live now

योद्धा मैदानात! शरद पवारांचा दौरा ठरला; दिल्लीतील खलबतांनंतर महाराष्ट्र काढणार पिंजून

योद्धा मैदानात! शरद पवारांचा दौरा ठरला; दिल्लीतील खलबतानंतर महाराष्ट्र काढणार पिंजून

अजित पवार यांच्या बंडानंतर राष्ट्रवादीचे राष्ट्रीय अध्यक्ष शरद पवार मैदानात उतरले आहेत. उद्या शरद पवार यांनी वायबी सेंटरमध्ये पक्षाच्या आमदार आणि खासदारांची बैठक बोलवली आहे. तर 6 जुलैला राष्ट्रवादीची वर्किंग कमिटीची दिल्लीत बैठक पार पडणार आहे.

यानंतर 8 तारखेपासून शरद पवार महाराष्ट्राच्या दौऱ्यावर निघणार आहेत. या दौऱ्याची सुरुवात पवार उत्तर महाराष्ट्र आणि खान्देशातून करणार आहेत. 8 जुलैला पवार नाशिकमध्ये जाणार आहेत. तर 9 जुलैला धुळे आणि 10 जुलैला जळगावला जाणार आहेत.

वर्किंग कमिटीची बैठक महत्वाची :

दरम्यान, 6 जुलैला राष्ट्रवादीची दिल्लीत वर्किंग कमिटीची बैठक पार पडणार आहे. सध्याच्या घडामोडींच्या पार्श्वभूमीवर शरद पवारांनी ही बैठक बोलावली आहे. पक्षाच्या घटनेच्या दृष्टीने, संघटनेतल्या बदलांच्या दृष्टीने महत्त्वाच्या निर्णयांची शक्यता या बैठकीत आहे. वर्किंग कमिटीत कुणाचे बहुमत दिसणार? यावरही कायदेशीर लढाईचं भवितव्य ठरतं असतं.

पुणे राष्ट्रवादीवर दादांचा वरचष्मा; रुपाली पाटील यांचा अजित पवारांच्या गटात प्रवेश

पुणे : राष्ट्रवादी काँग्रेस पक्षाच्या पुण्यातील नेत्या रुपाली पाटील ठोंबरे यांनी उपमुख्यमंत्री अजित पवार यांच्या गटात प्रवेश केला आहे. आपल्या समर्थकांसह प्रदेशाध्यक्ष सुनिल तटकरे यांच्या उपस्थितत त्यांचा पक्षप्रवेश पार पडला. त्यानंतर तात्काळ त्यांची प्रदेश प्रवक्त्या म्हणून नियुक्ती करण्यात आली आहे.

दरम्यान, रुपाली पाटील यांच्या प्रवेशाने पुणे राष्ट्रवादीवर अजित पवार यांचा वरचष्मा पाहायला मिळत आहे. पुण्यातील दोन्ही आमदार आणि अनेक पदाधिकारी अजित पवार यांच्या गटात सामील झाले आहेत. आता रुपाली पाटील ठोंबरे यांनीही अजित पवार यांच्या गटात प्रवेश केला आहे.

पवारसाहेब की अजितदादा? राष्ट्रवादीच्या आमदारांना घ्यावा लागणार फैसला; पक्ष एक व्हीप दोन

राष्ट्रवादीतील बंडाळीनंतर राष्ट्रवादी काँग्रेसच्या आमदारांसाठी दोन्ही गटांकडून व्हीप जारी करण्यात आला आहे. उद्या (5 जुलै) रोजी अजित पवार यांनी वांद्रे येथे बैठक बोलवली आहे, त्यासाठी प्रतोद अनिल पाटील यांनी व्हीप जारी केला आहे. तर उद्याच शरद पवार यांनी वायबी सेंटरमध्ये बैठक बोलवली आहे. त्यासाठी प्रतोद जितेंद्र आव्हाड यांनी व्हीप जारी केला आहे. यामुळे राष्ट्रवादीचे आमदार संभ्रमात पडले असून नेमका कोणाचा व्हीप पाळायचा आणि कोणाच्या बाजूने जायचे याचा फैसला राष्ट्रवादीच्या आमदारांना उद्या करायचा आहे.

