HSRP Number Plates नसलेल्या वाहनांवर 1 जुलैपासून कारवाई

HSRP Number Plates : उच्च सुरक्षा नोंदणी क्रमांक फलक नसलेल्या वाहनांवर 1 जुलै 2026 पासून विशेष तपासणी मोहीम राबवून मोटार वाहन कायद्यानुसार

HSRP Number Plates : उच्च सुरक्षा नोंदणी क्रमांक फलक नसलेल्या वाहनांवर 1 जुलै 2026 पासून विशेष तपासणी मोहीम राबवून मोटार वाहन कायद्यानुसार कारवाई करण्यात येणार आहे. 30 जून 2026 पर्यंत एचएसआरपी बसविण्याची मुदत निश्चित करण्यात आली असून, यापूर्वी अधिकृत संकेतस्थळावर ऑनलाइन नोंदणी करून वेळ निश्चित केलेल्या वाहनांना त्या दिनांकापर्यंत कारवाईतून सूट राहणार आहे, अशी माहिती उप प्रादेशिक परिवहन अधिकारी अनंता जोशी यांनी दिली.

परिवहन आयुक्त, महाराष्ट्र राज्य, मुंबई यांच्या निर्देशानुसार व केंद्रीय मोटार वाहन नियम, 1989 मधील नियम 50 अन्वये 1 एप्रिल 2019 पूर्वी नोंदणीकृत सर्व मोटार वाहनांवर उच्च सुरक्षा नोंदणी क्रमांक फलक बसविणे बंधनकारक करण्यात आले आहे. त्यानुसार एचएसआरपी बसविण्याची अंतिम मुदत 30 जून 2026 निश्चित करण्यात आली आहे. 1 जुलै 2026 पासून एचएसआरपी (HSRP Number Plates) न बसविलेल्या वाहनांवर मोटार वाहन अधिनियम, 1988 व केंद्रीय मोटार वाहन नियम, 1989 मधील नियम 50 तसेच कलम 177 अन्वये दंडात्मक कारवाई करण्यात येणार आहे. ज्या वाहनधारकांनी 30 जून 2026 पूर्वी अधिकृत संकेतस्थळावर ऑनलाइन नोंदणी करून वेळ निश्चित केली आहे, अशा वाहनांना त्या दिनांकापर्यंत कारवाईतून सूट देण्यात येणार आहे.

नसरापूर प्रकरणात न्याय आता संतोष देशमुखांच्या आरोपींना शिक्षा द्या –

उप प्रादेशिक परिवहन कार्यालय, श्रीरामपूर कार्यक्षेत्रातील सर्व वाहनधारकांनी अधिकृत संकेतस्थळावर नोंदणी करून त्वरित एचएसआरपी क्रमांक फलक बसवून घ्यावेत. 1 जुलै 2026 पासून विशेष तपासणी मोहीम राबविण्यात येणार असून नियमांचे उल्लंघन करणाऱ्या वाहनांवर कायद्यानुसार कारवाई करण्यात येईल. त्यामुळे सर्व वाहनधारकांनी एचएसआरपी क्रमांक फलक बसवून शासनाच्या निर्देशांचे पालन करावे, असे आवाहनही जोशी यांनी केले आहे.

संबंधित बातम्या