आमिरच्या ‘सितारे ज़मीन पर’मधील खऱ्या सिताऱ्यांना भेटा; ‘सितारों के सितारे’ डॉक्युमेंट्रीचा ट्रेलर प्रदर्शित

Sitaro Ke Sitare यातून सितारे ज़मीन परमागील खऱ्या सिताऱ्यांची ओळख जगासमोर करून देण्यासाठी डॉक्युमेंट्री घेऊन येत आहेत.

Meet the real stars of Aamir’s ‘Sitare Zameen Par‘; Trailer of the documentary ‘Sitaro Ke Sitare‘ released : सितारे ज़मीन पर, जी 2007 मधील सुपरहिट तारे ज़मीन परची एक स्पिरिच्युअल सिक्वेल आहे, ही एक हृदयस्पर्शी कौटुंबिक फिल्म ठरली. या चित्रपटाला सर्व वयोगटातील प्रेक्षकांकडून भरभरून प्रेम मिळाले आणि त्याने लोकांच्या मनावर खोल ठसा उमटवला. मोठ्या पडद्यावर ब्लॉकबस्टर ठरल्यानंतरही आमिर खान यांनी एक वेगळे आणि क्रांतिकारी पाऊल उचलले.

New Insurance Bill : स्वस्त पॉलिसी, अधिक कव्हर! नव्या विमा विधेयकाचा सर्व सामान्यांना काय फायदा?

त्यांनी हा स्पोर्ट्स कॉमेडी-ड्रामा चित्रपट यूट्यूबवर केवळ ₹100 मध्ये प्रदर्शित केला आणि “जनतेचं थिएटर” सादर करत इंडस्ट्रीतील प्रचलित प्रवाहाच्या विरुद्ध एक नवा आदर्श निर्माण केला. आता, जेव्हा या चित्रपटाची कथा लाखो हृदयांना स्पर्श करून गेली आहे, तेव्हा निर्माते आणखी एक खास पाऊल उचलत आहेत. सितारे ज़मीन परमागील खऱ्या सिताऱ्यांची ओळख जगासमोर करून देण्यासाठी ते सितारों के सितारे नावाची एक डॉक्युमेंट्री घेऊन येत आहेत.

मुलगा मराठा म्हणून कारवाई नाही का?, जरांगे पाटलांनी दिल्लीत जाऊन घेतली शौर्यच्या कुटुंबाची भेट

एका अनोख्या आणि भावनिक उपक्रमांतर्गत, सितारे ज़मीन परचे निर्माते या खास डॉक्युमेंट्रीच्या माध्यमातून त्या कलाकारांची आणि त्यांच्या पालकांची कथा समोर आणत आहेत – जे या सिताऱ्यांची खरी ताकद आहेत. या डॉक्युमेंट्रीचा ट्रेलर आता प्रदर्शित झाला असून, त्यामध्ये चित्रपटातील कलाकारांच्या पालकांचे जीवन, त्यांचे संघर्ष आणि त्यांच्यासोबतचे अमूल्य क्षण यांची झलक पाहायला मिळते.

Meesho IPO चा चमत्कार, सह-संस्थापक विदित अत्रे अब्जाधीश; कमावले हजारो कोटी रुपये

जिथे चित्रपटाने प्रेक्षकांच्या हृदयाला खोलवर स्पर्श केला, तिथे ही डॉक्युमेंट्री पडद्यामागील त्या जगाची ओळख करून देते, जिथे प्रेम, त्याग, आशा आणि अभिमानाने भरलेला संपूर्ण प्रवास दडलेला आहे – आपल्या सिताऱ्यांसोबत खांद्याला खांदा लावून पुढे चालण्याची खरी कथा शानीब बख्शी यांच्या दिग्दर्शनाखाली तयार झालेली सितारों के सितारे ही डॉक्युमेंट्री 19 डिसेंबर रोजी प्रदर्शित होणार आहे. ही डॉक्युमेंट्री खास प्रेक्षकांसाठी आमिर खान टॉकीजच्या यूट्यूब चॅनेलवर उपलब्ध असेल.

दिग्पाल लांजेकर यांच्या श्री. शिवराज अष्टकातील सहावे पुष्प भेटीला; ‘रणपति शिवराय स्वारी आग्रा’ चित्रपटाचा दमदार टिझर

आमिर खान प्रोडक्शन्सने अभिमानाने 10 नवोदित कलाकार प्रेक्षकांसमोर सादर केले आहेत. यामध्ये आरुष दत्ता, गोपी कृष्ण वर्मा, सम्वित देसाई, वेदांत शर्मा, आयुष भंसाली, आशीष पेंडसे, ऋषि शाहानी, ऋषभ जैन, नमन मिश्रा आणि सिमरन मंगेशकर यांचा समावेश आहे. या चित्रपटाचे दिग्दर्शन आर. एस. प्रसन्ना यांनी केले असून, त्यांनी यापूर्वी शुभ मंगल सावधानसारखा गाजलेला आणि वेगळ्या धाटणीचा चित्रपट दिला आहे. आता ते आमिर खान प्रोडक्शन्ससोबत सितारे ज़मीन पर या आतापर्यंतच्या त्यांच्या सर्वात मोठ्या सहकार्यासह परतले आहेत.

Pune News : दक्षिण पुण्यात सावंत विहार येथे विकासकामांचा भव्य लोकार्पण सोहळा संपन्न

आमिर खान प्रोडक्शन्सच्या बॅनरखाली तयार झालेल्या सितारे ज़मीन परमध्ये आमिर खान आणि जेनेलिया डिसूझा प्रमुख भूमिकेत दिसतात, तसेच 10 नवोदित कलाकारही चित्रपटाचा भाग आहेत. चित्रपटातील गीते अमिताभ भट्टाचार्य यांनी लिहिली असून संगीत शंकर–एहसान–लॉय यांनी दिले आहे. चित्रपटाची कथा दिव्य निधी शर्मा यांनी लिहिली आहे. याचे निर्माते आमिर खान आणि अपर्णा पुरोहित आहेत, तर बी. श्रीनिवास राव आणि रवि भगचंदका सह-निर्माते आहेत. आर. एस. प्रसन्ना यांच्या दिग्दर्शनाखाली तयार झालेला हा चित्रपट 20 जून 2025 रोजी चित्रपटगृहांत प्रदर्शित झाला होता.

संबंधित बातम्या