छत्तीसगडमध्ये आणखी एक धक्का, पहिल्यांदाच दोन उपमुख्यमंत्री तर रमण सिंग नव्या भूमिकेत

Vishnu Dev Sai : छत्तीसगडमध्ये मुख्यमंत्र्यांच्या नावाच्या घोषणेसोबतच उपमुख्यमंत्र्यांच्या नावाचीही घोषणा करण्यात आली आहे. राज्यात दोन उपमुख्यमंत्री असतील. भाजपचे प्रदेशाध्यक्ष अरुण साओ (Arun Sao) आणि विजय शर्मा (Vijay Sharma) यांना उपमुख्यमंत्री तर माजी मुख्यमंत्री रमण सिंग (Raman Singh) यांना विधानसभेचे अध्यक्ष केले जाणार आहे.

विष्णू देव साय (Vishnu Dev Sai) हे छत्तीसगडचे नवे मुख्यमंत्री होणार आहेत. तर दोन उपमुख्यमंत्री निवडताना ओबीसी व्होटबँकही लक्षात ठेवली आहे. अरुण साओ हे ओबीसी समाजातील आहेत. विजय शर्मा हे कबीरधाम जिल्ह्यातील करवधा येथून भाजपचे आमदार आहेत. त्यांनी मंत्री मोहम्मद अकबर यांचा पराभव केला होता.

विजय शर्मा हे छत्तीसगड भाजपचे प्रदेश सरचिटणीस असून भाजप युवा मोर्चाचे प्रदेशाध्यक्ष राहिले आहेत. 50 वर्षीय विजय शर्मा पहिल्यांदाच आमदार झाले आहेत. त्यांचे वय 50 वर्षे असून ते पहिल्यांदाच आमदार झाले आहेत.

दिल्लीत ‘या’ दिवशी होणार इंडिया आघाडीची बैठक, जागावाटपावर चर्चाही होण्याची शक्यता

अरुण साओ पहिल्यांदाच आमदार झाले
तर अरुण साओबद्दल बोलायचे झाले तर त्यांनी मुंगेली जिल्ह्यातील लोर्मी मतदारसंघातून काँग्रेसचे उमेदवार थानेश्वर साहू यांचा पराभव केला होता. सध्या ते भाजपचे प्रदेशाध्यक्ष आहेत. गेल्या वर्षीच ऑगस्ट महिन्यात त्यांना विष्णुदेव साय यांच्या जागी प्रदेशाध्यक्षपदाची जबाबदारी देण्यात आली होती.

ते बिलासपूर लोकसभा मतदारसंघातून खासदार राहिले आहेत. आमदार निवडून आल्यानंतर केंद्रीय नेतृत्वाने त्यांना खासदारकीचा राजीनामा देण्यास सांगितले होते. विजय शर्मा यांच्याप्रमाणेच 55 वर्षीय अरुण साओ हेही पहिल्यांदाच आमदार झाले आहेत.

‘दो धागे श्रीराम के लिए’.. पुण्यातील कार्यक्रमातून स्मृती इराणी का निघून गेल्या?

तीन वेळा मुख्यमंत्री राहिलेले रमण सिंग नव्या भूमिकेत
विधानसभा अध्यक्षपदासाठी तीनदा मुख्यमंत्री राहिले रमण सिंग यांची निवड केली आहे. यावेळीही ते मुख्यमंत्रीपदाच्या शर्यतीत होते. मात्र त्यांचा विधानसभा अध्यक्षपदाचा अनुभव वापरण्याचा निर्णय पक्षाने घेतला आहे. रमणसिंग यांनी त्यांच्या पारंपरिक राजनांदगावमधून निवडणूक जिंकली आहे.