bagha) सिनेमाच्या जोरदार यशानंतर दिग्दर्शक प्रसाद खांडेकर यांच्या या नव्या चित्रपटाबद्दल मोठी उत्सुकता निर्माण झाली आहे. मराठी सिनेमाच्या नावाची घोषणा झाली नसली तरी चित्रीकरणाला लवकरच सुरुवात होणार आहे.

नारकर फिल्म्स अँड एंटरटेनमेंट, आयडियाज एंटरटेनमेंट, स्वर्ण पटकथा यांच्या संयुक्त विद्यमाने येणाऱ्या या चित्रपटाचे निर्माते सुनील नारकर व श्री नारकर आहेत तर परितोष पेंटर, सेजल दिपक पेंटर सहनिर्माते आहेत. चित्रपटाचे लेखन प्रथमेश शिवलकर, प्रसाद खांडेकरयांचे असून दिग्दर्शनाची धुरा प्रसाद खांडेकर यांनी सांभाळली आहे. मंदार चोळकर यांनी गीतलेखन तर रोहन-रोहन यांनी संगीत दिग्दर्शनाची जबाबदारी सांभाळली आहे.

संबंधित बातम्या