परळी अन् बारामतीत पशुवैद्यक महाविद्यालये; फडणवीस सरकारचे 7 गेमचेंजर निर्णय
- Written By: Mukund Bhalerao Published:
Maharashtra Cabinet Meeting : राज्याचे मुख्यमंत्री देवेंद्र फडणवीस (Devendra Fadnavis) यांच्या अध्यक्षतेत आज राज्य मंत्रिमंडळाची बैठक झाली. या बैठकीत महत्वाचे निर्णय घेण्यात आले. यामध्ये परळी आणि बारामतीत पशुवैद्यक महाविद्यालये स्थापन करण्यास मंजुरी देण्यात आली. या बैठकीत एकूण सात महत्वाचे निर्णय घेण्यात आले.
मंत्रिमंडळाचे महत्वाचे निर्णय
पौड, ता. मुळशी, जिल्हा पुणे येथे लिंक कोर्टऐवजी दिवाणी न्यायालय कनिष्ठ स्तर व न्यायदंडाधिकारी प्रथम वर्ग या न्यायालयाची स्थापना करण्यास बैठकीत मंजुरी.
(विधी व न्याय विभाग)
ठाणे जनता सहकारी बँकेत सार्वजनिक उपक्रम, महामंडळे यांना खाते उघडण्यासाठी परवानगी देण्यात आली.
(वित्त विभाग)
सन 1976 पूर्वीच्या पाटबंधारे प्रकल्पाने बाधित पुनर्वसित गावठाणांमध्ये नागरी सुविधा पुरवण्यासाठी प्रलंबित कामांचा कृती कार्यक्रम राबविण्याचा निर्णय; अशा 332 गावठाणांसाठी 599.75 कोटी रुपयांच्या तरतुदीस मंजूरी या बैठकीत देण्यात आली.
(मदत व पुनर्वसन विभाग)
मंत्रिमंडळ निर्णय (संक्षिप्त) #मंत्रिमंडळनिर्णय#CabinetDecisions pic.twitter.com/esWAAabNJK
— MAHARASHTRA DGIPR (@MahaDGIPR) February 25, 2025
महाराष्ट्र राज्य आधारसामग्री (डेटा) धोरणास मान्यता; राज्य डेटा प्राधिकरण स्थापन करणार. मुख्य सचिवांच्या अध्यक्षतेखाली नियामक समिती गठीत करण्यात येणार आहे.
(नियोजन विभाग)
बारामती जिल्हा पुणे येथे नवीन पशुवैद्यक पदवी महाविद्यालय स्थापन करण्यास मंजुरी. यासाठी 564.58 कोटी रुपयांच्या तरतूदीस मंजूरी देण्यात आली.
(कृषि व पदुम विभाग)
परळी, जिल्हा बीड येथे नवीन पशुवैद्यक पदवी महाविद्यालय स्थापन करण्यास मंजुरी. यासाठी 564.58 कोटी रुपयांच्या तरतूदीस मंजूरी देण्यात आली.
(कृषि व पदुम विभाग)
महाराष्ट्र महामार्ग अधिनियम कलम 18(3) 1955 मध्ये सुधारणा, तसेच महाराष्ट्र महामार्ग अध्यादेश 2025 ला मान्यता देण्यात आली.
(सार्वजनिक बांधकाम विभाग)
संबंधित बातम्या
मोनिका राजळे, राम कदम यांना महाराष्ट्र विधीमंडळ समित्यांमध्ये स्थान, कोणाकोणाची लागली वर्णी ?