अजितदादांच्या एन्ट्री नंतर शिंदे गटाला हादरे : आमदारांना परतीचे वेध

अजित पवार यांच्या राज्य सरकरामधील एन्ट्रीनंतर शिंदेंची शिवसेना अस्वस्थ झाल्याचं पाहायला मिळत आहे. बहुमत असताना अजित पवारांना बरोबर घेण्याची काय गरज होती काय? असा सवाल शिंदेंचे आमदार विचारताना पाहायला मिळत आहे. तर काही आमदार हे काही आमदार हे मंत्रिपद मिळत नसल्याने उघड नाराजी व्यक्त करत आहेत. अशातच आता शिंदे गटातील या नाराज आमदारांना ठाकरेंकडे परतीचे वेध लागल्याचे पाहायला मिळत आहे. उद्धव ठाकरेंनी साद दिली तर त्याला सकारात्मक प्रतिसाद देऊ, असं म्हणत शिंदेंच्या शिवसेनेचे आमदार आणि मंत्री शंभुराज देसाई यांनी खळबळ उडवून दिली आहे.

कुणाच्या सोंगट्या कोणाच्या भोकात गेल्यात काही कळत नाही : ठाकरे शैलीत राज यांची टीका

अजित पवारांचे बंड आणि भाजपसोबतचा शपथविधी हे जे झालं आहे ते अत्यंत किळसवानं झालं आहे. जनमताचा कौल तुम्ही घेतला तर प्रत्येक घरामध्ये शिव्या ऐकायला येतील दुसरे काही ऐकायला येणार नाही. कोण कोणाच्या पक्षात आहे, कोणाचा पत्ताच लागत नाही. कुणाच्या सोंगट्या कोणाच्या भोकात गेल्या हे काही कळतच नाही, चुकीचा कॅरम फुटला आहे, असं म्हणत मनसे प्रमुख राज ठाकरे यांनी सध्याच्या राजकीय स्थितीवर भाष्य केलं आहे.

ते पुढे म्हणाले, 1978 साली शरद पवार यांनीच सुरुवात केली, त्याचा शेवट त्यांच्यावरच होतो आहे. ही गोष्ट काल काय अचानक घडलेली नाही ही गोष्ट गेली कित्येक दिवस चालू होती. घड्याळाने काटा काढला की काट्याने घड्याळ काढलं माहिती नाही. दुर्दैवी परिस्थिती आहे महाराष्ट्राची,जे काही घडलेलं आहे असं यापूर्वी राज्यात कधी घडलं नाही, अशी खंतही राज ठाकरे यांनी व्यक्त केली.

फडणवीस यांना विस्थापित करण्याची खेळी भाजपने केंद्रातून केली

अजित पवारांच्या बंडखोरीनंतर अनेक नेत्यांकडून प्रतिक्रिया व्यक्त केल्या जात असून, आता ठाकरे गटाच्या नेत्या सुषमा अंधारेंनी अजितदादांवर भाष्य केले आहे. त्या म्हणाल्या की, अजितदादांनी अट्टाहास कशासाठी केला हे कळत नाही. सकाळ दुपार संध्याकाळ कितीही मुहूर्त शोधले तरीही देवेंद्र फडणवीस यांच्या हाती काही लागत नाही. फार काम करून काय मिळणार असा सवाल उपस्थित करत फडणवीस यांना विस्थापित करण्याची खेळी भाजपने केंद्रातून केली आहे का? असा प्रश्नदेखील अंधारेंनी उपस्थित केला. कधीच राष्ट्रवादीचा भाग नव्हते. बाबासाहेबांनी जसे सांगितले आहे की, संस्थात्मक काम महत्त्वाचे आहे. जर काही काम करायचं असेल तर नेहमी संस्था निवडली पाहिजे. व्यक्ती की संस्था यात नेहमी संस्थाच निवडली पाहिजे.मूळ संस्था ही विचारांशी बांधील असते.

मी कुठेही जाणारा माणूस नाही - आव्हाड

मी शरद पवार यांना नेहमी भेटत असल्याने आजही भेटायला आलो आहे. मी कुठेही जाणारा माणूस नाही. शरद पवार यांना कधी न सोडणारा माणूस आहे. काँग्रेसचे नेते यांनी शरद पवार यांची भेट घेतली. ९ मंत्री सोडून बाकी सगळे आमच्यासोबत असणार असा विश्वासही यावेळी आव्हाडांनी व्यक्त केला. मी काहीही घ्यायला आलेलो नाही. दोन दिवस झाले पवार साहेब भेटले नाही. त्यामुळे त्यांची भेट घ्यायला आल्याचे आव्हाड म्हणाले. तसेच आता बाहेर पडलेल्यांना सोन्याचे दिवस दाखवणारे शरद पवार आहेत. हे सांगताना आव्हाडांचे डोळे आणि आवाज भरून आला होता.

