मुंबईतील 36 मतदारसंघांत विजयाचा गुलाल कोणी उधळला? वाचा एका क्लिकवर

Assembly Election Result 2024 Mumbai Suburban District Updates :  मुंबईतील बहुतांश कल मुंबईकडे पाहायला मिळतोय. राज्याची आर्थिक राजधानी म्हणून मुंबईकडे पाहिलं जातंय. मुंबई उपनगर विधानसभा मतदारसंघाच्या निकालावर अनेक गोष्टी अवलंबून आहेत. मुंबई उपनगर जिल्ह्यात 26 मतदारसंघांचे निकाल आज मुंबई कोणाकडे राहणार हे (Assembly Election Result 2024) निश्चित करणार आहे. मुंबई उपनगरात 26 मतदारसंघांमधून एकूण (Mumbai Suburban District) 315 उमेदवार रिंगणात होते. मुंबई उपनगर परिसरात जो पक्ष जास्त जागा जिंकणार त्याच पक्षाचं आगामी मुंबई महानगरपालिका निवडणुकीत वर्चस्व राहणार आहे. यादृष्टीने मुंबई उपनगर परिसरातील 26 मतदारसंघाचा निकाल महत्त्वपूर्ण मानला जातोय. मुंबई उपनगरामध्ये विधानसभा निवडणूक 2019 मध्ये भाजपचे 12, शिवसेनेचे 9, काँग्रेसचे 3 आणि राष्ट्रवादी काँग्रेस आणि समाजवादी पक्षाचा प्रत्येकी एक उमेदवार निवडून आला होता. त्यामुळे मुंबई उपनगरात यंदा काय घडणार, याकडे सर्वांचं लक्ष लागलेलं आहे.

Maharashtra Assembly Election : मोठी बातमी! पहिला कल भाजपच्या बाजूने

यंदा मुंबई उपगनगरामध्ये मुख्य लढत ठाकरे गट, शिंदे गट आणि भाजपमध्ये आहे. महायुती आणि महाविकास आघाडीच्यादृष्टीने मुंबई उपनगरातील मतदारसंघ प्रतिष्ठेचे मानले जात आहेत. बोरिवली, वर्सोवा, घाटकोपर पश्चिम, जोगेश्वरी पूर्व, भांडुप पश्चिम, विक्रोळी, मानखुर्द शिवाजीनगर आणि वांद्रे पूर्व या मतदारसंघांत हायव्होल्टेज लढती झालेल्या आहेत. मुंबई शहरात 10 आणि मुंबई उपनगरात 26 असे एकूण 36 मतदारसंघ आहेत. आता मुंबईच्या राजकारणावर आगामी काळात महायुतीचा पगडा राहणार, हे आजच्या निकालाने स्पष्ट केलं आहे. यंदाच्या निवडणुकीमध्ये ‘बटेंगे तो कटेंगे’, ‘व्होट जिहाद’ हे मुद्दे चांगले प्रभावी ठरल्याचं चित्र आहे.

आठवण करून द्यावी म्हटलं; बाकी काही नाही, सुषमा अंधारेंनी मुख्यमंत्री शिंदेंचं वक्तव्य काढलं उकरून   

मुंबईतील विजयी उमेदवारांची यादी खालीलप्रमाणे

* मलबार हिल विधानसभा मतदारसंघ–  मंगलप्रभात लोढा (भाजप)
* बोरिवली विधानसभा मतदारसंघ- संजय उपाध्याय (भाजप)
* वडाळा विधानसभा मतदारसंघ– कालिदास कोळंबकर (भाजप)
* कुलाबा विधानसभा मतदारसंघ– राहुल नार्वेकर (भाजप)
* वांद्रे पश्चिम विधानसभा मतदारसंघ– आशिष शेलार (भाजप)
* अंधेरी पूर्व विधानसभा मतदारसंघ– मुरजी पटेल (भाजप)
* कांदिवली विधानसभा मतदारसंघ– अतुल भातखळकर (भाजप)
* अणशुक्तीनगर विधानसभा मतदारसंघ– सना मलिक (अजित पवार गट)
* माहीम विधानसभा मतदारसंघ- महेश सावंत (ठाकरे गट)
* दहिसर विधानसभा मतदारसंघ-  मनीषा चौधरी (भाजप)
* वरळी विधानसभा मतदारसंघ- आदित्य ठाकरे (ठाकरे गट)
* शिवडी विधानसभा मतदारसंघ- अजय चौधरी (ठाकरे गट)
* विक्रोळी विधानसभा मतदारसंघ- सुनील राऊत (ठाकरे गट)
* शिवाजीनगर मानखुर्द मतदारसंघ- अबू आझमी (समाजवादी पक्ष)
* कु्र्ला विधानसभा मतदारसंघ- मंगेश कुडाळकर (शिंदे गट)
* मुलुंड विधानसभा मतदारसंघ- मिहीर कोटेचा (भाजप)
* भायखळा विधानसभा मतदारसंघ- मनोज जामसुतकर (ठाकरे गट)
*  चेंबूर विधानसभा मतदारसंघ-  तुकाराम काते (शिंदे गट)
*  कलिना विधानसभा मतदारसंघ– संजय पोतनीस (ठाकरे गट)
*  वर्सोवा विधानसभा मतदारसंघ–  हारुन खान (ठाकरे गट)
* जोगेश्वरी पूर्व विधानसभा मतदारसंघ– अनंत नर (ठाकरे गट)
* अंधेरी पश्चिम विधानसभा मतदारसंघ– अमित साटम (ठाकरे गट)
* मुंबादेवी विधानसभा मतदारसंघ– अमिन पटेल (काँग्रेस)
* वांद्रे पूर्व विधानसभा मतदारसंघ- वरुण सरदेसाई (ठाकरे गट)
* मालाड पश्चिम विधानसभा मतदारसंघ– अस्लम शेख (काँग्रेस)
* दिंडोशी विधानसभा मतदारसंघ–  सुनील प्रभू (ठाकरे गट)
* गोरेगाव विधानसभा मतदारसंघ–  विद्या ठाकूर (भाजप)
*  चारकोप विधानसभा मतदारसंघ– योगेश सागर (भाजप)

संबंधित बातम्या