नगर शहरानंतर विविध कार्यालयांचं नामांतर; पोस्ट ऑफीसचे नावही अहिल्यानगर केलं जाणार
- Written By: shruti letsupp Published:
Post Office will be renamed after Nagar City renamed Ahilyanagar : नगर शहर आणि जिल्ह्याचे नामांतर झाल्यानंतर येथील सरकारी कार्यालयेही नावात बदल करू लागली आहेत. यात पोस्टाचीही भर पडली आहे. शहरातील मुख्य कार्यालयासह अन्य कार्यालयांतील शहर व जिल्ह्याचे नाव अहिल्यानगर करावे अशा सूचना मुख्य कार्यालयाने दिल्या आहेत. यासंदर्भात एक पत्र पाठवण्यात आले आहे. या पत्रात वरील सूचना देण्यात आल्या आहेत. या नुसार आता नगर शहरातील मुख्य जिल्हा कार्यालयासह विभागीय कार्यालये तसेच जिल्ह्यातील पोस्ट कार्यालयांच्या नावात बदल करण्यात येणार आहे.
शहरातील विविध कार्यालयांची नावे देखील बदलण्यात येत आहेत. यामध्येच टपाल विभागाचे अहमदनगर कार्यालयाचे देखील नाव अहिल्यानगर केले जावे. यासाठी अधिकाऱ्यांकडून वरिष्ठ अधिकाऱ्यांना पत्र पाठवण्यात आले आहे. यामध्ये ज्याप्रमाणे शहराचे नाव बदललं त्यानंतर हळूहळू विविध कार्यालयांचे नामांतर होत असताना पोस्ट ऑफिसचे नाव देखील अहिल्यानगर केले जावं अशी मागणी या कार्यालयाच्या अधिकाऱ्यांनी केली आहे.
त्याचबरोबर कार्यालयावरील पाट्या तसेच विविध कागदपत्र आणि स्टॅम्प देखील याच नावाचे केले जावेत अशी मागणी या पत्रामध्ये करण्यात आली आहे. त्यामुळे आता शहरानंतर लवकरच अहमदनगर पोस्ट ऑफिसच नाव देखील अहिल्यानगर होणार आहे.
संबंधित बातम्या
23 ते 31 मे दरम्यान अहिल्यानगर गौरवदिन अंतर्गत पालकमंत्री सांस्कृतिक महोत्सवाचे भव्य आयोजन
