अमेरिकेत मराठी चित्रपटाचा डंका, ‘स्वरगंधर्व सुधीर फडके’चे शंभर शोज ‘हाऊसफुल्ल’
- Written By: Digambar Jadhav Published:
Swargandharva Sudhir Phadke: ‘गीतरामायणा’ला स्वरसाज देणारे संगीतकार, गायक सुधीर फडके म्हणजेच आपल्या सर्वांचे लाडके बाबूजी यांची जीवनगाथा सांगणारा ‘स्वरगंधर्व सुधीर फडके’ (Swargandharva Sudhir Phadke) चित्रपट काही दिवसांपूर्वीच प्रेक्षकांच्या भेटीला आला. प्रेक्षकांची पसंती मिळवण्यात हा चित्रपट यशस्वीही झाला. (Marathi Movie) फक्त प्रेक्षकच नाही तर श्रीधर फडके, आशा भोसले यांच्यासह मनोरंजनसृष्टीतील अनेक मान्यवरांनी या सिनेमाचे तोंडभरून कौतुक केले. समीक्षकांनीही ‘स्वरगंधर्व सुधीर फडके’ला आपली पसंती दर्शवली. चोहोबाजुंनी असा कौतुकाचा वर्षाव होत असतानाच परदेशातही या चित्रपटाला उत्स्फूर्त प्रतिसाद मिळत आहे.
अमेरिकेत या चित्रपटाचे 100शोज ‘हाऊसफुल’च्या दिशेने वाटचाल करत आहेत तर चित्रपटाला अनेकांनी 5 स्टार्स दिले आहेत. त्यामुळे हा सिनेमा ग्लोबलीही ‘सुपरहिट’चे बिरुद मिरवत आहे. इतकेच नाही तर हा चित्रपट दुबई, लंडन आणि जर्मनीमध्येही रिलीज होणार आहे.
या यशाबद्दल दिग्दर्शक योगेश देशपांडे म्हणतात की, ‘परदेशात चित्रपट प्रदर्शित होण्यापूर्वीच काही शोज हाऊसफुल्ल झाले होते. महाराष्ट्रात उत्तम प्रतिसाद मिळत असतानाच परदेशातील प्रेक्षकही इतके प्रेम या चित्रपटावर करत आहेत, हे खरंच भारावणारे आहे. बाबूजी हे नावच इतके मोठे आहे की, त्यांची ख्याती जगभरात आहे. आजही त्यांची गाणी अजरामर आहेत. तरुणाईही त्यांची गाणी तितक्याच आत्मीयतेने ऐकते. सिनेमाबद्दल अनेकांच्या प्रतिक्रिया येत आहेत. सगळ्याच कलाकारांचे कौतुक होत आहे. एका टीमला यापेक्षा जास्त काय हवे. मी सगळ्याच प्रेक्षकांचा मनापासून आभारी आहे.
कोरोनात टक्केवारी खाणाऱ्या मराठी माणसाचं समर्थन करणार का? रेणुका शहाणेंवर चित्रा वाघ संतापल्या..
सौरभ गाडगीळ प्रस्तुत रिडिफाईन प्रॉडक्शन्स निर्मित या चित्रपटाचे सौरभ गाडगीळ आणि योगेश देशपांडे निर्माते आहेत. तर चित्रपटाची कथा, पटकथा, संवाद आणि दिग्दर्शन योगेश देशपांडे यांचे आहे. ‘स्वरगंधर्व सुधीर फडके’ या चित्रपटात सुनील बर्वे, मृण्मयी देशपांडे, सागर तळाशीकर, मिलिंद फाटक, आदिश वैद्य, सुखदा खांडकेकर, अपूर्वा मोडक, अविनाश नारकर, शरद पोंक्षे, उदय सबनीस, चिन्मय पटवर्धन, निखिल राऊत, विभावरी देशपांडे, धीरेश जोशी, परितोष प्रधान यांच्या मुख्य भूमिका आहेत.
संबंधित बातम्या
Ashtapadi: ‘अष्टपदी’ चित्रपटाचं चित्रीकरण पूर्ण, अभिनेता संतोष जुवेकरसह अनेक कलाकार झळकणार…