आम्ही शरद पवारांना सोडू हे पत्र जयंत पाटील यांच्या हातात देण्यात आलं होतं. जयंत पाटलांनी ते शरद पवारांना ते दिलंच नाही. त्यांना माहिती होतं की, हे पत्र पाहिल्यावर शरद पवारांना किती वाईट वाटेल. त्यावेळी त्यातील काही आमदारांचं म्हणणं होतं की, शरद पवारांना सोडा, त्यांना एकट राहू द्या, त्यांचं संपलं असं एका आमदाराने म्हटले होते.

नाशिकमध्ये राष्ट्रवादी कार्यालयाबाहेर अजित पवार गट आणि शरद पवार गट आमने-सामने

नाशिकमध्ये राष्ट्रवादी कार्यालयाबाहेर अजित पवार गट आणि शरद पवार गट आमने-सामने आले आहे. राष्ट्रवादी कार्यालयात आयोजित बैठकीला अजित दादा गटाने विरोध केल्याने शरद पवार गटदेखील आक्रमक झाला आहे. नाशिक येथील कार्यालयावर छगन भुजबळ यांच्यागटाने ताबा घेतला आहे.
यावेळी दोन्ही गटाकडून जोरदार घोषणाबाजी करण्यात येते आहे.  अजित पवार गटाकडून अजित दादांच्या समर्थनार्थ तर शरद पवार गटाकडून शरद पवार यांच्या समर्थनार्थ घोषणाबाजी सुरु आहे.  राष्ट्रवादी कार्यालयाबाहेर पोलिसांचा मोठा बंदोबस्त असून दोन्ही गट आपल्या भूमिकेवर ठाम आहे.

नाना पटोलेंसह काँग्रेसचे पदाधिकाऱ्यांनी घेतली शरद पवारांची भेट

काँग्रेस प्रदेशाध्यक्ष नाना पटोले यांनी आज यशवंतराव चव्हाण प्रतिष्ठान येथे राष्ट्रवादी काँग्रेस पक्षाचे अध्यक्ष शरद पवार यांची भेट घेतली. यावेळी त्यांच्यासोबत महाराष्ट्र प्रदेश काँग्रेस कमिटीचे कार्याध्यक्ष माजी मंत्री नसीम खान, आ. कुणाल पाटील, माजी मंत्री डॉ विश्वजीत कदम, माजी आ.राहुल बोंद्रे, मुख्य प्रवक्ते अतुल लोंढे होते.

नाना पटोलेंसह काँग्रेसचे पदाधिकाऱ्यांनी घेतली शरद पवारांची भेट

सुनील तटकरेंनी प्रदेशाध्यक्षपदाचा कार्यभार स्वीकारला

राष्ट्रवादी काँग्रेस पक्षाच्या प्रदेशाध्यक्षपदाचा कार्यभार खासदार सुनील तटकरे यांनी स्वीकारला. राष्ट्रीय कार्याध्यक्ष प्रफुल पटेल,उपमुख्यमंत्री अजित पवार, मंत्री छगन भुजबळ, मंत्री दिलीप वळसे पाटील, मंत्री हसन मुश्रीफ, मंत्री धनंजय मुंडे, मंत्री अनिल पाटील, मंत्री अदिती तटकरे हे उपस्थित होते.

नाशिकमध्ये राष्ट्रवादीचे दोन गट आमने-सामने, तणावाची परिस्थिती

अजित पवारांच्या बंडामध्ये राष्ट्रवादीचे ज्येष्ठ नेते छगन भुजबळ सहभागी झाले आहेत. त्यानंतर अजित पवार व शरद पवार गट नाशिकमध्ये आमने-सामने आले आहेत. कार्यालयाचा ताबा घेण्यावरून राडा झाला आहे. तणावाचे वातावरण निर्माण झाले आहे. दंगल नियंत्रक पथकासही पोलिस दाखल झाले असून, ते कार्यकर्त्यांना अटकाव घालत आहेत.

