महायुतीत दरी निर्माण झाली तर त्याला आमदार सुरेश धस…. अमोल मिटकरींची पुन्हा घणाघाती टीका

Amol Mitkari on Suresh Dhas : महायुतीत दरी निर्माण झाली तर त्याला भाजप आमदार सुरेश धसच जबाबदार राहतील, असं विधान राष्ट्रवादी अजित पवार गटाचे आमदार अमोल मिटकरी यांनी केलंय. (Suresh Dhas) मुख्यमंत्र्यांनी कान टोचल्यावरही सुरेश धस कसे बोलतायेत?, असा सवालही त्यांनी यावेळी केलाय. अमोल मिटकरी यांनी कालच्या परभणीतल्या मोर्चातील सुरेश धस यांच्या भाषणावरही टीका केलीय. अजित पवारांवरची टीका आम्ही सहन करणार नसल्याचा इशारा त्यांनी यावेळी सुरेश धसांना दिलाय.

जाणीवपूर्वक लक्ष्य

मस्साजोग प्रकरणात संतोष देशमुख यांच्या मारेकऱ्यांना फाशीची शिक्षा व्हावी, अशी मागणी आमदार अमोल मिटकरी यांनी केली. सुरेश धसांना आता मुख्यमंत्र्यांनीच आवर घालावा, अशी मागणी त्यांनी केलीये. तर या प्रकरणात संतोष देशमुख यांच्या मारेकऱ्यांऐवजी विरोधक धनंजय मुंडे यांना जाणीवपूर्वक लक्ष्य करीत असल्याचा आरोप त्यांनी केलाय. दरम्यान, आपल्याला सुरेश धसांच्या कार्यकर्त्यांकडून जीवे मारण्याच्या धमक्या येत असल्याचा गंभीर आरोपही यावेळी अमोल मिटकरी यांनी केलाय.

अजितदादा क्या हुआ तेरा वादा, सुरेश धसांचा परभणीतून हल्लाबोल, मुडेंनाही सुनावलं

देवेंद्र फडणवीसजी आपल्या पक्षाचे आमदार सुरेश धस यांनी काल परभणी मधील मुक मोर्चात ‘क्या हुआ तेरा वादा अजितदादा’ अशा प्रकारे वक्तव्य करून आदरणीय अजितदादांविषयी जी गरळ ओकली त्याबद्दल आपण त्यांना जाब विचारणार, की त्यांचा बेभान सुटलेला बैल आणखी मोकाट सोडणार? असा सवाल करत राष्ट्रवादी अजित पवार गटाचे आमदार अमोल मिटकरींनी जाब विचारला होता. आमदार अमोल मिटकरींनी एक्सवर पोस्ट करत हा प्रश्न विचारला होता.

नेमकं काय म्हणाले होते सुरेश धस?

ज्या पद्धतीने यांनी संतोषला मारले ती कोणती पद्धती आहे? छत्रपती संभाजीराजेंच्या हत्येप्रमाणेच ही हत्या झाली आहे. त्या लेकराने काय बिघडवले होते? आकाचे आका करलो, जल्दी तयारी, हम निकले है जेलवारी, असा जोरदार हल्लाबोल भाजपचे आमदार सुरेश धस यांनी केलाय. तर अजित दादा क्या हुआ तेरा वादा, काय को इसको अंदर लिया? असे म्हणत त्यांनी धनंजय मुंडे यांच्या मंत्रिमंडळातील समावेशावरून उपमुख्यमंत्री अजित पवार यांच्यावर निशाणा साधला.

संबंधित बातम्या