अपात्र लाडक्या बहि‍णींना आता पैसे नाही मात्र पैसे घेणाऱ्या 14 हजार पुरूषांचं काय होणार? फडणवीस म्हणाले…

Devendra Fadnavis यांनी 14 हजार पुरुषांनी पैसे लाटले आणि KYC न केलेल्या लाडक्या बहिणीचे पैसे परत घेणार का? यावर स्पष्टीकरण दिलं

Devendra Fadnavis ineligible Ladaki Bahin no money but what will about men who took the money : राज्यातील महत्त्वाकांक्षी “मुख्यमंत्री माझी लाडकी बहीण” योजनेच्या तब्बत 80 लाख महिलांना अपात्र ठरवल्याने विरोधकांनी सरकारला धारेवर धरले आहे. त्यावर आता लाडक्या बहि‍णींना अपात्र का ठरवलं? तसेच 14 हजार पुरुषांनी या योजनेचे पैसे लाटले आणि KYC न केलेल्या लाडक्या बहिणीचे पैसे परत घेणार का? मुख्यमंत्री देवेंद्र फडणवीसांनी माध्यमांशी संवाद साधत यावर स्पष्टीकरण दिलं आहे.

देवेंद्र फडणवीस नेमकं काय म्हणाले?

लाडकी बहीण योजना सुरू केली होती तेव्हा काही निकस ठरवले होते. त्यांच्या आधारावर बहि‍णींना अर्ज करायला सांगितले होते मात्र आता त्यात अनेक गैरप्रकार झाल्याचं समोर येत आहे. लाडकी बहीण योजना ही राज्यातील महिलांच्या आर्थिक सक्षमीकरणासाठी सुरू करण्यात आली आहे. त्यामुळे या योजनेतील पारदर्शकता आणि पात्रतेचे निकष काटेकोरपणे लागू करण्यावर सरकारचा भर आहे.

पार्थ पवारांना यश; पुण्यात नाराजीवर पडदा अन् सुनील टिंगेरेंची निवडणुकीतून माघार

यासाठी राज्य सरकारकडून गेल्या काही महिन्यांपासून लाडकी बहीण योजनेतील लाभार्थ्यांची सखोल छाननी सुरू आहे. योजनेचा लाभ केवळ पात्र महिलांपर्यंत पोहोचावा आणि सरकारी निधीचा गैरवापर होऊ नये, या उद्देशाने विविध सरकारी डेटाबेसच्या माध्यमातून अर्जांची पडताळणी करण्यात आली. या तपासणीत अनेक धक्कादायक बाबी समोर आल्या आहेत.

सुनील टिंगरेंनी बंडखोरीचे अस्त्र उपसूनही अखेर माघार का घेतली? यू-टर्न घेण्याची 5 कारणं

मुख्यमंत्री फडणवीस यांनी सांगितले की, पडताळणी प्रक्रियेदरम्यान काही पुरुषांनी महिलांच्या योजनेत लाभार्थी म्हणून नोंदणी केल्याचे आढळून आले. अशा सुमारे 14 हजार प्रकरणांची नोंद झाली आहे. याशिवाय आयकर भरणारे नागरिक, सरकारी सेवेत असलेले कर्मचारी तसेच योजनेच्या पात्रता निकषांमध्ये न बसणाऱ्या इतर व्यक्तींचीही ओळख पटली आहे. सरकारच्या म्हणण्यानुसार, पडताळणी मोहिमेनंतर मोठ्या प्रमाणावर लाभार्थी यादीत बदल करण्यात आला आहे. पात्र आणि अपात्र लाभार्थ्यांची स्वतंत्र छाननी करून नियमांचे पालन न करणाऱ्यांना योजनेतून वगळण्याची प्रक्रिया सुरू आहे. त्यामुळे योजनेचा लाभ फक्त खऱ्या अर्थाने पात्र महिलांनाच मिळेल, असा दावा सरकारकडून करण्यात आला आहे.

तुकाराम मुंढेंनी ‘सळो की पळो’ करून सोडलं; पदभार स्वीकारताच धडाधड सर्जिकल स्ट्राईक

दरम्यान, KYC आणि ई-केवायसी प्रक्रियेबाबतही अनेक महिलांच्या मनात प्रश्न निर्माण झाले आहेत. KYC पूर्ण न केल्यामुळे लाभार्थ्यांचे पैसे परत घेतले जाणार का, अशी चर्चा सुरू असताना सरकारने याबाबत सावध भूमिका घेतली आहे. केवळ KYC प्रलंबित असल्यामुळे सर्व लाभार्थ्यांकडून रक्कम वसूल केली जाणार असल्याची कोणतीही अधिकृत घोषणा अद्याप करण्यात आलेली नाही. मात्र लाभार्थ्यांनी आवश्यक कागदपत्रे आणि पडताळणी प्रक्रिया वेळेत पूर्ण करणे आवश्यक असल्याचे सरकारने स्पष्ट केले आहे.

मराठी रंगभूमीवर प्रथमच नाटकाच्या गाण्यांचा भव्य म्युझिक लाँच सोहळा!

तसेच काही महिलांच्या अर्जांमध्ये तांत्रिक त्रुटी, कागदपत्रांतील विसंगती किंवा माहिती अपूर्ण असल्याची प्रकरणेही समोर आली आहेत. अशा महिलांना आवश्यक ती दुरुस्ती करण्याची संधी दिली जाऊ शकते, असे संकेत सरकारकडून देण्यात आले आहेत. त्यामुळे पात्र असूनही लाभापासून वंचित राहिलेल्या महिलांनी संबंधित विभागाशी संपर्क साधून आपली माहिती अद्ययावत ठेवण्याचे आवाहन करण्यात येत आहे. त्यामुळे या योजनेतील पारदर्शकता आणि पात्रतेचे निकष काटेकोरपणे लागू करण्यावर सरकारचा भर असल्याचे दिसून येत आहे. आगामी काळात पडताळणीची प्रक्रिया आणखी वेगाने राबवली जाण्याची शक्यता असून अपात्र लाभार्थ्यांवर कारवाई सुरूच राहणार असल्याचे संकेत मिळत आहेत.

संबंधित बातम्या