पैशांचे गठ्ठे उडवणारा भोसले धसांसाठी काम करतो?; खुद्द ‘खोक्या’ भाईने दिली उत्तरं

Satish Bhosale Khokya : गेली काही दिवसांपासून शिरुर तालुक्यातील सतीश भोसले उर्फ (Khokya ) खोक्या चर्चेत आहे. त्याचे अनेक व्हिडिओ समोर आले. तसंच, काही लोकांना मारहाण केली म्हणून तो चर्चेत आला. त्याचबरोबर भाजप आमदार सुरेश धस यांचा कार्यकर्ता म्हणूनही त्याची मोठी चर्चा झाली. सध्या त्याच्या मागावर पोलीस असल्याने तो फरार आहे. मात्र, नुकतीच त्याची एका वृत्तवाहिनीने मुलाख घेतल्याने त्याची पुन्हा एकदा जोरदार चर्चा सुरू झाली आहे.

सतीष भोसलेच्या घरी धाड; वन विभागाला काय सापडलं?, फरार खोक्या पोलिसांच्या जाळ्यात अडकणार

सतीश भोसलेने मारहाणीचे समर्थने केले. जे अत्याचार करतात, त्यांना नागडे करून मारा, चौकात घेऊन मारा, हे फक्त सांगायलाच आहे का? असे हा सतीश भोसले म्हणाला. त्याचबरोबर पैसे उधळतानाच्या व्हिडीओबद्दलही त्याने स्पष्टीकरण दिलं आहे. वेगवेगळ्या गुन्ह्यात पोलीस सतीश भोसलेचा शोध घेत आहेत. पोलिसांना गुंगारा देणाऱ्या सतीश भोसलेने व्हायरल होत असलेल्या व्हिडीओंवर खुलासे केले आहेत.

सतीश भोसले म्हणाला, ‘दोन प्रकरणे आहेत. एक बॅटने मारलेलं प्रकरण. माझा मित्र माऊली खेडकरच्या पत्नीची तो माणूस वारंवार छेड काढत होता. त्यांचा अंघोळ करतानाचा व्हिडीओ व्हायरल करेन म्हणत होता. तू माझ्यासोबत काही गोष्टी करायला हो म्हणालीस, तर मी हा व्हिडीओ व्हायरल करणार नाही. त्यानंतर मला माऊलीने सांगितलं की, माझ्या घरी असा असा विषय झाला आहे. ते ऐकून माझं डोकं संतापलं. नंतर मी त्याला बॅटने मारहाण केली.”

…तर काय फरक पडला?

मारहाण करण्याचं खरं प्रकरण काय आहे आणि त्याला वेगळं वळण दिलं जात आहे. जातीचं वळण दिलं जात आहे. काहीतरी राजकारण होतंय. तो आता बोललो की माझा काही विषय नाहीये. माऊलीकडे त्याचे व्हिडीओ आहेत. फोनपे ला पैसे पाठवल्याचे पुरावे आहेत. दहा लाखांना फसवलं आहे. त्याला माऊलीच्या पत्नीसोबत हे प्रकार करायचा होता का? तिने काही करून घेतलं असतं, तर मग सगळ्यांनी मेणबत्त्या घेऊन मूकमोर्चा काढायचा होता का? आज त्याला झापडा मारल्या तर काय फरक पडला? अत्याचार करतात त्यांना नागडं करून मारा, चौकात नेऊन मारा हे सांगायलाच आहे का? त्याला चार बॅट मारल्या म्हणून काय फरक पडला?, असं म्हणत सतीश भोसलेने मारहाणीचे समर्थन केलं आहे.

धस यांच्यासा तू या गोष्टी करतो का?

अंजली दमानिया यांनी सतीश भोसलेवर सुरेश धसांचा माणूस असल्याचा आणि त्यांच्यासाठी काम करत असल्याचा आरोप केला आहे. यावर सतीश भोसले म्हणाला की, ‘अंजली दमानियांना चुकीची माहिती पुरवतात. चुकीची माहिती पुरवल्यामुळे त्या तसं बोलतात. गुंड कशाला म्हणतात? माझे सामाजिक कार्याचे व्हिडीओ बघा ना तुम्ही. माझे इन्स्टाग्राम चेक केले नाही, फेसबुक चेक करत आहात. फेसबुक, इन्स्टाग्रामवर जे रील बनवतात, लाखो-कोटींचे लोक रील बनतात. मी एका छोट्या कुटुंबातील माणूस आहे. मला कारखान्याचे पैसे आले होते. आपल्याकडे पैसे आहेत, तर एखादा बनवू म्हणून मी ते बनवले. यात कसला माज? घरी बसल्या बसल्या व्हिडीओ बनवले, असे सतीश भोसले म्हणाला.

संबंधित बातम्या