झी सिने अवॉर्ड्समध्ये ‘मिसेस चॅटर्जी वर्सेज नॉर्वे’साठी राणी मुखर्जीला सर्वोत्कृष्ट अभिनेत्रीचा पुरस्कार
- Written By: Digambar Jadhav Published:
Rani Mukherjee Zee Cine Award: मिसेस चॅटर्जी वर्सेज नॉर्वे मधील (Mrs Chatterjee vs Norway) तिच्या उत्कृष्ट अभिनयासाठी प्रचंड समीक्षक आणि व्यावसायिक प्रशंसा मिळविणारी बॉलिवूडची (Bollywood) आयकॉन राणी मुखर्जीला (Rani Mukherjee) नुकत्याच झालेल्या झी सिने अवॉर्ड्समध्ये (Zee Cine Award) सर्वोत्कृष्ट अभिनेत्रीचा पुरस्कार मिळाला. राणीने तिच्या ‘मिसेस चॅटर्जी वर्सेज नॉर्वे’ या चित्रपटासाठी हा पुरस्कार जिंकला, तिने एका उत्साही स्त्रीची भूमिका केली, जी आपल्या मुलांना परत मिळवण्यासाठी देशाचा सामना करते.
अभिनेत्रीचा हा सिनेमा बॉक्स ऑफिसवर (box office) जबरदस्त हिट ठरला आणि हा विश्वास परत आणला की कंटेंट सिनेमा लोकांना महामारीनंतरच्या जगात थिएटरकडे खेचू शकतो. राणीने जगभरातील मोठ्या पडद्यावर धमाल सुरूच ठेवली आहे. रेड कार्पेटवर सॅटिन ब्राऊन रंगाच्या साडीत राणी खूपच सुंदर दिसत होती. तिने एक जबरदस्त डायमंड नेकलेस, खुले केस आणि न्यूड मेकअपसह तिचा लूक पूर्ण केला.
पुरस्कार मिळाल्यावर राणी म्हणाली, “हा पुरस्कार माझ्यासाठी खूप खास आहे. हे माझे इंडस्ट्रीतील 27 वे वर्ष आहे आणि माझ्या कामाचा गौरव आणि सन्मान होत आहे हे पाहून बरे वाटते. एमसीवीएन (MCVN ) हा चित्रपट खूप खास आहे कारण तो एका आईची आणि तिच्या ताकदीची कथा आहे. ही कथा मोठ्या प्रेक्षकांपर्यंत पोहोचेल याची खात्री करणे माझ्यासाठी महत्त्वाचे होते, कारण ही प्रत्येक भारतीय स्त्रीची, प्रत्येक आईची कथा आहे. मी विशेषतः माझ्या दिग्दर्शिका आशिमा छिब्बरचे आभार मानू इच्छिते ज्यांनी माझ्याद्वारे ही कथा मोठ्या प्रेक्षकांपर्यंत पोहोचवली.
Oscar 2024: एकदा नाही तर दोनदा जिंकला राजामौलीच्या ‘RRR’ने ऑस्कर, मोडला मोठा रेकॉर्ड
आशयाचे चित्रपट चित्रपटगृहांमध्ये प्रदर्शित होत नसताना, अशा वेळी माझ्या पाठीशी उभे राहून या चित्रपटाला पाठिंबा दिल्याबद्दल मी माझे निर्माते झी स्टुडिओ – शारिक, भूमिका आणि एम्मा एंटरटेनमेंट – निखिल, मधु, मोनिशा यांचे आभार मानू इच्छिते. या चित्रपटाच्या निर्मितीत मोठे योगदान देणाऱ्या एस्टोनियन क्रूचेही मी आभार मानू इच्छिते. 2023 हे चित्रपटसृष्टीसाठी महत्त्वाचे वर्ष ठरले आहे कारण MCVN सारख्या चित्रपटांना प्रेक्षकांकडून प्रचंड आदर आणि प्रेम मिळाले आहे. तुमच्या प्रेमाचेच फळ आहे की मला हा सन्मान मिळाला आहे. आमचे सहकारी आणि प्रेक्षकांच्या प्रेमामुळे आम्हाला पुरस्कार मिळतात. MCVN ला इतकं प्रेम दिल्याबद्दल पुन्हा एकदा मनापासून धन्यवाद. मी खूप खूप आभारी आहे.
संबंधित बातम्या
फिल्मफेअरमध्ये ‘आत्मपॅम्फ्लेट’ आणि ’बापल्योक’चा जलवा; पहा विजेत्यांची संपूर्ण यादी