...म्हणून अजितदादांना कुणी तोंडावर नाही म्हणत नाही; आव्हाडांकडून मोठा खुलासा

जितेंद्र आव्हाड ऑन अजित दादा
शरद पवार यांना माहिती आहे की, अजित पवारांबाबत आदरपूर्वक भीती आणि दहशत आहे.  त्यांचा दरारा, लोकांचं त्यांच्याविषयी  असलेलं प्रेम, आदर त्यांच्यामुळे त्यांना कोणी तोंडावर नाही म्हणतच नाही. मी देखील  त्यांना हो म्हणालो होतो.  मागे जाऊन मी ठरवलं होतं की मी जाणार नाही. त्यांची दहशतच एवढी आहे की त्यांना कोणीही तोंडावर नाही म्हणत नाही.

जितेंद्र आव्हाड ऑन आनंद परांजपे
- प्रत्येकाला आपापली चॉईस आहे, प्रत्येक जण जाऊ शकतो. त्याच्यामध्ये काहीही मोठं नाही आहे.

जितेंद्र आव्हाड ऑन राष्ट्रवादी पक्ष कार्यालय
- माझं कार्यालय हे माझ्या स्वतःचा बापाच्या मालकीचं आहे. माझे वडील जिंवत होते तेव्हा घेतलेले हे कार्यालय आहे, आणि राष्ट्रवादीच्या प्रेमापोटी ते राष्ट्रवादीला दिलेलं कार्यालय आहे.  हे कार्यालय कोणाच्या बापाचं नाही आहे.

अजिबात काळजी करू नका - अजित पवार

बंडखोरीनंतर अजित पवारांनी आज पहिल्या मंत्रिमंडळाच्या बैठकीला उपस्थिती लावली. त्यानंतर त्यांनी माध्यमांशी संवाद साधला ते म्हणाले की, मंत्रिमंडळाच्या आजच्या बैठकीत तसे नवीन काहीच नव्हतं. कारण आम्ही आणि मुख्यमंत्री शिंदे यांनी मंत्रिमंडळात एकत्र काम केले आहे. आम्हाला मंत्रिमंडळाचा अनुभव आहे. त्यापैकी बहुतांश मंत्री त्या मंत्रिमंडळात होते. भाजपमध्येही काही मंत्री आहेत, जसे राधाकृष्ण विखे पाटील - ते काँग्रेसमध्ये असताना मी त्यांच्यासोबत काम केले. त्यामुळे आजच्या बैठकीत काही नवीन नव्हते. सर्व कामे व्यवस्थित सुरू आहेत. तुम्ही अजिबात काळजी करू नका, बहुसंख्य (राष्ट्रवादी) आमदार माझ्यासोबत असल्याचा पुनश्च दावाही अजित पवारांनी यावेळी बोलताना केला आहे.

There was nothing new as such. We and Chief Minister Shinde have worked together in the cabinet. We have experience for the cabinet. Most of them were ministers in that cabinet. BJP also has some ministers, like Radhakrishna Vikhe Patil - when he was in Congress, I worked with… pic.twitter.com/I1rM4DoKu0

— ANI (@ANI) July 4, 2023

माझा फोटो माझ्या परवानगीनेच वापरावा.

अजित पवारांच्या बंडानंतर पवार कुटुंबात वादाची ठिणगी पडली आहे. बंडखोरीनंतर अजित पवारांनी आगामी काळातील सर्व निवडणुका राष्ट्रवादी पक्ष आणि चिन्हावरच लढवणार असल्याचे जाहीर केले आहे.

दरम्यान, अजित पवारांच्या बंडखोरीनंतर शरद पवार यांचा फोटो वापरण्यावरूनही वादालाल सुरूवात झाली होती. त्यावर आता पवारांनी स्पष्टीकरण दिले आहे. माझा फोटो माझ्या परवानगीनेच वापरावा. ज्यांनी माझ्या विचारांशी द्रोह केला. ज्यांच्याशी माझा आता वैचारिक मतभेद आहे.जीवंतपणी माझा फोटो कुणी वापरावा हा माझा अधिकार. त्यामुळे मी ज्या पक्षाचा राष्ट्रीय अध्यक्ष आहे.ज्यांचे प्रदेश अध्यक्ष जयंत पाटील आहे. त्या पक्षाने माझा फोटो वापरावा. अन्य कुणीही माझा फोटो वापरू नये असे स्पष्ट आदेश शरद पवार यांनी दिले आहेत.

