प्रेम केलं अन् जातीमुळे…छत्रपती संभाजीनगरमधील धक्कादायक प्रकार उघड

तरुणीला घाटी रुग्णालयात दाखल करण्यात आलं, जिथे तिने एका मुलीला जन्म दिला. तरीदेखील सागरने तिच्याशी कोणताही संपर्क साधला नाही.

छत्रपती संभाजीनगरमध्ये एक धक्कादायक घटना घडली आहे. (Sambhajinagar) दोन वर्षांपासून सुरू असलेल्या प्रेमसंबंधाला जातीचा अडथळा ठरला आणि शेवटी एक निष्पाप तरुणीचं आयुष्य उद्ध्वस्त झालं आहे. पडेगाव येथील सागर दिलीप बेलकर (वय २५) याच्यावर बलात्कार आणि अॅट्रॉसिटी कायद्यान्वये गुन्हा दाखल करण्यात आला असून त्याला न्यायालयाने चार दिवसांची पोलीस कोठडी सुनावली आहे.

20 वर्षीय तरुणीच्या फिर्यादीनुसार, सागरसोबत तिची ओळख प्रेमात बदलली. प्रेमाच्या नावाखाली सागरने तिला लग्नाचं आश्वासन दिलं आणि तिच्यासोबत शारीरिक संबंध ठेवले. काही महिन्यांपूर्वी ती गर्भवती झाल्यानंतर सागरने अचानक लग्नास नकार दिला. तू अनुसूचित जातीची आहेस, घरच्यांना हे मान्य होणार नाही, असं सांगून त्याने तिच्याशी संबंध तोडले. एवढंच नव्हे तर मी आत्महत्या करतो अशी धमकी देऊन तिच्यावर मानसिक ताण आणला.

छत्रपती संभाजीनगरात गोरक्षकासह पोलिसांवर जमावाचा हल्ला; आरोपींमध्ये ५ महिलांचा समावेश

रविवारी तब्येत बिघडल्याने तरुणीला घाटी रुग्णालयात दाखल करण्यात आलं, जिथे तिने एका मुलीला जन्म दिला. तरीदेखील सागरने तिच्याशी कोणताही संपर्क साधला नाही. शेवटी अन्यायाविरुद्ध आवाज उठवत तरुणीने छावणी पोलिस ठाण्याचे प्रभारी डॉ. विवेक जाधव यांच्याकडे तक्रार दाखल केली. पोलिसांनी तत्काळ कारवाई करत सागरला अटक केली असून त्याच्यावर बलात्कार आणि अनुसूचित जाती-जमाती अत्याचार प्रतिबंधक कायद्यान्वये गुन्हा नोंदवला आहे.

ही घटना फक्त एका तरुणीच्या आयुष्याशी खेळणारी नाही, तर समाजातील जातीभेदाची खोलवर रुजलेली मानसिकता दाखवणारी आहे. प्रेमात समानतेचा दावा करणाऱ्या समाजात अजूनही जात हा शब्द अनेकांचे आयुष्य उद्ध्वस्त करत आहे. न्याय मिळवण्यासाठी एका तरुणीला पोलिसांकडे धाव घ्यावी लागणे ही आपल्यासाठी लाजिरवाणी बाब आहे.

संबंधित बातम्या