live now

LIVE : अमेरिका इस्त्रायल हल्ल्यात इराणचे सर्वोच्च नेते ठार; नव्या नेत्याची घोषणा, युद्ध पेटलं, पाहा अपडेट

डोनाल्ड ट्रम्प यांच्या हत्येसाठी इराणकडून फतवा जारी

युद्धादरम्यान डोनाल्ड ट्रम्प यांच्या हत्येसाठी इराणकडून फतवा जारी करण्यात आला आहे. इराणच्या पवित्र जामकरन मशिदीवर लाल ध्वज फडकावण्यात आला आहे. खामेनेईंच्या मृत्यूचा बदला घेण्यासाठी ध्वज फडकावला आहे. दरम्यान इराणकडून आता ओमानच्या बंदरावर ड्रोन हल्ला करण्यात आला आहे.

खामेनेई यांच्या मृत्यूनंतर पाकिस्तानमधील शिया समुदाय आक्रमक

खामेनेई यांच्या मृत्यूनंतर पाकिस्तानमधील शिया समुदाय आक्रमक झाला आहे. पाकिस्तानात निदर्शनं केली जात असून जमावानं UN च्या कार्यालयाला आग लावली आहे. इराणचे सर्वोच्च नेते अयातुल्लाह अली खामेनेई यांचा मृत्यू झाला आहे.

नेपाळहून ओमानला जाणाऱ्या महिला मुंबई विमानतळावर अडकल्या

नेपाळहून ओमानला जाणाऱ्या महिला मुंबई विमानतळावर पोहोचल्या होत्या. पण त्यांची फ्लाइट रद्द झाल्यामुळे त्या कालपासून मुंबई विमानतळावर अडकल्या आहेत. या सर्व नेपाळी महिला नोकरीसाठी ओमानला जात होत्या, पण आता त्या जाऊ शकणार नाहीत. या सर्व नेपाळी महिला संध्याकाळच्या विमानाने नेपाळला परतणार आहेत.

आयातुल्ला अली खामेनेई यांच्या मृत्यूनंतर इराणी मीडियाकडून व्हिडीओ जारी

इराणचे सर्वोच्च नेते आयातुल्ला अली खामेनेई यांच्या मृत्यूनंतर इराणी मीडियाकडून व्हिडीओ जारी करण्यात आला आहे. बलिदान व्यर्थ जाणार नाही, किंमत मोजावी लागेल, असा इशारा देण्यात आला आहे.

इराणला ट्रम्प यांचा निर्वाणीचा इशारा

इराणने जर आमच्या लष्करी, नौदल तळावर हल्ले केले तर मग इतके हल्ले करू की त्याची इराणी लष्कराने कल्पना केली नसेल असा निर्वाणीचा इशारा डोनाल्ड ट्रम्प यांनी सोशल मीडियावरून दिली आहे. त्यामुळे आज इराणवर मोठे हल्ले होण्याची भीती व्यक्त केली जात आहे.

इराणमध्ये दोन गट भिडणार?

एकीकडे इराणमध्ये खोमेनी यांच्या मृत्यूने त्यांचे लाखो समर्थक रस्त्यावर उतरले आहेत. तेहरान आणि इतर शहरात मोठ्या प्रमाणात निदर्शने करण्यात येत आहेत. तर त्याचवेळी काही शहरांमध्ये खोमेनी यांचे पुतळे पाडून आनंद साजरा करण्यात येत आहे. त्यामुळे इराणमध्ये दोन गट लवकरच भिडतील आणि अशांतता माजण्याची शक्यता वर्तवली जात आहे.

कराचीमध्ये अमेरिकन दुतावासाची तोडफोड

पाकिस्तानचे व्यापारी शहर कराचीमध्ये अमेरिकन दुतावासाची तोडफोड करण्यात आली. इराणवरील हल्ल्याचा निषेध म्हणून पाकिस्तानमधील नागरिक रस्त्यावर उतरले आहे. इस्लामाबादमधील दुतावासाला संरक्षण देण्यात आल्याचे वृत्त समोर येत आहे. नागरिकांनी कराचीमधील अमेरिकन दुतावासाला आग लावली आणि तिथल्या गाड्याही जाळल्या.