'शरद पवार श्रीकृष्णाच्या तर अजित दादा अर्जुनाच्या रूपात; आमचा मात्र अभिमन्यू'

काल रात्री या बैठकीचे उशिरा निरोप गेले त्यामुळे काही जण हजर नाहीत. जिल्हा राष्ट्रवादी म्हणून आम्ही एकत्र आहोत. ४ ते ५ तालुका अध्यक्ष जे आज उपस्थितीत नाहीत त्यांच्याशी चर्चा केली जाईल. राज्यात अनपेक्षित घटना घडल्या असून, जिल्यातील इतर तालुक्यातील अध्यक्ष यांच्याशी चर्चा करून रात्री निर्णय घेऊ. शरद पवार श्रीकृष्ण यांच्या रूपात आहेत आणि अजित दादा अर्जुनाच्या रूपात आहेत आमचा मात्र अभिमन्यू झाला आहे. आम्ही शरद पवार यांचे का अजित पवार यांचे या प्रश्नाचे उत्तर देणे कठीण आहे. काही आमदार आणि खासदार यांच्याशी चर्चा करून जिल्ह्याची भूमिका ठरवू तसेच उद्या पुणे जिल्ह्यातील लोकं अजित दादा यांच्या बैठकीला जातील तर काही लोकं शरद पवार यांच्या बैठकीला जातील असे प्रदीप गारटकर, जिल्हा अध्यक्ष, राष्ट्रवादी काँग्रेस यांनी स्पष्ट केले आहे.

बंडखोरीनंतर पहिल्या मंत्रिमंडळाच्या बैठकीतील निर्णय

अजित पवारांच्या बंडखोरीनंतर आज (दि. 4) मंत्रिमंडळाची बैठक पार पडली. नव्याने उपमुख्यमंत्रीपदाची शपथ घेतल्यानंतर अजित पवार त्यांच्या नऊ मंत्र्यांसह या बैठकीला उपस्थित होते. या बैठकीत  खालीलप्रमाणे निर्णय घेण्यात आले आहेत.

मंगळवार ०४ जुलै २०२३ रोजी मंत्रिमंडळ बैठकीतील निर्णय (संक्षिप्त)

* राज्याचे ग्रीन हायड्रोजन धोरण जाहीर. देशातील महाराष्ट्र हे पहिले राज्य. नवीकरणीय ऊर्जा प्रकल्पांना मोठे प्रोत्साहन

( ऊर्जा विभाग)

* मराठा, कुणबी विद्यार्थ्यांना परदेशी उच्च शिक्षणासाठी सयाजीराव गायकवाड - सारथी शिष्यवृत्ती योजना. ७५ विद्यार्थ्यांना दरवर्षी शिष्यवृत्ती

(नियोजन विभाग)

• दिंडोरी तालुक्यातील चिमणपाडा आणि त्र्यंबक तालुक्यातील कळमुस्ते येथील प्रवाही वळण योजनांना मान्यता

(जलसंपदा विभाग)

• नागपूर येथील मे.शिवराज फाईन आर्ट लिथो वर्क्सच्या कर्मचाऱ्यांना शासन सेवेत सामावून घेणार

(उद्योग विभाग)

• सेवानिवृत्त मुख्य न्यायमूर्ती, न्यायमूर्ती किंवा त्यांचे पती, पत्नी यांना सेवानिवृत्तीनंतरचे लाभ

(विधि व न्याय विभाग)

• सिंधुदुर्ग जिल्ह्यातील आंबोली, गेळे आणि चौकुळ येथील कबूलायतदार गावकर जमिनीबाबत निर्णय.

(महसूल विभाग)

• नागपूर कृषि महाविद्यालय येथे आंतरराष्ट्रीय कृषि सुविधा केंद्र

(कृषि विभाग)

• मत्स्यबीज उत्पादन आणि मत्स्यबीज संवर्धन केंद्रांचा भाडेपट्टी कालावधी वाढवून आता २५ वर्षे

(पदुम विभाग)

मी शरद पवार यांच्या राष्ट्रवादी काँग्रेस पार्टीचा अध्यक्ष

आमची नॅशलिस्ट काँग्रेस पार्टी आहे तर आताच राज्यात नॉशनल पार्टी अस्तित्वात आली आहे. नोश्लन पार्टीने मला निलंबित केले काय किंवा ठेवलं काय मी शरद पवार यांच्या राष्ट्रवादी काँग्रेस पार्टीला अध्यक्ष आहे. त्यामुळे अशा कोणत्याही घडामोडींवर प्रतिक्रिया देणे मला आवश्यक वाटत नाही. शिंदे गटाचे आमदार नाराज आहेत असं कळतंय शरद पवार संपूर्ण महाराष्ट्राचा दौरा करणार असून, लवकरच तो जाहीर करू.

