अख्खी इंडस्ट्री पूनमच्या विरोधात असताना दिग्दर्शकाने दिला पाठिंबा, अन् स्वत:च झाला ट्रोल
- Written By: Digambar Jadhav Published:
Poonam Pandey: अभिनेत्री पूनम पांडे (Poonam Pandey) सध्या चांगलीच चर्चेत आहे. अलीकडेच अभिनेत्रीच्या पीआर टीमने तिच्या इंस्टाग्रामवर (Instagram) एक पोस्ट शेअर केली आहे. ज्यामध्ये पूनम पांडेचा मृत्यू गर्भाशयाच्या मुखाच्या कर्करोगामुळे झाल्याचे सांगण्यात आले होते. 3 फेब्रुवारीला पूनम पांडेने एक व्हिडिओ जारी करून चाहत्यांना ती ‘जिवंत’ असल्याची माहिती दिली. पूनम पांडेने सर्व्हायकल कॅन्सरबद्दल (cervical cancer) लोकांना जागरूक करण्यासाठी हे केले पण अनेकांनी सांगितले की प्रसिद्धीसाठी मृत्यूची खोटी बातमी पसरवणे योग्य नाही. यानंतर तिला सोशल मीडियावर (Social media) प्रचंड ट्रोल केले जात आहे.
सर्वसामान्यांपासून ते सर्वच सेलिब्रिटींनी तिला ट्रोल करताना दिसत आहेत. राहुल वैद्य, अली गोनी आणि विवेक अग्निहोत्री यांसारख्या अनेक स्टार्सनीही त्यांच्यावर टीका केली. मात्र, या सगळ्यामध्ये एक फिल्मस्टार देखील आहे ज्याने पूनमचे समर्थन केले आहे. ते दुसरे तिसरे कोणी नसून प्रसिद्ध चित्रपट निर्माते राम गोपाल वर्मा आहेत. त्यांनी पूनमल पांडेला सपोर्ट करणारी एक पोस्ट शेअर केली आहे.
राम गोपाल वर्मा यांनी काय लिहिले? पूनमचे कौतुक करताना, राम गोपाल वर्माने (Ram Gopal Verma) सोशल मीडिया प्लॅटफॉर्मवर पोस्ट केली, या फसवणुकीतून तुम्हाला काय मिळालं नाही… गर्भाशयाच्या मुखाच्या कर्करोगाची चर्चा सध्या सर्वत्र रंगत आहे. तुमचा आत्मा तुमच्यासारखाच सुंदर आहे. मी तुम्हाला दीर्घ आणि आनंदी आयुष्यासाठी शुभेच्छा देतो.
Urmila Matondkar: ‘त्या’ एका चुकीमुळं लागला अभिनेत्री उर्मिला मातोंडकरच्या करिअरला ब्रेक!
लोकांनी चित्रपट निर्मात्याला फटकारले: पूनम पांडेसोबतच त्यांनी राम गोपाल वर्मालाही त्यांच्या ट्विटवर ट्रोल करण्यास सुरुवात केली आहे. एका युजरने लिहिले, ‘हे अतिशय लाजिरवाणे कृत्य आहे.’ दुसऱ्याने लिहिले, ‘सर, केवळ तुम्हीच अशा स्तरावरील प्रमोशनचे कौतुक करू शकता.’ तर दुसरा म्हणाला की, ‘उद्या मी बँक लुटणार आणि पकडले गेल्यावर तुम्हाला सांगेन. मी म्हणेन की मी लोकांना सुरक्षेबाबत जागरुक करत होते. पूनम पांडेच्या मृत्यूची बातमी सोशल मीडियावर मोठ्या प्रमाणात पसरली. लोकांनी तिला श्रद्धांजली वाहिली, तर टीव्हीपासून बॉलिवूड सेलिब्रिटींपर्यंत सर्वांनीच पूनम पांडेला श्रद्धांजली वाहिली. मात्र जेव्हा ती जिवंत असल्याचे लोकांना समजले तेव्हा त्यांनी त्याला ट्रोल करण्यास सुरुवात केली.
संबंधित बातम्या
Sushant Singh Rajput : सुशांतच्या मृत्यूप्रकरणात करणी सेनेची एन्ट्री; सीबीआयला दिला थेट इशारा
