राज्यात 5 IAS अधिकाऱ्यांच्या बदल्या, योगेश कुंभेजकर असणार वाशिमचे नवे जिल्हाधिकारी

5 IAS officers Transfers : गेल्या अनेक आठवड्यांपासून सुरू असलेली सनदी अधिकाऱ्यांच्या बदल्यांची परंपरा या आठवड्यातही सुरूच राहिली. मुख्यमंत्री देवेंद्र फडणवीस (Devendra Fadnavis) यांनी राज्यातील ५ आयएएस अधिकाऱ्यांच्या बदल्या करण्याचा निर्णय घेतला आहे. परभणी, वाशिम आणि अकोल्याचे जिल्हाधिकारी बदलण्यात आले असून योगेश कुंभेजकर (Yogesh Kumbhejkar) यांची वाशिमच्या जिल्हाधिकारीपदी नियुक्ती करण्यात आली आहे.

मुंबई – गोवा राष्ट्रीय महामार्गावर गणेशोत्सवादरम्यान जड वाहनांना वाहतूक बंदी 

राज्य सरकारनं पाच भारतीय प्रशासकीय सेवा (आयएएस) अधिकाऱ्यांच्या बदल्या आणि नियुक्त्या जाहीर केल्या. योगेश कुंभेजकर (2016 बॅच) यांची वाशिमच्या जिल्हाधिकारीपदी नियुक्ती करण्यात आली आहे.  यापूर्वी कुंभेजकर हे अकोला येथे व्यवस्थापकीय संचालकपदी (महाराष्ट्र राज्य बियाणे महामंडळ) कार्यरत होते. त्यांच्या अनुभवामुळे वाशिमच्या विकासाला गती मिळेल, अशी अपेक्षा आहे. त्यांनी शेती आणि प्रशासकीय क्षेत्रात केलेल्या कामामुळे त्यांना ही महत्त्वाची जबाबदारी देण्यात आली.

Politics of Grain : भाताने उघडले दरवाजे, पोळीने घातल्या बेड्या! महिलांच्या स्वातंत्र्याचं खरं गणित 

तर वाशिमच्या जिल्हाधिकारी भुवनेश्वरी एस. यांची महाराष्ट्र राज्य बियाणे महामंडळ (महा बियाणे), अकोला येथे व्यवस्थापकीय संचालक म्हणून नियुक्ती करण्यात आली आहे. त्यांच्याकडून राज्यातील शेतीसाठी बियाणे वितरणाच्या कामाला गती मिळेल, अशी अपेक्षा आहे. तर 2011 च्या बॅचचे रघुनाथ गावडे यांची मुंबईतील अतिरिक्त मुद्रांक शुल्क नियंत्रक म्हणून नियुक्ती करण्यात आली आहे.

संजय चव्हाण परभणीचे नवे जिल्हाधिकारी

अतिरिक्त नियंत्रक (मुद्रांक, मुंबई) संजय चव्हाण (2011 बॅच) यांची परभणीचे जिल्हाधिकारी म्हणून नियुक्ती करण्यात आली आहे. वर्षा मीणा यांची अकोलाच्या जिल्हाधिकारी म्हणून नियुक्ती करण्यात आली आहे.

दरम्यान, या बदल्यांमुळे महाराष्ट्रातील प्रशासकीय कामकाजात सुसूत्रता येण्याची अपेक्षा आहे. विशेषतः शेती, मुद्रांक, आणि जिल्हा प्रशासनासारख्या महत्त्वाच्या क्षेत्रांत या अधिकाऱ्यांच्या अनुभवाचा फायदा होईल.

वाशिमसारख्या ग्रामीण जिल्ह्यात कुंभेजकर यांच्या नियुक्तीमुळे शेती आणि पायाभूत सुविधांना गती मिळेल. या अधिकाऱ्यांच्या नवीन भूमिकांमुळे स्थानिक पातळीवर प्रशासकीय सुधारणा आणि विकासकामांना दिशा मिळण्याची अपेक्षा आहे. येत्या काळात त्यांच्या कामगिरीकडे सर्वांचे लक्ष असेल.

संबंधित बातम्या