प्लेगचं संकट? टेस्ट ट्यूब फुटली, अँटी-प्लेग रिसर्च इन्स्टिट्यूटच्या कर्मचाऱ्याचा मृत्यू 200 जण अंडरऑब्जर्वेशन

Plague scare in Russia अँटी-प्लेग रिसर्च इन्स्टिट्यूटमध्ये एका महिला कर्मचाऱ्याचा मृत्यू झाला. यामुळे रशियावर प्लेगचं संकट उभं राहिलं आहे.

Plague scare in Russia Test tube breaks, anti-plague research institute employee dies 200 people under observation : अँटी-प्लेग रिसर्च इन्स्टिट्यूटमध्ये प्रयोगशाळेत नमुने हाताळताना एक टेस्ट ट्यूब फुटली होती. त्यानंतर एका महिला कर्मचाऱ्याचा आजारी पडून मृत्यू झाला आहे. यामुळे रशियावर प्लेगचं संकट उभं राहिल्याच्या चर्चांना उधाण आलं आहे. तसेच यामुळे या महिलेल्या संपर्कात आलेल्या 200 जणांना अंडरऑब्जर्वेशन ठेवण्यात आलं आहे.

नेमकं प्रकरण काय?

रशियाच्या सायबेरिया भागात इर्कुत्स्कमधील शेलेखोव येथील अँटी-प्लेग रिसर्च इन्स्टिट्यूट आहे. येथे काम करणाऱ्या 28 वर्षीय दर्या शिपिलोवा यांच्या मृत्यूनंतर सुमारे 200 जणांना डॉक्टरांच्या देखरेखीखाली ठेवण्यात आले आहे. या लॅब कर्मचाऱ्याचा मृत्यू झाल्यानंतर एका रहस्यमय संसर्गाची चिंता वाढली आहे. मात्र, शिपिलोवा यांचा मृत्यू प्लेगमुळे झाल्याची अधिकृत पुष्टी रशियन अधिकाऱ्यांनी अद्याप केलेली नाही. सध्या या प्रकरणाकडे अज्ञात कारणामुळे झालेला न्यूमोनिया म्हणून पाहिले जात आहे.

रणजीच्या मैदानात बीडचा जलवा; महाराष्ट्राच्या संघात जिल्ह्यातील 3 खेळाडुंची निवड

हे प्रकरण चर्चेत येण्याचे आणखी एक कारण म्हणजे शिपिलोवा ज्या संस्थेत काम करत होत्या, तिथे प्लेगसह गंभीर संसर्गजन्य आजारांना कारणीभूत ठरणाऱ्या रोगजनकांवर संशोधन केले जाते. स्थानिक माध्यमांच्या वृत्तानुसार, प्रयोगशाळेत नमुने हाताळताना एक टेस्ट ट्यूब फुटली होती. त्यानंतर शिपिलोवा यांची प्रकृती बिघडली आणि न्यूमोनियाची गंभीर लक्षणे दिसू लागल्यानंतर त्यांना रुग्णालयात दाखल करण्यात आले. मात्र, टेस्ट ट्यूबमध्ये असलेली सामग्री आणि त्यांच्या आजाराचा थेट संबंध असल्याचे अद्याप सिद्ध झालेले नाही.

स्मिता जाधव-पाटील पदवीधरच्या रिंगणात; भाजपकडून ‘चाणक्य’ सतेज पाटलांची कोंडी ?

शिपिलोवा यांच्या मृत्यूनंतर आरोग्य विभागाच्या अधिकाऱ्यांनी त्यांच्या संपर्कात आलेल्या व्यक्तींची माहिती गोळा करण्यास सुरुवात केली. खबरदारीचा उपाय म्हणून सुमारे 200 जणांना वैद्यकीय निरीक्षणाखाली ठेवण्यात आले आहे. प्राथमिक तपासणीत या व्यक्तींमध्ये संसर्गाची स्पष्ट लक्षणे आढळलेली नाहीत. अधिकाऱ्यांच्या म्हणण्यानुसार, शिपिलोवा यांच्या संपर्कात आलेल्या सर्वांच्या आरोग्यावर सातत्याने लक्ष ठेवले जात आहे. संभाव्य संसर्गाची लक्षणे दिसल्यास त्याचे लवकर निदान करता यावे, यासाठी ही खबरदारी घेतली जात आहे.

