नाशिक हादरलं! राहत्या घरात एकाच कुटुंबातील चौघांचे मृतदेह

नाशिकच्या देवळा तालुक्यातील फुले माळवाडी येथे एकाच कुटुंबातील चार जणांचे मृतदेह त्यांच्या राहत्या घरात आढळून आल्याने खळबळ

Four Members Of Same Family End Life : नाशिकच्या देवळा (Deola) तालुक्यातील फुले माळवाडी येथून एक हृदय पिळवटून टाकणारी बातमी समोर आली आहे. एकाच कुटुंबातील चार जणांचे मृतदेह त्यांच्या राहत्या घरात आढळून आल्याने खळबळ उडाली. पती-पत्नी आणि त्यांच्या 2 अल्पवयीन मुलांचा मृतांमध्ये समावेश आहे. आज सकाळच्या सुमारास समोर आलेल्या या घटनेने संपूर्ण परिसरातून हळहळ व्यक्त केली जाते. या चौघांच्या मृत्यूचं नेमकं कारण अद्याप समजू शकलेलं नसून, प्रथमदर्शनी ही आत्महत्या (Sucide) असल्याचा संशय पोलिसांनी (Police) व्यक्त केला. गोविंद बाळू शेवाळे(40), कोमल गोविंद शेवाळे(35), मुलगी ख़ुशी गोविंद शेवाळे(8) आणि दीड ते दोन वर्षांचा मुलगा श्याम गोविंद शेवाळे अशी मृतांची नावं आहेत.

घटनेबाबत अधिक माहिती देताना पोलिसांनी सांगितले की, गोविंद बाळू शेवाळे याने स्वतः दोरीने फाशी घेतली असल्याचं दिसून येतंय. तर पत्नी, एक मुलगा आणि मुलगी यांचे मृतदेह झोपलेल्या अवस्थेत आढळून आले. मात्र एकाच कुटुंबातील चार जणांचे मृतदेह सोबत आढळल्याने संपूर्ण नाशिक (Nashik) जिल्हा हादरला आहे. घटनेची माहिती मिळताच देवळा पोलीस निरीक्षक आणि पोलीस उपनिरीक्षक यांनी पोलीस कॉन्स्टेबलसह घटनास्थळी धाव घेतली. त्याचप्रमाणे पुढील तापासाठी नाशिकची विभागीय फॉरेन्सिक टीम देखील दाखल झाली.

उच्च न्यायालयाचा मोठा निर्णय, ‘या’ दोन ठिकाणी निवडणुका रद्द, 20 डिसेंबरला होणार मतदान

पोलिसांनी सदरील घटनेचा पंचनामा केला असून चारही मृतदेह शवविच्छेदनासाठी शासकीय रुग्णालयात पाठवण्यात आले आहेत. या कुटुंबानं असा टोकाचा निर्णय का घेतला? याबाबतची इत्यंभूत माहिती अद्याप समोर आलेली नसून पोलीस या घटनेचा कसून तपास करत आहेत. फुले माळवाडी येथे घडलेल्या घटनेने पंचक्रोशीतील गावांमध्ये शोककळा पसरली. दरम्यान ही घटना नेमकी कशामुळे घडली? हे पाहणं महत्वाचं ठरणार आहे.

संबंधित बातम्या