बिट्टू बजरंगीला फिल्मी स्टाईल अटक; व्हिडिओवर सोशल मीडियावर व्हायरल
- Written By: prashant letsupp Published:
Bittu Bajrangi arrested : हरियाणातील नूह येथील हिंसाचारातील आरोपी बिट्टू बजरंगी याला मंगळवारी संध्याकाळी अटक करण्यात आली. पोलिसांनी त्याला फरिदाबाद येथून अटक केली आहे. त्याला पकडण्यासाठी पोलिसांना बरीच मेहनत घ्यावी लागली. बिट्टू बजरंगीच्या अटकेचा व्हिडिओवर सोशल मीडियावर व्हायरल झाला आहे. यामध्ये पोलिसांनी बिट्टू बजरंगीला अत्यंत फिल्मी स्टाईलमध्ये अटक केल्याचे पाहायला मिळते.
सीसीटीव्ही फुटेजमध्ये दिसत आहे की, नूहची सीआयए टीम साध्या गणवेशात तीन सशस्त्र वाहनांच्या ताफ्यासह फरिदाबादमधील बिट्टूच्या घरी पोहोचली. त्यामुळे टीमला पाहताच बिट्टू बजरंगी धावू लागला. एकापाठोपाठ एक पोलिस बिट्टूच्या धावत आहेत. बिट्टू पोलिसांच्या तावडीतून पळताना दिसत आहे, हे व्हिडिओमध्ये स्पष्टपणे दिसत आहे.
फिल्मी स्टाईल पाठलाग
ज्या गल्लीत ही संपूर्ण गर्दी झाली, त्या रस्त्यावर पोलिसांच्या धाडीमुळे गोंधळ उडाला होता. अथक परिश्रमानंतर बिट्टू अखेर पोलिसांच्या तावडीत आला आहे. बिट्टूला पोलिसांनी पकडले असून त्याला घेऊन जात असल्याचे सीसीटीव्हीमध्ये स्पष्ट दिसत आहे.
सरकारी कामात अडथळा
बिट्टू बजरंगी आणि इतर 15-20 जणांनी नुह येथील महिला पोलीस अधिकाऱ्यासमोर तलवारी इत्यादी हत्यारांसह घोषणाबाजी केली. पोलिसांनीही त्याला समजावले होते, मात्र रागाच्या भरात त्याने सरकारी कामात अडथळा आणला.
काय आहे नूह हिंसा प्रकरण?
हरियाणातील नूह येथील हिंदू संघटनांनी दरवर्षीप्रमाणे 31 जुलै रोजी बृजमंडल यात्रा काढण्याची घोषणा केली होती. त्याची परवानगीही प्रशासनाकडून घेण्यात आली होती. मात्र ब्रिजमंडल यात्रेत दगडफेक करण्यात आली. काही वेळातच त्याचे दोन समुदायांमधील हिंसाचारात रूपांतर झाले.
बिट्टू बजरंगी को हरियाणा पुलिस ने फरीदाबाद से किया गिरफ्तार,नूह हिंसा मामले में आरोपी है बिट्टू,इसके अलावा अभी कई अन्य गौ तस्कर (कथित गौरक्षक) भी है हिंसा के आरोपी! pic.twitter.com/s36kzMcumq
— Zakir Ali Tyagi (@ZakirAliTyagi) August 15, 2023
वातावरण इतके तापले की शेकडो गाड्या पेटवण्यात आल्या. सायबर पोलिस स्टेशनवरही हल्ला झाला. गोळीबारही झाला. पोलिसांवरही हल्ले झाले. नुहानंतर सोहना येथेही दगडफेक आणि गोळीबार झाला. वाहने जाळण्यात आली. यानंतर हिंसाचाराची आग नुहपासून फरीदाबाद-गुरुग्रामपर्यंत पसरली.
