Box Office Collection : ‘मिस्टर अँड मिसेज माही’ गाजवतोय बॉक्स ऑफिसचं मैदान; जाणून घ्या कलेक्शन…
- Written By: Digambar Jadhav Published:
Mr and Mrs Mahi Box Office collection day 7: जान्हवी कपूरचा (Janhvi Kapoor) चित्रपट ‘मिस्टर अँड मिसेस माही’ (Mr and Mrs Mahi ) रिलीज होऊन एक आठवडा झाला आहे. या चित्रपटात ती दुसऱ्यांदा राजकुमार रावसोबत (Raj Kumar Rao) दिसली आहे. एकीकडे दोघांची केमिस्ट्री लोकांना पसंत पडत असताना दुसरीकडे या चित्रपटाला बॉक्स ऑफिसवर चांगला प्रतिसाद मिळत नसल्याचे पाहायला मिळत आहे. सध्याच्या वातावरणात आलेल्या या चित्रपटावर निवडणुकीचे वातावरण दिसत आहे. चित्रपटाला चांगली सुरुवात झाली पण त्यानंतर त्याच्या कलेक्शनमध्ये मोठी घट झाली. या चित्रपटाने रिलीजच्या पहिल्या आठवड्यात किती कमाई केली चला तर मग जाणून घेऊया…
View this post on Instagram
पहिल्याच आठवड्यात वातावरण तयार करण्यात अपय़शी
विश्वचषक सुरू झाला असून भारताने पहिला सामना जिंकला आहे. पण जान्हवी कपूरचा क्रिकेटवरचा चित्रपट अजून वातावरण तयार करू शकलेला नाही. चित्रपट प्रदर्शित होऊन एक आठवडा उलटून गेला असून अद्यापही चित्रपट फारशी कमाल करू शकलेला नाही. रिलीजच्या पहिल्या वीकेंडमध्ये या चित्रपटाने जवळपास 16-17 कोटींची कमाई केली होती. मात्र आठवड्याच्या दिवसात कमाई करण्यासाठी हा चित्रपट धडपडत असल्याचे दिसते. सातव्या दिवशी म्हणजेच गुरुवारी चित्रपटाने केवळ 1.75 कोटींची कमाई केली. चित्रपटाचे हे 7 दिवसातील सर्वात कमी कलेक्शन आहे.
चित्रपटाची कमाई आता 7 दिवसांत 24.45 कोटींवर पोहोचली आहे. चित्रपटाचे बजेट जवळपास 40 कोटी आहे. अशा परिस्थितीत, चित्रपटाला आपले बजेट पूर्ण करण्यासाठी अद्याप 15 कोटींची कमाई करावी लागणार आहे. कार्तिक आर्यनचा ‘चंदू चॅम्पियन’ पुढच्या आठवड्यात येत आहे. अशा परिस्थितीत, चित्रपटाकडे 7 दिवसांचा वेळ आहे, ज्या दरम्यान तो त्याचे बजेट तयार करू शकतो. चित्रपटासाठी पहिला वीकेंड चांगला होता, आता दुसऱ्या वीकेंडला देखील चांगले कलेक्शन करावे लागणार आहे.
Mr And Mrs Mahi ओटीटीवर होणार रिलीज; कधी आणि कोणत्या प्लॅटफॉर्मवर पाहता येणार चित्रपट? जाणून घ्या
निवडणुकीच्या वातावरणामुळे हाणामारी
खरंतर हा चित्रपट क्रिकेटच्या वातावरणात प्रदर्शित झाला आहे पण या चित्रपटाचे दुर्दैव हे की या दरम्यान निवडणुकीचेही वातावरण आहे. अशा परिस्थितीत निवडणुकीचे वातावरण आणि क्रिकेटचे वातावरण यांच्यातील संघर्ष या चित्रपटाचे नुकसान करत आहे. आता दुसऱ्या वीकेंडमध्ये हा चित्रपट किती कमाई करतो हे पाहायचे आहे.
संबंधित बातम्या
ओम राऊतच्या ‘तानाजी’ नंतर मराठी दिग्दर्शकाची मोठी झेप; 16 दिवसांत ‘मुंज्या’ची 100 कोटींच्या क्लबमध्ये एन्ट्री
