Live Blog । Thackeray Vs Shinde : निवडणूक आयोगाच्या निर्णयावर कपिल सिब्बलांनी काय युक्तिवाद केला?
- Written By: pravin Published:
आजपासून सुप्रीम कोर्टात आमदारांच्या अपात्रतेबाबात आजपासून सलग तीन दिवस सुनावणी होणार आहे. कोर्टामध्ये ठाकरे आणि शिंदे गटाकडून नव्याने सुनावणी केली जाणार आहे.
याशिवाय निवडणूक आयोगाने शिवसेना पक्षनाव आणि धनुष्यबाण चिन्ह शिंदे गटाला देण्याचा निर्णय दिला आहे. याविरोधातही सोमवारी उद्धव ठाकरे यांच्यावतीने याचिका दाखल करण्यात आली. या याचिकेवरही आज सर्वोच्च न्यायालयात सुनावणी होण्याची शक्यता आहे.
कोर्टाच्या कामकाजाचे आणि प्रत्येक अपडेट वाचा
LIVE NEWS & UPDATES
-
आजची सुनावणी संपली
सुप्रिम कोर्टाची आजची सुनावणी संपली आहे.
उद्या पुन्हा नियमित सुनावणी होणार
-
कपिल सिब्बल यांनी काय युक्तिवाद केला?
सर्वोच्च न्यायालयाच्या (Supreme Court) घटनापीठासमोर आज शिंदे गट विरुद्ध ठाकरे गट असा युक्तीवाद सुरु आहे. ठाकरे गटाचे वकील कपिल सिब्बल (Kapil Sibbal) आज सकाळ पासून आपली बाजू मांडत आहेत.
Thackeray Vs Shinde : निवडणूक आयोगाचा निर्णय, बहुमत, राज्यपाल… कपिल सिब्बल यांनी काय युक्तिवाद केला?
-
निवडणूक आयोगाने पक्षाला गृहीत धरलं नाही
निवडणूक आयोगाने फक्त विधीमंडळातील बहुमतावर निर्णय दिला. निवडणूक आयोगाने पक्षाला गृहीत धरलं नाही. कपिल सिब्बल यांचा युक्तिवाद
पक्षाचं काही म्हणणं न मांडू देता निवडणूक आयोगाने धनुष्यबाण चिन्ह गोठवलं. निवडणूक आयोगाने हे करण्यापूर्वी सुनावणी करण्याची गरज होती. उद्धव ठाकरेंनी या आदेशाला आक्षेप घेतला आणि निवडणूक आयोगाने सुचवलेलं नाव आणि चिन्ह दोन्हीही नाकारल्या
-
शिंदे गटाकडे संपूर्ण बहुमत आहे असं नाही.
शिंदे गट सगळीकडे आमच्याकडे बहुमत असलेलं सांगत असले तरी शिंदे गटाकडे जबरदस्त बहुमत आहे, असं नाही. सिब्बल यांचा युक्तिवाद
राज्यसभेचे ३ आणि लोकसभेचे ६ खासदार ठाकरे गटासोबत आहेत. त्यामुळे दोन सभागृहात (लोकसभा, विधानसभा) त्यांचे बहुमत असेल तर दोन सभागृहांत (राज्यसभा, विधानपरिषद) आमचे बहुमत आहे.
-
१२ आमदारांचा प्रश्न लांबवून ठेवणं हे राज्यपालांचं राजकारण…
आमदारांनी बंड करणं हे सभागृहाच्या बाहेर घडलेली घटना आहे. त्यामुळे ते विधानसभा अध्यक्ष नव्हे तर पक्ष अध्यक्ष पक्षशिस्त भंगाची कारवाई करू शकतात, असा युक्तिवाद सिब्बल यांनी न्यायालयात केला. तसेच राज्यपालांना अधिवेशन बोलवण्याचा अधिकार नाही. राज्यपालांनी विधानसभा अधिवेशन बोलवण्याचे आदेश कसे काय दिले? हा अधिकार मुख्यमंत्र्यांचा आहे, असा प्रश्न सिब्बल यांनी उपस्थित केला.
Kapil Sibal : १२ आमदारांचा प्रश्न लांबवून ठेवणं हे राज्यपालांचं राजकारण…
-
‘व्हिप’मुळे ठाकरेंची आमदारकी जाणार? व्हिप म्हणजे काय, कोणाला अधिकार?
मागच्या आठवड्यात निवडणूक आयोगाने शिवसेना नाव आणि धनुष्यबाण हे चिन्ह दोन्ही एकनाथ शिंदे यांना देण्याचा निर्णय घेतला. त्यामुळे ठाकरे गटातील नेत्यांचं काय होणार ? त्यांच विधानसभा आणि लोकसभा सदस्यत्व जाणार का असे प्रश्न माध्यमांत चर्चेला जात आहे.
त्यावर शिंदे गटाकडून ठाकरे आणि त्यांच्या सोबतच्या आमदाराचं सदस्यत्व रद्द होणार असल्याचा दावा केला जात आहे. त्यावर उद्धव ठाकरे यांनीही हा व्हीप लागू होत नाही. असा दावा केला.
या पार्श्वभूमीवर व्हीप म्हणजे काय? ज्यामुळे ठाकरे गटातील आमदारांच सदस्यत्व टिकणार का नाही, याचं भविष्य ठरवणार आहे.
Thackeray Vs Shinde : ‘व्हिप’मुळे ठाकरेंची आमदारकी जाणार? व्हिप म्हणजे काय, कोणाला अधिकार?
-
भरत गोगावले 'प्रतोद' कधी झाले?
शिंदे गटाकडून भरत गोगावले 'प्रतोद' म्हणून यांची नेमणूक केली पण त्यांना मान्यता नार्वेकर विधानसभा अध्यक्ष झाल्यानंतर मिळाली.
त्यामुळे त्यांचा व्हिप कसा मानायचा ?
कपिल सिब्बल यांचा युक्तिवाद
-
ब्रेकनंतर पुन्हा एकदा सुनावणी सुरू
ठाकरे गटाचे वकील कपिल सिब्बल यांचा युक्तिवाद सुरू आहे.
लंच ब्रेकसाठी काही वेळ कामकाज स्थगितीनंतर थोड्याच वेळात सुनावणीला पुन्हा सुरुवात होईल.
-
अध्यक्षांची निवड चुकीची
विधानसभा अध्यक्षांची निवड चुकीची आहे. नार्वेकर यांना (शिंदे गट वगळल्यास) बहुमतापेक्षा एक मत कमी आहे, कपिल सिब्बल यांचा युक्तिवाद
शिंदे गटाला वगळल्यानंतर नार्वेकरांना निवडीसाठी आवश्यक ती मतं मिळाली. नीरज कौल यांचा प्रतिवाद
-
राज्याच्या बाहेर झालेल्या बैठका अधिकृत नाही
राज्याच्या बाहेर (आसाम मध्ये झालेल्या) झालेल्या सर्व बैठका पक्षाच्या नाहीत.
त्यामुळे त्या अधिकृत नाहीत, त्यामुळे शिंदेचे अधिकृत नाही
सिब्बल यांचा युक्तिवाद
