Bhiwandi : चार मजली इमारत पत्त्यांसारखी कोसळली…मलब्याखाली अनेक जण अडकल्याची भीती

भिवंडीतील बालाजीनगर-गंगारामवाडी परिसरात गुरुवारी दि. 30 जुलै रोजी रात्री उशिरा चार मजली इमारत पत्त्यांसारखी कोसळल्याची घटना घडली.

Bhiwandi : भिवंडी महापालिकेच्या हद्दीतील बालाजीनगर-गंगारामवाडी परिसरात गुरुवारी दि. 30 जुलै रोजी रात्री उशिरा चार मजली इमारत पत्त्यांसारखी कोसळल्याची घटना घडली. कोहिनूर अपार्टमेंट असं या चार मजली इमारतीचे नाव असून या दुर्घटनेमुळे एकच खळबळ उडालीयं. या इमारतीच्या मलब्याखाली काही मजूर, नागरिक अडकल्याची भीती व्यक्त केली जात आहे. या घटनेनंतर एनडीआरएफ आणि टीडीआरएफ अग्निशामक दलाच्या पथकांनी घटनास्थळी धाव घेत बचावकार्य सुरु केले आहे.

VIDEO | Maharashtra: Rescue operations continue after four-storey building collapses in Bhiwandi; several labourers feared trapped.#BhiwandiBuildingCollapse #MaharashtraNews

(Full video available on PTI Videos – https://t.co/n147TvrpG7) pic.twitter.com/JrDFZztkFr

— Press Trust of India (@PTI_News) July 31, 2026

घटनेची माहिती मिळतात पालिका आपत्कालीन कक्ष अग्निशामक दलाचे जवान घटनास्थळी धावून आले. परंतु इमारतीपर्यंत पोहोचण्यासाठी अरुंद रस्ता असल्या कारणाने बचाव सुरू करण्यात अडथळे येत होते. त्यानंतर रात्री एक वाजता घटनास्थळी एनडीआरएफचे पथक व टीडीआरएफ दाखल झाले. इमारतीच्या सुरुवातीला असलेली एक जुनी चाळ जेसीबीच्या सहाय्याने तोडून काढल्यानंतर दुर्घटग्रस्त इमारतीपर्यंत यंत्रणा पोहोचली. त्यानंतर बचाव कार्य करण्यासाठी सुरुवात केली आहे.

#WATCH | Maharashtra | A body recovered from the site where a four-storey building partially collapsed in Bhiwandi, late night. pic.twitter.com/woAXSJjXFR

— ANI (@ANI) July 31, 2026

कोहिनूर अपार्टमेंट ही 2007 मध्ये असिसमेंट असून 2012 मध्ये ही इमारत बनवण्यात आली असून या इमारतीमध्ये दोन अपार्टमेंट होते. परंतु कमकुवत काम असल्याने सुरवातीपासूनच इमारत धोकादायक झाल्याने पालिकेने ही इमारत धोकादायक घोषित केली होती. तर या इमारतीच्या एका विंगच्या तळमजल्यावर काही पिलर नादुरुस्त झाल्याने त्याची दुरुस्ती केली जात असल्याने सायंकाळी सहा वाजतापासूनच इमारतीला तडे जाण्यास सुरुवात झाली होती. त्यामुळे रात्री आठ वाजता इमारत झुकत असल्याने पालिका प्रभाग समिती क्रमांक चारचे सहाय्यक आयुक्त अरविंद घोगरे यांनी कर्मचाऱ्यांसह घटनास्थळी दाखल होत इमारत खाली करण्यात येत होती. परंतु तळमजल्यावरील दुरुस्ती काम सुरू राहिल्याने व काही कुटुंबातील व्यक्ती साहित्य घेण्यासाठी इमारतीमध्ये असल्याने दुर्घटना घडल्यानंतर या इमारतीच्या ढिगाऱ्याखाली अडकल्याची भीती व्यक्त केली जात आहे.

संबंधित बातम्या