अखिलेश यादव यांचे बंधू प्रतीक यादव यांचं निधन ; वयाच्या 38 व्या वर्षी घेतला अखेरचा श्वास

Prateek Yadav : उत्तर प्रदेशचे माजी मुख्यमंत्री आणि दिवंगत नेते मुलायम सिंह यादव यांचे पुत्र आणि माजी मुख्यमंत्री अखिलेश यादव यांचे बंधू

Prateek Yadav : उत्तर प्रदेशचे माजी मुख्यमंत्री आणि दिवंगत नेते मुलायम सिंह यादव यांचे पुत्र आणि माजी मुख्यमंत्री अखिलेश यादव यांचे बंधू प्रतीक यादव यांचे आज निधन झाले आहे. वयाच्या 38 व्या वर्षी त्यांनी अखेरचा श्वास घेतला. प्रतीक यादव भाजप नेत्या अपर्णा यादव यांचे पती होते आणि खाजगी आयुष्यामुळे गेल्या काही दिवसांपासून सोशल मीडियावर चर्चेत होते.

सध्या समोर आलेल्या माहितीनुसार, आज सकाळी प्रकृती खालावल्यामुळे प्रतीक यांना लखनौ येथील ‘सिव्हिल हॉस्पिटल’मध्ये दाखल करण्यात आले होते आणि तिथेच त्यांनी अखेरचा श्वास घेतला. प्रतीक (Prateek Yadav) यांचा मृत्यू हृदयविकाराचा झटका किंवा मेंदूतील रक्तस्रावामुळे (ब्रेन हॅमरेज) झाला असावा, असे वृत्त आहे. मृत्यूचे नेमके कारण निश्चित करण्यासाठी शवविच्छेदन (पोस्ट-मॉर्टम) केले जाईल. चार डॉक्टरांचे एक पथक हे शवविच्छेदन करेल आणि संपूर्ण प्रक्रियेचे व्हिडिओ चित्रीकरण केले जाईल.

डॉक्टरांच्या माहितीनुसार, 38 वर्षीय प्रतीक यादव यांना बेशुद्धावस्थेत रुग्णालयात आणण्यात आले होते. रुग्णालयात दाखल करताच डॉक्टरांनी त्यांना मृत घोषित केले. प्रतीक यांची प्रकृती गेल्या काही दिवसांपासून अस्वस्थ होती. असेही वृत्त आहे की, अवघ्या काही दिवसांपूर्वीच प्रतीक यांना लखनौ येथील एका रुग्णालयात अत्यंत गंभीर अवस्थेत दाखल करण्यात आले होते मात्र, प्रकृतीत सुधारणा दिसून आल्यानंतर तीन दिवसांनी ते घरी परतले होते. बुधवारी पहाटेच्या सुमारास त्यांची प्रकृती अचानक पुन्हा खालावली आणि सकाळी 6 वाजता त्यांना तातडीने ‘सिव्हिल हॉस्पिटल’मध्ये नेण्यात आले. तिथे डॉक्टरांनी त्यांना मृत घोषित केले. त्यानंतर काही वेळातच, शवविच्छेदनासाठी त्यांचा मृतदेह रुग्णवाहिकेने शवागारात हलवण्यात आला.

आणखी एक धक्का, सोने आणि चांदीच्या आयात शुल्कात मोठी वाढ; आजपासून लागू-

प्रतीक यादव हे मुलायमसिंह यादव यांच्या दुसऱ्या पत्नी, साधना गुप्ता यांचे पुत्र होते. प्रतीक यांच्या पत्नी, अपर्णा यादव, सध्या ‘उत्तर प्रदेश राज्य महिला आयोगा’च्या उपाध्यक्ष म्हणून कार्यरत आहेत आणि त्या राजकारणात सक्रियपणे सहभागी आहेत. याउलट, प्रतीक यांनी मुख्य प्रवाहातील सक्रिय राजकारणापासून स्वतःला दूर ठेवले होते त्याऐवजी ते रिअल इस्टेट (स्थावर मालमत्ता) आणि फिटनेस क्षेत्रांत कार्यरत होते. लखनौ येथील त्यांचे ‘द फिटनेस प्लॅनेट’ (The Fitness Planet) हे जिम खूप प्रसिद्ध आहे. यापूर्वी, अपर्णा यादव यांच्याशी घटस्फोट झाल्याच्या अफवांमुळे प्रतीक यादव चर्चेत आले होते.

संबंधित बातम्या