नवाब मलिक हे भाजपमध्ये जाण्याचा कोणता विचार करतील असं मला वाटत नाही. उद्या दुपारी १ वाजता यशवंतराव चव्हाण सेंटर येथे राष्ट्रवादीच्या नेत्यांची बैठक ठेवली आहे.मोठ्या संख्येत लोक शरद पवार यांच्यासोबत आहे हे समजेल. आमची पार्टी ही नॅशनल राष्ट्रवादी पार्टी आहे. आता जी झाली आहे ते नोशनल पार्टी आहे.नोशनल पार्टीने मला निलंबित केलं किंवा नाही केलं मी शरद पवार यांच्या पक्षाचा प्रदेश अध्यक्ष आहे. शरद पवार हे आमच्या पक्षात आहेत.

अजितदादांसह शपथ घेतलेल्या शिलेदारांना मिळणार ही खाती

अजित पवार महसूल मंत्री, छगन भुजबळ- ओबीसी कल्याण मंत्री, दिलीप वळसे पाटील यांच्याकडे संसदीय कार्य आणि कृषी, हसन मु्श्रीफ यांच्याकडे औकाफ व कामगार कल्याण, अदिती तटकरे यांच्याकडे महिला अन् बालविकास, धनंजय मुंडे समाजकल्याण, संजय बनसोड यांच्याकडे क्रीडा आणि युवक कल्याण, अनिल पाटील यांच्याकडे अन्न आणि नागरी पुरवठा, धर्माराव आत्राम यांच्याकडे आदिवासी विकास मंत्रालय दिले जाऊ शकते अशी माहिती सुत्रांनी दिली आहे.

राष्ट्रवादीच्या कार्यालय उद्घटनावेळी राडा; कार्यकर्त्यांनी दरवाजा तोडून आतमध्ये केला प्रवेश

राष्ट्रवादीतील बंडानंतर आज (दि.4) अजित पवारांच्या नव्या कार्यालयाचे उद्घाटन होणार आहे. दुपारी एकच्या सुमारास या कार्यालायाचे उद्घाटन अजित पवारांच्या हस्ते  केले जाणार आहे. मात्र,त्यापूर्वी राष्ट्रवादी कार्यालयात राडा झाला आहे. नवे कार्यालय  उघडण्यासाठी राष्ट्रवादीचे काही कार्यकर्ते गेले होते. त्यावेळी कार्यालयाची चावी अंबादास दानवे यांच्या पीएकडे होती. ज्यावेळी चावीची मागणी करण्यात आली त्यावेळी संबंधित पीएने उलट उत्तरे दिली. त्यानंतर राष्ट्रवादीच्या कार्यकर्त्यांनी दरवाजा तोडत आतमध्ये प्रवेश केला.

प्रदेशाध्यक्षपदी निवड होताच चाकणकर यांची प्रतिक्रिया

पाव भाकरीत सध्यातरी खूश; शिंदेंच्या शिलेदाराने सांगितलं नेत्यांच्या मनात काय

अजित पवार सत्तेत सहभागी झाल्यामुळे शिंदे गटात नाराजी असल्याची चर्चा सुरू झाली आहे. या सर्वामध्ये अजित पवारांच्या सहभागानंतर नऊ जणांनी मंत्रिपदाची शपथ घेतली आहे. यामुळे नाराज आहात का असा प्रश्न शिंदे गटाचे प्रवक्ता भरत गोगावले यांनी प्रतिक्रिया दिली आहे. ते म्हणाले की, आता नाराज होऊन काय करणार जी वस्तुस्थिती आहे ती स्वीकाररावी लागणार असून त्याला सामोरे जावे लागणार आहे. थोडीफार नाराजी प्रत्येकाची राहणार कारण ज्याला एक भाकरी खायची होती त्याला आर्धी मिळाली. तसेच आर्धी खायची त्याला पाव मिळाली. राजकारणाच समीकरण घेऊन पुढे चालायचं असेल तर हे सर्व स्वीकारावे लागेल असे म्हणत सध्या तरी पाव भाकरीत खूश असल्याचे गोगावले यांनी म्हटले आहे

भाजपविरोधात मविआ एकत्रित लढणार

 "ज्या पक्षाकडे सर्वाधिक आमदार असतील, त्या पक्षाचा विरोधी पक्षनेता असेल. आम्ही (राष्ट्रवादी, काँग्रेस आणि उद्धव ठाकरे गट) भाजपविरोधात एकत्र लढू. 2024 च्या लोकसभेच्या निवडणुकामध्ये काँग्रेसला चांगल्या जागा मिळतील असा विश्वास महाराष्ट्र काँग्रेसचे नेते बाळासाहेब थोरात यांनी व्यक्त केला आहे. एमव्हीए एकत्र असून, राज्यातील जनतादेखील आमच्यासोबत असल्याचे थोरातांनी म्हटले आहे.

