असुद्दीन ओवेसींची आहिल्यानगरमध्ये सभा, जाणून घ्या काय आहेत अटी शर्ती ?

ओवेसी यांच्या सभेला काही अटी शर्ती देत ह्या सभेला परवानगी देण्यात आली. अहिल्यानगरचे पोलीस अधीक्षक सोमनाथ घार्गे यांनी दिली आहे.‌

अहिल्यानगर शहरामध्ये एमआयएमचे अध्यक्ष असुद्दीन ओवेसी (Owaisi) यांची सभा आज नगर शहरातील मुकुंद नगर परिसरामध्ये पार पडणार आहे.‌ दरम्यान, सोमवारी नगर शहरांमध्ये झालेल्या धार्मिक तणावानंतर ओवेसींच्या सभेला परवानगी मिळणार का याकडे नगरकरांचे लक्ष लागून होते. मात्र, ओवेसी यांच्या सभेला काही अटी शर्ती देत ह्या सभेला परवानगी देण्यात आली असल्याची माहिती अहिल्यानगरचे पोलीस अधीक्षक सोमनाथ घार्गे यांनी दिली आहे.‌

महाराष्ट्रातील कोणत्याच पक्षाकडं आता विचारसरणी नाही; मग आम्हीच जातीयवादी कसे? ओवेसी गरजले

सभेसाठीच्या अटी व शर्थी

१) जाहिर सभा घेण्यासाठी आवश्यक लागणाऱ्या परवानगी स्थानिक स्वाराज्य संस्था यांच्याकडून घेवुनच सभा घ्यावी. [स्टेज, मंडप उभारणी, एम एस ई बी, पार्कीग व्यवस्था, आरोग्य विभाग, अग्निशमक विभाग इत्यादी त्याबाबचे मंजुरी पत्र सादर करावे.

२) जाहिर सभा घेत असताना फायर ब्रिगेड, अॅम्ब्युलन्स, अती महत्वाचे वाहने, अत्यावश्यक वस्तु वाहतुक करणारे वाहने येण्या जाणेसाठी अडथळा होणार नाही याची दक्षता घेऊन पार्किंग व्यवस्था करावी. सदर पार्किंग ठिकाणी आपले स्वयंसेवक नेमावेत. वाहतुक पोलीसांच्या सुचनांचे पालन करावे.

३) आपले पक्षाचे खासदार अससुद्दीन ओवेसी यांना झेड वर्गवारीची सुरक्षा आहे. त्यामुळे सभेच्या ठिकाणी ४५ बाय ६० फुट लांबी रुंदीचे डी झोन तयार करुन स्टेजची व्यवस्था करावी. तसंच, स्टेजवर बसणाऱ्या प्रमुखांची नावांची यादी आगाऊ उपलब्ध करुन देवुन त्यांचे पास आमचेकडुन घ्यावेत. स्टेज सुरक्षामध्ये कोणताही निष्काळी पणा होणार नाही याची दक्षता घ्यावी.

४) सभेच्या ठिकाणी सुरक्षाच्या अनुषंगाने सभेचे ठिकाण चारही बाजुने सुरक्षीत करुन समक्ष दिलेल्या सुचनेप्रमाणे स्वतंत्र प्रवेश व्दाराची व्यवस्था करावी जेणेकरुन सुरक्षा अनुषंगाने सोयीचे होईल याबाबत काटेकोरपणे पालन करावे.

५) जाहिर सभेच्या अनुषंगाने लावण्यात येणारे झेंडे, पोस्टर्स व बॅनर्स याबाबत स्थानिक स्वराज्य संस्थेची स्वतंत्र पारवानगी घेवुन सादर करावी.

६) आपण लावण्यात आलेल्या झेंडे व पोस्टर्स व बॅनर्स व इतर जाहिरातीमुळे कोणत्याही धर्माच्या/जातीच्या भावना दुखवतील असं वक्तव्य अथवा देखावे अथवा विभिस्त किंवा मन दुखावतील असे गाणी पोस्टर्स लावू नयेत.

७) जाहिर सभा अयोजित करताना कोणावरही आपले कार्यकर्ते जबरदस्तीने सहभागी करणार नाही याची दक्षता घ्यावी. जाहिर सभा ही शांततेने व सुरळीत पार पाडण्यासाठी पोलीस ज्या ज्या वेळी मिटिंगसाठी बोलवतील तेव्हा हजर राहुन त्यावेळी देणेत आलेल्या सुचनांचे तंतोतंत पालन करावं.

८) जाहिर सभेमध्ये महिला व मुली सहभागी असतील तर त्यांची गैर सोय होणार नाही याची दक्षता घ्यावी. शक्यतो महिला व पुरुष असे दोन वेगवेगळे भाग करावेत.

९) जाहिर सभा असताना प्रशासनाने ठरवून दिलेल्या जागेचा/मार्गाचा वापर करावा. जाहिर सभा घेण्यापुर्वी अथवा नंतर कोणतीही रॅली काढता येणार नाही. सभेसाठी येणारे वक्ते यांना झेड सुरक्षा असलेने त्यांना सुरक्षेच्या कारणास्तव कुठंही पोलीसांच्या परवानगी शिवाय दौऱ्यात बदल करता येणार नाही.

१०) जाहिर सभेच्यावेळी अत्यावश्यक सेवा चालु राहितील तसंच आपले समर्थकाकडुन त्यास कोणताही अडथळा निर्माण होणार नाही याची काळजी घ्यावी.

११) जाहिर सभेच्या दरम्यान अथवा नंतर आपले कार्येकर्ते यांचेकडुन कोणत्याही शासकीय अथवा खाजगी मालमत्तेचे नुकसान होणार नाही याची दक्षता घ्यावी.

१२) सभेच्या ठिकाणी लाईट, स्वच्छता, पिण्याचे पाणी, स्वच्छतागृह, पार्किंग याची सभेला येणा-या नागरिकांचे प्रमाणात पुरेशी सोय करण्यात यावी.

संबंधित बातम्या