Singham Again: पुन्हा एकदा दिसला सिंघमचा जलवा; रिलीज आधीच झाली ‘इतक्या’ कोटींची कमाई!

Singham Again Deal: बॉलिवूड (Bollywood) सुपरस्टार अजय देवगणच्या (Ajay Devgan) ‘सिंघम अगेन’ (Singham Again Movie) या चित्रपटाची चाहते आतुरतेने वाट पाहत आहेत. यंदाच्या दिवाळीच्या मुहूर्तावर हा चित्रपट प्रदर्शित होणार आहे. या मल्टीस्टारर चित्रपटाबद्दल प्रेक्षकांची उत्सुकता वाढत आहे. दरम्यान, सिंघम अगेनशी (Singham Again Deal) संबंधित एक मोठी बातमी समोर येत आहे.

सिंघम अगेनची चर्चा (Singham Again Movie) रिलीज होण्याआधीच होत आहे. हा चित्रपट मोठ्या पडद्यावर येण्यासाठी सज्ज झाला आहे. दरम्यान, एक मोठी आणि महत्त्वाची माहिती समोर आली आहे. सिंघम अगेनसाठी बिगर थिएटरचा करार करण्यात आला आहे. ज्याद्वारे चित्रपटाने रिलीजपूर्वी करोडो रुपयांची कमाई केली आहे.

 

View this post on Instagram

 

A post shared by Rohit Shetty (@itsrohitshetty)

रिलीजपूर्वी 200 कोटींची कमाई

अजय देवगणच्या ‘सिंघम अगेन’ या चित्रपटाने रिलीजपूर्वीच तब्बल 200 कोटींची कमाई केली आहे. चित्रपटाचे डिजिटल आणि संगीत हक्क 200 कोटी रुपयांना विकले गेले आहेत. पिंकविलाच्या अहवालानुसार, निर्मात्यांनी एकत्रितपणे सॅटेलाइट, डिजिटल आणि संगीत हक्क विकले आहेत.

निर्मितीशी संबंधित एका सूत्राने सांगितले की, ‘अजय देवगण आणि रोहित शेट्टीसाठी हा सर्वात मोठा बिगर थिएटर करार आहे. रोहित शेट्टीच्या चित्रपटांना प्रेक्षकांच्या प्रचंड मागणीमुळे सॅटेलाइट प्लेयर्सकडून नेहमीच मोठी रक्कम मिळाली आहे. त्याचवेळी, डिजिटल प्लेयर्सने सिंघम अगेनला प्रीमियम किंमत देखील दिली आहे. या चित्रपटात फीचर फिल्मसाठी सर्वात मोठ्या कलाकारांचा सेटअप आहे.

बजेटमधील 80 टक्के वसुली

‘सिंघम अगेन’चे दिग्दर्शन रोहित शेट्टीने केले आहे. सिंघम अगेनच्या निर्मात्यांनी 250 कोटी रुपयांचे बजेट तयार केले आहे. 200 कोटींचा नॉन-थिएटर डील मिळाल्यामुळे, रोहित आणि अजय देवगणच्या चित्रपटाने बजेटच्या 80 टक्के रक्कम वसूल केली आहे.

Singham Again: ‘सिंघम अगेन’ क्लायमॅक्स रिलीजपूर्वीच लीक? रोहित शेट्टीने सांगितले सत्य

सिंघमची पुन्हा दमदार भूमिका

सिंघम अगेनमध्ये अजय देवगण महत्त्वाच्या भूमिकेत आहे, तर करीना कपूर खान, रणवीर सिंग, अक्षय कुमार, दीपिका पदुकोण, टायगर श्रॉफ, आशुतोष राणा, दयानंद शेट्टी आणि श्वेता तिवारी देखील या चित्रपटाचा भाग आहेत. अभिनेता अर्जुन कपूर खलनायकाच्या भूमिकेत दिसणार आहे.

संबंधित बातम्या