#WATCH | Maharashtra Congress leader Balasaheb Thorat, says "Leader of the Opposition will be from the party which has the maximum number of MLAs. We (NCP, Congress and Uddhav Thackeray faction) will fight together against BJP. Congress will get a good number of seats in 2024 Lok… pic.twitter.com/2RM1yCHwO7

— ANI (@ANI) July 4, 2023

काँग्रेस ठोकणार विरोधीनेतेपदावर दावा

अजित पवारांच्या बंडानंतर विरोधीपक्ष नेते पद रिक्त झाले आहे. यावर आता कुणाची वर्णी लागणार याकडे सर्वांचे लक्ष लागलेले असून, थोड्याच वेळात काँग्रेसची मुंबईत बैठक पार पडणार आहे. यात काँग्रेसकडून या पदावर दावा ठोकला जाऊ शकतो अशी शक्यात आहे. पहिले शिवसेना आणि आता राष्ट्रवादीला फोडून भाजप स्वतःचे घर सजवत असल्याचे काँग्रेसचे प्रदेशाध्यक्ष नाना पटोले यांनी म्हटले आहे.

अजित पवार मंत्रालयात दाखल

बंडखोरीनंतर राष्ट्रवादीच्या नऊ मंत्र्यांनी शपथ घेतली. त्यानंतर आज मंत्रिमंडळाची बैठक पार पडणार असून, शपथ घेतलेल्या मंत्र्यांसह अजित पवार मंत्रालयात दाखल झाले आहे. इतके दिवस राष्ट्रवादी विरोधी पक्षात होता. मात्र, आता हा पक्ष शिंदे-भाजपसोबत आला आहे. त्यामुळे इतके दिवस शिंदे-फडणवीसांच्या निर्णयांना विरोध करणार अजित पवार आणि त्यांचे सहकारी आज बैठकीला उपस्थित असणार आहेत. त्यामुळे आजच्या बैठकीत तिन्ही पक्षांच्या नेत्यांना तसेच जनतेला समोर ठेऊन नेमके कोणते निर्णय घेतले जातात हे पाहणे महत्त्वाचे ठरणार आहे.

#WATCH | Maharashtra Deputy CM Ajit Pawar leaves from his office to inaugurate a new NCP party office near Mantralaya in Mumbai. pic.twitter.com/Yl5Qqn2Ryr

— ANI (@ANI) July 4, 2023

प्राजक्त तनपुरे नेमके कुणासोबत?

राष्ट्रवादीतील बंडानंतर अनेकजण शरद पवारांसोबत जात आहेत तर, काहीजण अजित पवारांच्या गोटात सहभागी होत आहेत. या सर्वघडामोडींमध्ये राष्ट्रवादीचे नेते जयंत पाटील यांचे भाचे प्राजक्त तनपुरे यांनी आपण शरद पवार यांच्यासोबत असल्याचे जाहीर केले होते. मात्र, काही ता होत नाही तोच आज त्यांनी अजित पवारांची भेट घेतली आहे. त्यामुळे तनपुरे नेमकं कोणाला पाठिंबा देत आहेत याबाबत राजकीय वर्तुळात चर्चा रंगली आहे

राजीनामा लोकसभेचा अध्यक्षांच्या दिशेने का वळेना ?

राष्ट्रवादी काँग्रेसमधील अजित पवारांच्या बंडानंतर अनेक आमदार आणि खासदारांनी अजितदादांचा हात धरत राष्ट्रीय अध्यक्ष शरद पवार यांना धक्का दिला. यात शिरुरचे खासदार डॉ. अमोल कोल्हे हे देखील आघाडीवर होते. ते अजित पवार यांच्या शपथविधीला देखील उपस्थित होते. यावेळी त्यांनी काहीही न बोलण्याची भूमिका घेतली होती. मात्र, कालच्या बंडखोरीनंतर आता त्यांनी घुमजाव करत ‘मी साहेबांसोबत’ म्हणत शरद पवार यांच्यासोबतच असल्याचे स्पष्ट केले. तसेच मतदारांच्या विश्वासाला तडा जाऊ नये म्हणून मी माझा खासदार पदाचा राजीनामा शरद पवार साहेबांकडे देणार असल्याचे खासदार अमोल कोल्हेंनी म्हटले आहे.

