फरार नीरव मोदीच्या भावाला अमेरिकेत अटक; सीबीआय-ईडीने फास आवळला, पुढे काय होणार?

Nihal Modi Arrested In US Extradition Case : पंजाब नॅशनल बँक (Panjab National Bank) घोटाळ्यात फरार घोषित नीरव मोदीचा भाऊ निहाल मोदी याला अमेरिकेत अटक करण्यात आली आहे. अमेरिकेच्या अधिकाऱ्यांनी भारत सरकारला माहिती दिली आहे , फरार उद्योगपती नीरव मोदीचा भाऊ निहाल मोदी (Nihal Modi) याला शुक्रवारी (4 जुलै 2025) अमेरिकेत अटक करण्यात आली (Fraud Charges) आहे. भारतातील दोन प्रमुख एजन्सी, ईडी आणि सीबीआय यांनी केलेल्या प्रत्यार्पणाच्या विनंतीच्या आधारे ही अटक करण्यात (Extradition Case) आली आहे.

सर्वात मोठ्या बँकिंग घोटाळ्यांपैकी एक

भारतातील सर्वात मोठ्या बँकिंग घोटाळ्यांपैकी एक, पंजाब नॅशनल बँक घोटाळा या प्रकरणात निहाल मोदी हा आहे. त्याने भाऊ नीरव मोदीचा काळा पैसा पांढरा करण्यात आणि लपवण्यात महत्त्वाची भूमिका बजावली, असं तपासात उघड झाले आहे. ईडी आणि सीबीआयच्या तपासात असेही आढळून आले आहे की, नेहल मोदीने अनेक शेल कंपन्यांद्वारे परदेशात मोठ्या प्रमाणात पैसा हस्तांतरित केला. त्याचा उद्देश फसवणुकीद्वारे कमावलेले पैसे ट्रॅकपासून दूर ठेवणे हा होता.

भारत अमेरिकेसोबतच्या ट्रेड डीलवर ठाम; आता नवीन ट्रेड वॉर सुरु होणार का?

निहाल मोदीच्या प्रत्यार्पणाच्या सुनावणीची पुढील तारीख 17 जुलै 2025 निश्चित करण्यात आली आहे. त्या दिवशी अमेरिकन न्यायालयात स्टेटस कॉन्फरन्स होईल. त्या दिवशी निहाल मोदी जामीन अर्ज दाखल करेल अशी अपेक्षा आहे, परंतु अमेरिकन सरकारचे वकील त्याला विरोध करतील. भारत सरकार निहाल मोदीला लवकरात लवकर भारतात आणण्याचा प्रयत्न करत आहे, जेणेकरून त्याच्यावर देशाच्या कायद्यानुसार खटला चालवता येईल.

भारत अमेरिकेसोबतच्या ट्रेड डीलवर ठाम; आता नवीन ट्रेड वॉर सुरु होणार का?

2.6 दशलक्ष डॉलर्सपेक्षा जास्त फसवणूक

फरार हिरे व्यापारी नीरव मोदीचा धाकटा भाऊ निहाल मोदी याला अटक करण्यात आली आहे. अंमलबजावणी संचालनालय आणि सीबीआयने त्याच्या प्रत्यार्पणाची विनंती केली होती. या विनंत्यांनंतर, निहाल मोदीला अमेरिकेत अटक करण्यात आली. अमेरिकेच्या न्याय विभागाने अटकेची पुष्टी केली आहे. न्यू यॉर्कमध्येही त्याच्याविरुद्ध अनेक खटले दाखल आहेत. निहालवर 2.6 दशलक्ष डॉलर्सपेक्षा जास्त फसवणूक केल्याचा आरोप आहे. आता निहालला भारतात प्रत्यार्पित केले जाणार आहे.

संबंधित बातम्या