‘मुख्यमंत्री लाडकी बहीण योजनेत’ 5 मोठे बदल; मंत्रिमंडळातील बैठकीनंतर अधिसूचना निघाली

मुंबई : राज्याच्या अर्थसंकल्पात जाहीर करण्यात आलेल्या मुख्यमंत्री लाडकी बहीण योजनेत (Mukhyamantri Ladaki Bahin Yojana) पुन्हा एकदा मोठे बदल करण्यात आले आहेत. या बदलाबाबतची अधिसूचनादेखील जारी करण्यात आली आहे. नव्या बदलानुसार यापुढे महिलांना अर्ज करताना आपला लाईव्ह फोटो द्यावा लागायचा. पण आता नव्या निर्णयाअंतर्गत तशी गरज भासणार नाही.याशिवाय आणखीनही काही महत्त्वाचे बदल करण्यात आले आहेत. (Mukhyamantri Ladaki Bahin Yojana Rule Change)

मुख्यमंत्री-माझी लाडकी बहीण योजनेच्या अंमलबजावणीमध्ये सुधारणेसह व्याप्ती वाढविण्याबाबत शासन निर्णय निर्गमित.#मुख्यमंत्रीमाझीलाडकीबहीण pic.twitter.com/52dd9ce5Or

— Aditi S Tatkare (@iAditiTatkare) July 12, 2024

अधिसूचनेत काय? 

मुख्यमंत्री माझी लाडकी बहीण या योजनेची अंमलबजावणी प्रभावीपणे आणि सुलभतेने व्हावी याबाबत या योजनेच्या अटीत आता नव्याने सुधारणा करण्यात आल्या आहेत. 13 जुलै रोजी मंत्रिमंडळाची बैठक पार पडली. माझी लाडकी बहीण योजनेची व्याप्ती वाढवण्यासाठी या बैठकीत महत्त्वाचे निर्णय घेण्यात आले आहेत. याच निर्णयात लाईव्ह फोटोसंदर्भात मोठा बदल करण्यात आला आहे. नव्या शासन निर्णयाच्या माध्यमातून लाडकी बहीण योजनेसाठी अर्ज भरणे सोपे व्हावे यासाठी महत्त्वाचा निर्णय घेण्यात आला आहे. या निर्णयाअंतर्गत आता योजनेच्या ऑफलाईन अर्जावरील लाभार्थी महिलेच्या फोटोचा फोटो काढून तो ऑनलाईन अर्ज दाखल करण्यासाठी ग्राह्य धरण्यात येणार आहे. म्हणजेच आता महिलांना फॉर्म भरताना आता स्वत:चा लाईव्ह फोटो देण्याची गरज नाही.

आणखी कोणते नियम बदलले 

नवविवाहित महिलेच्या बाबतीत तीचे नाव रेशनकार्डवर लगेच लावणे शक्य होत नाही. त्यामुळे विवाह नोंदणी प्रमाणपत्र असलेल्या अशा नवविवाहित महिलेच्या पतीचे रेशनकार्ड हे उत्पन्नाचा दाखला म्हणून ग्राह्य धरण्यात येणार आहे.

परराज्यात जन्म झालेल्या व ती सध्या महाराष्ट्रात वास्तव्यास असेल त्या महिलेने महाराष्ट्रातील अधिवास असणाऱ्या पुरुषाबरोबर विवाह केला असेल तर अशा बाबतीत त्यांच्या पतीचे (१) जन्म दाखला किंवा (२) शाळा सोडल्याचे प्रमाणपत्र किंवा (३) अधिवास प्रमाणपत्र ग्राह्य धरण्यात येते. याशिवाय महिलेच्या पतीचे १५ वर्षापूर्वीचे रेशनकार्ड व १५ वर्षापूर्वीचे मतदान कार्ड देखील ग्राह्य धरण्यात यावे.

सदर योजनेचा लाभ घेण्यासाठी पोस्टातील बँक खाते ग्राह्य धरण्यात यावे.

सदर योजनेतंर्गत नागरी व ग्रामीण भागातील बालवाडी सेविका / अंगणवाडी सेविका, NULM यांचे समूह संघटक (CRP), मदत कक्ष प्रमुख व CMM (City Mission Manager), आशा सेविका, सेतू सुविधा केंद्र व आपले सरकार सेवा केंद्र यांना पात्र महिलांचे अर्ज भरुन घेण्यासाठी प्राधिकृत करण्यात येत आहे.

आजी-माजी आमदारांच्या एकीने पुणे काँग्रेसमध्ये भूंकपाचे संकेत; नव्या नांदीची चाहूल

31 जुलैपर्यंत करता येणार अर्ज

मुख्यमंत्री लाडकी बहीण योजनेचा लाभ घेण्यासाठी पहिले अर्ज करण्याची मुदत दि.1 जुलै, 2024 ते 15 जुलै, 2024 पर्यंत ठेवण्यात आली होती. त्यानंतर यात सुधारणा करण्यात आली असून,  31 ऑगस्ट, 2024 पर्यंत लाभार्थी महिलांना अर्ज करता येणार आहे. तर, लाभार्थी महिलांना 01 जुलै, 2024 पासून दर माह रु.1500/- आर्थिक लाभ देण्यात येणार आहे.

रवींद्र धंगेकर पुन्हा चर्चेत, मतदारसंघात लाडकी बहीण योजनेचा बोर्ड मात्र मुख्यमंत्र्यांचे फोटो गायब

वयाच्या अटीतही बदल

सुरूवातीला या योजनेसाठी 21 ते 60 वयोगटाची मर्यादा ठेवण्यात आली होती. मात्र, ही अट वाढवून आता 21 ते 65 अशी करण्यात आली आहे. शिवाय 5 एकर जमिनीबाबतची अटही काढूण टाकण्यात आली आहे.

संबंधित बातम्या