यावर रयतक्रांति संघटनेचे नेते सदाभाऊ खोत यांनी ट्विट करत कोल्हेंवर टीका केली आहे. खासदार पदाचा राजीनामा शरद पवारांकडे देणार - खासदार अमोल कोल्हे खेळ मांडीला मांडीला गुगल्यांचा खेळ मांडीला, अमोल कोल्ह्यांना कसे काहीच कळेना राजीनामा लोकसभेचा अध्यक्षांच्या दिशेने का वळेना ? असा खोचक प्रश्न खोत यांनी उपस्थित केला आहे.

खासदार पदाचा राजीनामा शरद पवारांकडे देणार - खासदार अमोल कोल्हे

खेळ मांडीला मांडीला गुगल्यांचा खेळ मांडीला, अमोल कोल्ह्यांना कसे काहीच कळेना राजीनामा लोकसभेचा अध्यक्षांच्या दिशेने का वळेना ?

— Sadabhau Khot (@Sadabhau_khot) July 4, 2023

रोहित पवारांनी ट्विट करत साधला बंडावर निशाणा

महाराष्ट्राची राजकीय संस्कृती चिखलात तुडवणारी... मराठी माणसाची अस्मिता असलेल्या शिवसेनेला आपापसात झुंजायला लावून विकृत आनंद घेणारी... आणि हाच प्रयोग आता राष्ट्रवादीच्या बाबतीत करणारी महाराष्ट्रातली एकमेव शक्ती आणि व्यक्ती कोण असावी? असं म्हणत रोहित पवारांनी एक ट्विट केले आहे. ज्यात त्यांनी अमेरिकेची राष्ट्राध्यक्ष अब्राहम लिंकन यांचे विचार मांडत मनातील खदखद व्यक्त केली आहे. 'जर तुम्ही एकदा जनतेचा विश्वास तोडला तर तुम्हाला परत कधी जनतेचा आदर आणि सम्मान मिळणार नाही' असे म्हणत रोहित पवारांनी सध्याच्या बंडावर निशाणा साधला आहे.

pic.twitter.com/V4Fb7nHBY9

— Rohit Pawar (@RRPSpeaks) July 4, 2023

राष्ट्रवादीची मुलुख मैदानी तोफ साहेबांसोबतच

राष्ट्रवादीची मुलूख मैदानी तोफ म्हणून ओळख असलेले विधानपरिषदेचे आमदार शशिकांत शिंदे यांनी अखेर आपली भूमिका स्पष्ट केलीय. राष्ट्रवादी काँग्रेसच्या फुटीनंतर कार्यकर्त्यांमध्ये संभ्रमाचं वातावरण निर्माण झालेलं असतानाच शशिकांत शिंदे यांनी आपला निर्णय जाहीर केला आहे. फेसबुकद्वारे पोस्ट लिहित शिंदे यांनी “सदैव शरद पवार साहेबांसोबत” असं कॅप्शन देत व्हिडिओ पोस्ट केला आहे. त्यामुळे आता शशिकांत शिंदेंही शरद पवारांच्या मागे ठामपणे उभे असल्याचं स्पष्ट झालं आहे.

भाजप हा राजकारणातील सिरियल किलर - राऊत

अजित पवारांच्या बंडानंतर एकीकडे राष्ट्रवादीतील वातावरण ढवळून निघालेले असताना दुसरीकडे ठाकरे गटाचे खासदरा संजय राऊतांनी भाजपवर जोरदार हल्लाबोल केला आहे. भाजप हा राजकारणातील सिरियल किलर तसेच सिरियल रेपिस्टस असल्आयाचे गंभीर आरोप केले आहेत. एवढेच नव्हेतर, भाजपने शिंदेगटाला पक्ष आणि चिन्हावर दावा करायला लावला. तसंच राष्ट्रावादीतून फुटलेल्या लोकांनाही भाजपने करायला लावल्याचा उल्लेख राऊतांनी केला आहे.