‘बाई अडलीये…म्हणूनच ती नडलीये!’ टॅगलाईन जिवंत करणारा ‘आशा’चा ट्रेलर प्रदर्शित

Marathi Film Aasha च्या जिद्दीची आणि धैर्याची स्तुती केली आहे आणि आता प्रदर्शित झालेला दमदार ट्रेलर ही उत्सुकता आणखीनच वाढवणारा ठरत आहे.

Marathi Film Aasha Trailer Release Created great curiosity among the audience : काही दिवसांपूर्वी ‘आशा’ चित्रपटाचा (Marathi Film Aasha) टीझर प्रदर्शित झाला आणि चित्रपटाच्या ‘बाई अडलीये…म्हणूनच ती नडलीये’ या प्रभावी टॅगलाईनमुळे टीझरने प्रेक्षकांमध्ये प्रचंड उत्सुकता निर्माण केली. त्यात रिंकू राजगुरू साकारत असलेली आशा सेविका सायकलवर बसून गावागावांतील लोकांपर्यंत पोहोचते, अशी काही झलक दाखवण्यात आली होती. या साध्या तरीही परिणामकारक दृश्यांनीच प्रेक्षकांच्या मनात आशाच्या प्रवासाबद्दल एक वेगळं कुतूहल निर्माण केलं.

मोदी आणि पुतिन जगातील सर्व गाड्या सोडून फॉर्च्युनरमध्ये का बसले? वाचा डिटेल्स

याच उत्सुकतेला आणखी उधाण आलं ते, नुकत्याच प्रदर्शित झालेल्या ‘चालत रहा पुढे’ या प्रेरणादायी गाण्यामुळे. आशाच्या (Marathi Film Aasha) संघर्षाला ऊर्जा देणाऱ्या या गाण्याला सोशल मीडियावर मोठा प्रतिसाद मिळत असून, अनेकांनी आशाच्या जिद्दीची आणि धैर्याची स्तुती केली आहे आणि आता प्रदर्शित झालेला दमदार ट्रेलर ही उत्सुकता आणखीनच वाढवणारा ठरत आहे. नुकताच या चित्रपटाचा ट्रेलर लाँच (Trailer Release) सोहळा आयुष्यमान भारत – मिशन महाराष्ट्र समिती अध्यक्ष डॅा. ओमप्रकाश शेटे, ज्येष्ठ साहित्यिक आणि ९९व्या आखिल भारतीय साहित्य संमेलनाचे अध्यक्ष विश्वास पाटील आणि लोढा फाउंडेशनच्या अध्यक्षा मंजू मंगलप्रभात लोढा आदी मान्यवरांसह ‘आशा’ सेविका यांच्या उपस्थितीत पार पडला.

वर्दीत दिसणार सुबोध भावे! ‘कैरी’ तील महत्त्वपूर्ण भूमिकेतून गाजवणार मोठा पडदा

महिलांच्या संघर्षांचा, त्यांच्या जिद्दीचा आणि समाजाशी सुरू असलेल्या लढ्यांचा संवेदनशील आणि वास्तववादी प्रवास ‘आशा’मधून (Marathi Film Aasha) उलगडत जातो. ट्रेलरमध्ये रिंकू राजगुरूने साकारलेल्या आशाचे अनेक पैलू दिसतात. गावोगावी लोकांच्या आरोग्याची जबाबदारी पेलणे, कुटुंबातील ताणतणावांना सामोरं जाणं, अन्यायाविरोधात ठामपणे उभे राहाणं आणि स्वतःचं ध्येय साध्य करण्याची न थकणारी धडपड. तिच्या आयुष्यातील धग, वेदना आणि तळमळ ट्रेलरमध्ये स्पष्टपणे जाणवते.

सेबीकडून ट्रेडिंग गुरूवर कारवाई! 546 कोटींची सर्वांत मोठी जप्ती करण्यात आलेले अवधूत साठे नेमके कोण?

रिंकूसह सायंकित कामत, उषा नाईक, शुभांगी भुजबळ, सुहास शिरसाट, दिशा दानडे, दिलीप घारे आणि हर्षा गुप्ते यांच्या भूमिका चित्रपटाला अधिक मजबुती देतात. सामाजिक वास्तव, महिलांवर येणारे अनेक कठोर निर्णय, भावनिक दडपण आणि अस्मितेची लढाई या सगळ्यांचा प्रभावी संगम चित्रपटात दिसणार आहे. ‘आशा’ ही केवळ एका सेविकेची कथा नाही, तर सर्व स्तरांवर दररोज लढणाऱ्या लाखो महिलांची कहाणी आहे, हेच चित्रपटाचे सर्वात मोठे वैशिष्ट्य ठरते.

ब्रेकिंग : नगरपंचायत अन् नगरपरिषदेचा निकाल 21 डिसेंबरलाच; सुप्रीम कोर्टानं मागणी फेटाळली

दिग्दर्शक दिपक पाटील म्हणतात, “‘आशा’ (Marathi Film Aasha) हा केवळ एका आरोग्य सेविकेचा प्रवास नाही. ती त्या लाखो स्त्रियांची प्रतिनिधी आहे, ज्या आयुष्यभर इतरांसाठी झिजतात, स्वतःच्या भीतींवर मात करतात आणि कुठल्याही परिस्थितीत हार मानत नाहीत. या चित्रपटातून आम्ही त्या अनामिक योद्ध्यांना प्रकाशात आणू इच्छितो. तिचं सत्य, तिचा वेदनादायी तरीही प्रेरणादायी प्रवास आम्ही प्रामाणिकपणे मांडला आहे.”

मोदींशी गळाभेट ते एकाच गाडीतून प्रवास; पुतीन यांच्या भारत दौऱ्याचे खास फोटो नक्की पाहा

दिपक पाटील दिग्दर्शित ‘आशा’चे (Marathi Film Aasha) कुमार मंगत पाठक, अभिषेक पाठक, निलेश कुवर, दैवता पाटील आणि दिपक पाटील निर्माते आहेत. तर मुरलीधर चटवानी आणि रवींद्र औटी सहनिर्माते आहेत. पॅनोरमा स्टुडिओजच्या माध्यमातून प्रदर्शित होणारा हा चित्रपट नाविन्यपूर्ण कथानक आणि वास्तववादी मांडणी घेऊन भेटीला येत आहे.‘आशा’ हा चित्रपट येत्या १९ डिसेंबर रोजी प्रेक्षकांच्या भेटीस येणार असून, टीझर, गाणं आणि ट्रेलरमुळे आधीच निर्माण झालेली उत्सुकता पाहता, हा चित्रपट प्रेक्षकांसाठी एक प्रभावी आणि भावस्पर्शी अनुभव ठरणार आहे, हे नक्की.

संबंधित बातम्या