धक्कादायक! तुळजापुरात बीडची पुनरावृत्ती; पेट्रोल टाकून सरपंचाला जिवंत जाळण्याचा प्रयत्न

Attack On Mesai Jawalega Sarpanch Namdev Nikam In Tuljapur : बीडनंतर आता तुळजापूरमध्ये देखील सरपंचावर जीवघेणा हल्ला झाल्याची घटना (Attack On Mesai Jawalega Sarpanch) घडली. मेसाई जवळगा येथील सरपंचाला जिवंत जाळण्याचा प्रयत्न करण्यात आलाय. त्यामुळे तुळजापूरमध्ये दहशतीचं वातावरण आहेत. मेसाई जवळगा गावच्या सरपंचाच्या गाडीवर पेट्रोल टाकून जिवंत जाळण्याचा प्रयत्न केल्याचं धक्कादायक (Dharashiv Crime News) वृत्त समोर आलंय.

VIDEO : धनंजय मु्ंडेंच्या कार्यकर्त्याने खुलेआम केला हवेत गोळीबार, अंजली दमानियांचा CM फडणवीसांना गंभीर सवाल

मेसाई जवळगा गावाचे सरपंच नामदेव निकम यांच्यावर जीवघेणा हल्ला झालाय. परंतु या हल्ल्यात सरपंच नामदेव निकम (Sarpanch Namdev Nikam) बचावले आहेत. बारूळ गावाजवळ मध्यरात्री एक वाजेच्या सुमारास ही घटना घडलेली (Crime News) आहे. मध्यरात्री नामदेव निकम हे गाडीने प्रवास करत होते. त्यांच्यासोबत त्यांचा भाऊ देखील होता. यावेळी अचानक काही गुंडांनी त्यांच्या गाडीवर हल्ला केला. त्यांच्या गाडीच्या काचा फोडण्यात आल्या. गाडीवर पेट्रोल टाकून जाळण्याचा देखील प्रयत्न केलाय. हा हल्ला पवनचक्कीच्या वादातून झाल्याचा प्राथमिक अंदाज वर्तवला जातोय.

नामदेव निकम बारुळवरून मेसाई जवळगा गावाच्या दिशेने (Tuljapur) चालले होते. गाडी चालवत असताना अचानक त्यांच्या गाडीला दोन बाईकने घेरलं. बाईकस्वारांनी निकम यांच्या गाडीवर हल्ला करण्यास सुरूवात केली. दरवाजाची काच फोडून त्यांनी पेट्रोलचे फुगे गाडीत फेकले. त्यानंतर निकम यांनी गाडीचा वेग वाढवला. परंतु बाईकवरील गुंडांनी गाडीच्या काचेवर अंडी फेकली. त्यानंतर त्यांनी गाडी पेटवण्याचा प्रयत्न केला, अशी माहिती खुद्द सरपंच नामदेव निकम यांनी दिली आहे. या घटनेमुळे धाराशिव परिसरात भितीचं वातावरण आहे. या प्रकरणी पोलीस गुन्हेगारांच्या मुसक्या कधी आवळतात, याकडे अख्ख्या धाराशिवकरांचं लक्ष लागलेलं आहे.

अर्थमंत्री पद मिळालं पण मनमोहन सिंहांना खरं वाटलंच नाही.. जाणून घ्या, काय घडलं होतं?

मागील काही दिवसांत बीड जिल्ह्यात दोन सरपंचांच्या हत्या झाल्यात. मस्साजोगमधील सरपंच संतोष देशमुख आणि परळीत बापू आंधळे यांची हत्या झाली होती. त्यामुळे सध्या राजकारण चांगलंच तापलंय. राज्यात पुन्हा एकदा कायदा आणि सुव्यवस्थेचा प्रश्न निर्माण होतोय. याच घटनेची पुनरावृत्ती धाराशिव जिल्ह्यातील तुळजापूरमध्ये होताना दिसतेय. तुळजापूर तालुक्यातील मेसाई जवळगा गावच्या सरपंचावर हल्ला झाल्याचा धक्कादायक प्रकार समोर आलाय. सरपंचाच्या गाडीवर पेट्रोल टाकून थेट जिवंत जाळण्याचा प्रयत्न केला गेलाय.

संबंधित बातम्या