चीफ ऑफ स्टाफचा मृत्यू

अब्दोल रहीम मौसवी या इराणच्या चीफ ऑफ स्टफचा मृत्यू झाल्याचे वृत्त समोर येत आहे. इराणमध्ये अमेरिका-इस्त्रायलकडून हल्ले सुरू आहे. एका हल्ल्यात चीफ ऑफ स्टाफचा मृत्यू झाला. इराणच्या लष्कराला एकामागून एक धक्के बसत आहेत. त्यांचे अनेक नेते ठार झाले आहेत.

पुतळे पाडण्यास सुरुवात

खोमेनी यांच्या मृत्यूनंतर त्यांचे विरोधक आणि अनेक नागरिक शहरातील रस्त्यावर उतरले. त्यांनी खोमेनी यांचे पुतळे पाडण्यास सुरुवात केली आहे. अनेक मुस्लिम महिलांनी आनंद साजरा केला. त्यामुळे इराणमध्ये लवकरच यादवी पेटण्याची भीती व्यक्त होत आहे.

एंगेलाब चौकात निदर्शने

खोमेनी यांच्या निधनानंतर इराणमध्ये शोकाकूल वातावरण आहे. त्यांचे समर्थक आणि नागरिक मोठ्या संख्येने रस्त्यावर उतरले आहेत. राजधानी तेहरानमधील एंगेलाब चौकात निदर्शने करण्यात आली. अनेक नागरीक शोक व्यक्त करत आहेत. अमेरिकेच्या हल्ल्याचा निषेध करण्यात येत आहे.

इराणला चोख प्रत्युत्तर द्या-डोनाल्ड ट्रम्प

इराणने अमेरिकेच्या लष्करी तळावर पुन्हा हल्ले चढवले. अमेरिका आणि इस्त्रायलला धडा शिकवू असा इशारा इराणच्या NSA ने दिला आहे. त्यावर आता इराणला चोख प्रत्युत्तर द्या असे डोनाल्ड ट्रम्प यांनी लष्कराला आदेश दिले आहे.

इराकच्या इबलिस विमानतळावर हल्ला

इस्त्रायलने इराणच्या अनेक विमानतळांवर हल्ले केले आहेत. इराणचे इबलिस विमानतळ उद्धवस्त झाल्याची माहिती समोर येत आहे. इस्त्रायलने इराणची अनेक विमानतळे उद्धवस्त केल्याची माहिती समोर आली आहे.

तेल अवीववर भीषण हल्ला

इस्त्रायल आणि इराणमध्ये सध्या युद्ध पेटले आहे. दोन्ही देश एकमेकांच्या महत्त्वाची ठिकाणे उद्धवस्त करताना दिसत आहेत. आता इस्त्रायलने इराणच्या थेट तेल अवीववर हल्ला केला आहे.

अमेरिका इराण युद्धाचा थेट परिणाम

अमेरिका इराण युद्धाचा थेट परिणाम देशातील हवाई वाहतूकवर झाला आहे. पुण्यातून आखाती देशात जाणारी अनेक विमाने रद्द करण्यात आले आहे. दरम्यान, आखातात होणारी विमान वाहतूक सध्या संपूर्णतः थांबवण्यात आली आहे ही विमानसेवा कधी सुरू होणार याबाबत अद्यापही अनिश्चितता आहे.

खामेनेई यांच्या निधनानंतर मस्जिदवरील ध्वज काळा करण्यात आला

इराणचे सर्वोच्च नेते खामेनेई यांच्या निधनाबद्दल शोक व्यक्त करण्यासाठी इमाम रझा मस्जिदवरील ध्वज काळा करण्यात आला.

