‘शेतकरी एक ब्रॅण्ड म्हणून जन्माला येणारे!’, ‘नवरदेव (Bsc Agri)’चा धमाकेदार ट्रेलर रिलीज
- Written By: Digambar Jadhav Published:
Navardev Bsc Agri Trailer Release: शेतकरी राजाची मातीशी असणारी घट्ट नाळ, त्याच मातीतून पीक उगवण्याची तळमळ आणि त्याच शेतीमुळे त्याचं न जमणारं लग्न… याच विषयाला हात घालणारा चित्रपट ‘नवरदेव (Bsc Agri)’ (Navardev Bsc Agri ) 26 जानेवारीला प्रदर्शित होतोय. (Marathi Movie) नुकतेच या चित्रपटाचे ट्रेलर प्रदर्शित झाले. या दमदार ट्रेलरला प्रेक्षकांचा प्रतिसादही दमदारच मिळतोय.
तरूण शेतकऱ्याच्या भूमिकेतील क्षितीश दाते पहिल्यांदाच प्रमुख भूमिकेत झळकणार आहे. तर त्याच्या साथीला प्रियदर्शिनी इंदलकर, नवरी म्हणून त्याला मिळणार की नाही, हे चित्रपटगृहात जाऊनच बघावं लागणार आहे. बी. एस. सी. अॅग्री केलेल्या महत्त्वाकांक्षी राजवर्धनला लग्नासाठी कोणकोणत्या अडचणींना सामोरं जावं लागतं, त्याला नवरी मिळते की नाही, याची कथा या चित्रपटातून बघायला मिळणार आहे.
आपला अन्नदाता म्हणजेच शेतकरी, तंत्रज्ञानाने कितीही विकसित झाला, कितीही प्रगत शेती केली, तरीही आज त्याला लग्नासाठी मुलगी मिळणं अवघड झालंय. चित्रपटातील तरूण शेतकरी गावकऱ्यांना एकत्र करुन प्रगत शेती करतोय, जिद्दीने लढायला शिकवतोय. मात्र, असे असूनही नवरीचे आई-वडिल नोकरदार मुलांनाच आपल्या मुली देऊ इच्छितात. या सगळ्या अडचणींवर मात करत, शेतकरी राजवर्धन नवरीच्या मनात मळा फुलवणार का हे थिएटरमध्ये जाऊनच बघावं लागेल!
दिग्दर्शक राम खाटमोडे यांनी अगदी योग्य पद्धतीने भाष्य करत हा विषय किती महत्त्वाचा आहे हे दाखवून दिले आहे. तर काही दिवसांपूर्वी रिलीज झालेलं या चित्रपटातील ‘लाल चिखल’ हे रॅप नेटकऱ्यांनी डोक्यावर घेतलं! याचे शब्द आणि लय ही मनाला पिळवटून टाकणारी आहे.
Bollywood Vs South बॉक्स ऑफिसवर लवकरच ‘पुष्पा 2’ अन् ‘सिंघम 3’मध्ये होणार कांटे की टक्कर
अभिनेता क्षितीश दाते या चित्रपटात तरूण शेतकऱ्याच्या भूमिकेत दिसेल, त्यासोबतच प्रविण तरडे, प्रियदर्शिनी इंदलकर, मकरंद अनासपुरे, गार्गी फुले, रमेश परदेशी, हार्दिक जोशी, नेहा शितोळे, संदीप पाठक, तानाजी गळगुंडे, विनोद वणवे अशा उत्तम कलाकारांची मांदियाळी या चित्रपटात पाहायला मिळेल. एका गंभीर सामाजिक प्रश्नाला हलक्या-फुलक्या पद्धतीत प्रेक्षकांसमोर ठेवण्याचे काम या चित्रपटाची टीम करत आहे.
आर्यन्स एज्युटेन्मेंट प्रस्तुत, मिलिंद लडगे निर्मित आणि राम खाटमोडे लिखित दिग्दर्शित नवरदेव या चित्रपटाचे क्रिएटीव्ह दिग्दर्शक विनोद वणवे हे आहेत, तर विनोद सातव हे क्रिएटीव्ह हेड आहेत. हा चित्रपट २६ जानेवारीला महाराष्ट्रभरात प्रदर्शित होणार आहे.
संबंधित बातम्या
Sarfira: प्रत्येकाच्या लग्नात वाजणार, सगळे नाचणार, खिलाडी कुमारचं ‘चावट’ गाणं प्रदर्शित