न्यूमोनिक प्लेगचा संशय का व्यक्त केला जातोय?

या घटनेनंतर ‘न्यूमोनिक प्लेग’चा उल्लेख होऊ लागल्याने चिंता आणखी वाढली आहे. प्लेगचा हा प्रकार फुफ्फुसांवर परिणाम करतो आणि गंभीर परिस्थिती निर्माण करू शकतो. मात्र, शिपिलोवा यांना नेमका कोणता संसर्ग झाला होता, हे सध्या स्पष्ट झालेले नाही. या तपासातील महत्त्वाचा मुद्दा म्हणजे त्यांच्या आजाराचा प्रयोगशाळेतील कामाशी थेट संबंध होता का, हे शोधणे. टेस्ट ट्यूब फुटण्याची घटना आणि त्यानंतर त्यांची प्रकृती बिघडणे यामध्ये काही संबंध आहे का, याचाही तपास केला जात आहे.

रशियात प्लेगचा उद्रेक झाल्याचे अधिकाऱ्यांकडून नाकारले

रशियाच्या आरोग्य निरीक्षण यंत्रणेने देशात प्लेगचा उद्रेक झाल्यासारखी परिस्थिती असल्याचे सध्या नाकारले आहे. तपासादरम्यान शिपिलोवा यांच्या नमुन्यांमध्ये त्यांच्या व्यावसायिक कामाशी संबंधित कोणत्याही विशिष्ट सूक्ष्मजीवाची अद्याप पुष्टी झालेली नाही. त्यामुळे या संपूर्ण प्रकरणातील सर्वात मोठा प्रश्न आजाराचे नेमके कारण काय होते, हा आहे. तपास पूर्ण झाल्यानंतरच याबाबत स्पष्ट चित्र समोर येईल.

अमेरिकेचेही परिस्थितीवर लक्ष

या घटनेवर अमेरिकेचे अधिकारीही लक्ष ठेवून आहेत. रशियाने या प्रकरणातील परिस्थितीबाबत अधिक स्पष्ट आणि सविस्तर माहिती द्यावी, अशी मागणी करण्यात आली आहे. उपलब्ध माहितीनुसार, सध्या याला प्लेगचा उद्रेक म्हणणे घाईचे ठरेल. तपास पूर्ण झाल्यानंतरच हा अज्ञात संसर्गाचा प्रकार होता की प्रयोगशाळेत काम करताना एखाद्या धोकादायक रोगजनकाच्या संपर्कात आल्यामुळे शिपिलोवा यांची प्रकृती गंभीर झाली, हे स्पष्ट होऊ शकणार आहे.

आदित्य ठाकरे देश सोडून पळून जाणार, लूकआउट नोटीस जारी करा, नितेश राणेंची मागणी

अमेरिकेच्या FBIचे भारतीय वंशाचे संचालक काश पटेल यांनी त्यांच्या दीर्घकाळच्या प्रेयसीसोबत साखरपुडा केला आहे. सोशल मीडियावर पोस्ट करत त्यांनी ही माहिती दिली. 46 वर्षीय काश पटेल यांनी 27 वर्षीय अमेरिकन गायिका अ‍ॅलेक्सिस विल्किन्ससोबत साखरपुडा केला आहे. अ‍ॅलेक्सिस विल्किन्स या दीर्घकाळापासून काश पटेल यांच्या प्रेयसी असल्याचे सांगितले जाते.

संबंधित बातम्या