इराणसोबत चर्चा करणं आता सोपं झालं

इराणसोबत चर्चा करणं आता सोपं झालं. खामेनींच्या मृत्यूनंतर डोनाल्ड ट्रम्प यांची प्रतिक्रिया. इराणचा कारभार चालवण्यासाठी 3 जणांची समिती स्थापन. राष्ट्रपती, सरन्यायाधीश यांचा समितीत समावेश.

पुण्यातील 80 विद्यार्थी दुबईत अडकले

इस्त्राईल आणि इराण यांच्यात वाढलेल्या युद्धजन्य तणावाच्या पार्श्वभूमीवर आखाती देशांमधील हवाई वाहतूक तात्पुरती बंद करण्यात आली आहे दुबईमध्ये गेलेले अनेक भारतीय नागरिक विद्यार्थी अडकले असून ते परतीच्या प्रतीक्षेत आहेत पुण्यातील 80 विद्यार्थी देखील दुबईत अडकले असून हवाई वाहतूक सुरळीत झाल्यानंतर या विद्यार्थ्यांसह अन्य नागरिकांचा परतीचा मार्ग मोकळा होणार आहे.

अमेरिकेला याची किंमत मोजावी लागणार

सर्वोच्च नेते गमावल्याचं आम्हाला दु:ख… अमेरिकेला याची किंमत मोजावी लागणार… सर्वात मोठा प्रतिहल्ला करणार… खामेनींच्या मृत्यूनंतर इराणचा इशारा…

इस्रायलच्या IDF मुख्यालयावर इराणचा हल्ला

इस्रायलच्या IDF मुख्यालयावर इराणचा हल्ला करण्यात आला आहे.

इराणच्या हल्ल्याचा कतारकडून निषेध व्यक्त

इराणच्या हल्ल्याचा कतारकडून निषेध व्यक्त…इराणला योग्य उत्तर दिलं जाईल…कतारचा इराणला इशारा…

भारतातील ड्रायफ्रूट आयात धोक्यात

अमेरिका इराण आणि इस्रायलमधील तणावामुळे भारतातील ड्रायफ्रूट आयात धोक्यात.. एपीएमसी वाशी, क्रॉफर्ड मार्केट, मस्जिद बंदर, मालाडमध्ये दरवाढीची चर्चा.. मिठाई, हॉटेल, बेकरी, केटरर्स आणि फूड इंडस्ट्रीला मोठा फटका बसण्याची शक्यता..

आयातुल्ला खामेनी यांच्या निधनानंतर त्यांचे पुत्र मोजतबा इराणचे सर्वेसर्वा

​वडिलांच्या मृत्यूनंतर मोजतबा यांनी तात्काळ इराणच्या धार्मिक आणि लष्करी यंत्रणेवर नियंत्रण मिळवले.

त्यांना 'रिव्होल्युशनरी गार्ड्स'चा (IRGC) पूर्ण पाठिंबा

मोजतबा हे त्यांच्या वडिलांपेक्षाही अधिक कठोर आणि जहाल विचारांचे मानले जातात.

पदभार स्वीकारताच त्यांच्याकडून इस्रायल आणि अमेरिकेविरुद्ध "अंतिम युद्धाची" घोषणा.

दुबई आणि इतर आखाती देशांवरील ताज्या क्षेपणास्त्र हल्ल्यांमागे मोजतबा यांचेच आदेश असल्याचे मानले जात आहे.

त्यांनी अमेरिकन तळांना लक्ष्य करण्याचे स्पष्ट संकेत दिले आहेत.

मोजतबा यांच्या नेतृत्वाखाली इराण आपला अण्वस्त्र कार्यक्रम अधिक आक्रमकपणे राबवणार.

अयातुल्लाह खामेनींचा मृत्यू, अमेरिकेत जल्लोष

इराणचे सर्वोच्च नेते अयातुल्लाह खामेनींचा अमेरिका आणि इस्रायलने केलेल्या हवाई हल्ल्यात मृत्यू.. वॉशिग्टन डीसी शहरात हजारो अमेरिकन नागरिकांचा जल्लोष.. तर मुस्लिम समुदायाकडून वॉशिंग्टन शहरात अल्ला हु अकबरच्या घोषणा..

इराण अमेरिकेवर हल्ला करण्याच्या तयारीत

अमेरिका इस्रायल इराण यांच्यातील युद्ध पेटले आहे. इराण अधिक आक्रमक भूमिका घेतान दिसतोय. अमेरिकेवर हल्ला करण्याची थेट धमकी देण्यात आलीये.

अमेरिका इस्रायल इराण युद्धाचे जागतिक पडसाद

युद्धाच्या पार्श्वभूमीवर कच्च्या तेलाच्या दरांवर दबाव असल्याने पेट्रोल दरात वाढ होण्याच्या चर्चा. पेट्रोल दर वाढीची शक्यता; असली तरी मुंबई आणि आसपासच्या उपनगरात पेट्रोल पंप वर पेट्रोलचे भाव स्थिर. मुंबईत आजही पेट्रोल 103.50 रुपये प्रति लिटर कायम. तेल कंपन्यांनी किरकोळ दरात केलेला नाही कोणताही बदल. जागतिक तणावाचा भारतीय अर्थव्यवस्थेवर परिणाम?. वाहनचालकांना तात्पुरता दिलासा, पण अनिश्चितता कायम

युद्ध पेटलं...इस्त्रायलच्या शाळांना सुट्टी जाहीर

इस्त्रायलच्या शाळांना सुट्टी जाहीर, इराणच्या हल्ल्यात काही विद्यार्थ्यांचा जीव गेल्याची माहिती.

इराणच्या नव्या उत्तराधिकाऱ्याची घोषणा

इराणच्या नव्या उत्तराधिकाऱ्याची मोजतबा खामेनी यांच्याकडे जबाबदारी असून त्यांच्या नावाची घोषणा.

आयातुल्ला अली खामेनेई हल्ल्यात ठार

अमेरिका आणि इराणने केलेल्या हल्ल्यात आयातुल्ला अली खामेनेई ठार झाले आहेत. आता नव्या उत्तराधिकाऱ्याची घोषणा.

आम्ही आयातुल्ला अली खामेनेई यांचा वारसा पुढे नेऊ

इस्लामिक रिव्होल्यूशनरी गार्ड कॉर्प्स (IRGC) ने अधिकृत निवेदनाद्वारे आयातुल्ला अली खामेनेई यांच्या निधनावर शोक व्यक्त करत त्यांना शहीद घोषित केले आहे. या हल्ल्यासाठी थेट अमेरिका आणि इस्रायलला जबाबदार धरत, IRGC ने कठोर बदला घेण्याचा इशारा दिला आहे. तसेच आयातुल्ला अली खामेनेई यांचा वारसा पुढे नेण्याची शपथ घेतली आहे, तसेच या संकटाच्या काळात जनतेला एकजूट राहण्याचे आवाहन इराणी लष्कराने केले आहे.

इराणच्या सर्वोच्च नेतृत्वासाठी शर्यत, पुढं कोण?

अमेरिका आणि इस्रायलच्या हल्ल्यांमध्ये इराणचे सर्वोच्च नेते आयातुल्ला अली खामेनेई यांचा मृत्यू झाला आहे. त्यामुळे आता इस्लामिक रिपब्लिक इराणमध्ये सत्तेची नवी कोंडी निर्माण झाली आहे. इराणी राज्यघटनेतील ‘विलायत-ए-फकीह’ तत्त्वानुसार, आता नवीन सर्वोच्च नेत्याची निवड करण्याची प्रक्रिया वेगाने सुरू झाली आहे. या शर्यतीत खमेनी यांचे पुत्र मोजतबा खमेनी आणि संस्थापक अयातुल्ला खोमेनी यांचे नातू हसन खोमेनी यांची नावे प्रमुख दावेदार म्हणून समोर येत आहेत.